قازاقستان حالىقارالىق ساياساتتا كوپۆەكتورىل باعىتتى ۇستانۋشى مەملەكەت. قازاقستاننىڭ 2020-30 جىلداعا ارنالعان «سىرتقى ساياسات تۋرالى» ارنايى تۇجىرىمداماسىنا سايكەس، قازاقستان مەملەكەتتىڭ دامۋى ءۇشىن كوپۆەكتورلى ءارى بەلسەندى سىرتقى ساياسات جۇرگىزۋى كەرەك.

سونداي-اق، قۇجاتتا قازاقستان حالىقارالىق بايلانىستاردى نىعايتىپ، مەملەكەتارالىق بايلانىستاردىڭ قاۋىپسىز تۇرلەرىن ىزدەستىرۋى جانە حالىقارالىق ارەنادا، ەۋرازيا جانە وا وڭىرىدە گەوساياسي ويىنشىعا اينالۋى كەرەكتىگى جازىلعان.

اتالمىش باعىتتاعى اتقارىلعان شارۋالاردىڭ ءبىر كورىنىسى رەتىندە مەملەكەت باسشىسىنىڭ شەتەلدىك ارەپتەستەرىمەن جۇرگىزگەن كەلىسسوزدەرىن ايتۋعا ابدەن بولادى. وسى رەتتە ءبىز قازاقستان پرەزيدەنتى قاسىم-جومارت توقاەۆتىڭ قاراشا ايىنداعى شەتەلدىك ارەپتەستەرىمەن وتكىزگەن كەزدەسۋلەرى مەن تەلەفون ارقىلى جاساعان بايلانىستارىنا شولۋ جاساعاندى ءجون دەپ تاپتىق.

3 قاراشا. مەملەكەت باسشىسى قاسىم-جومارت توقاەۆ ۆەناداعى تەررورلىق اكتىگە بايلانىستى اۆستريا پرەزيدەنتى الەكساندر ۆان دەر بەللەنگە كوڭىل ايتىپ، حات جولدادى.

«تەرروريزمنىڭ كەز كەلگەن فورماسىنا جول بەرۋگە ءھام ونى اقتاۋعا بولمايدى. وسىنداي زۇلىمدىققا بارعان كىنالىلەر تابىلىپ، جاۋاپقا تارتىلادى دەپ ۇمىتتەنەمىن. قازاقستان حالقى مەن ءوز اتىمنان تەررورلىق اكتىدەن زارداپ شەككەن، قازا تاپقان جانداردىڭ وتباسىلارىنا كوڭىل ايتامىن. وسىنداي قارالى كۇندە ءبىز اۆستريا حالقىمەن بىرگەمىز»، - دەلىنگەن جەدەلحاتتا.

ايتا كەتەيىك، 1992 جىلدىڭ 18 قاڭتارىندا اۆستريا قازاقستاننىڭ ەگەمەندىگىن تانيتىنىن جاريالاعان. ال 1992 جىلدىڭ 19 اقپانىندا ەكى ەل اراسىندا ديپلوماتيالىق قارىم-قاتىناستار ورناتىلا باستاعان. 1995 جىل العاش رەت اۆستريادا قازاقستاننىڭ توتەنشە جانە وكىلەتتى ەلشىلىگى اشىلعان.

3 قاراشا. قازاقستان پرەزيدەنتى اۋعانىستان پرەزيدەنتى مۇحاممەد اشراف عانيعا كوڭىل ايتىپ، جەدەلحات جولدادى.

وسىعان دەيىن اۋعانىستاننىڭ كابۋل ۋنيۆەرسيتەتىنە لاڭكەستىك شابۋىل جاسالىپ، بىرنەشە ادامنىڭ قازا تاپقانى باق-تا جاريالانعان. قازاقستان پرەزيدەنتى اۋعانىستان حالقىنا جانە لاڭكەستىك شابۋىلدان قازا تاپقان وتباسىلارعا كوڭىل ايتقان.

10 قاراشا. پرەزيدەنت توقاەۆ شانحاي ىنتىماقتاستىق ۇيىمىنىڭ  باسشىلارىنىڭ وتىرىسىنا قاتىستى.

اتالعان ءسامميتتى بۇل جولى رەسەي ۇيىمداستىرعان. قازاقستان پرەزيدەنتى ءوز كەزەگىندە شىۇ قۇرىلعان 20 جىلدا اتقارىلعان شارۋانىڭ از ەمەستىگىنە توقتالىپ، وسى ۋاقىت ىشىندە شىۇ حالىقارالىق ساياسات الاڭىندا ءوزىنىڭ ەففەكتيۆتىلىگىن كورسەتكەنىن اينالعانىن اتاپ ءوتتى.

«شانحاي ىنتىماقتستىق ۇيىمى قۇقىقتىق جاعىنان دۇنيەجۇزىنىڭ 4/1-ءىن، جەر بەتىندەگى بارلىق حالىقتىڭ 40 پايىزىن ءھام الەمدىك ءجىو-ءنىڭ 3/1-ءىن قامتيتىن كەڭىستىكتە ءوزىن حالىقارالىق ىنتىماقتاستىقتىڭ ءتيىمتى فورماسى رەتىندە دالەلدەدى»، - دەدى پرەزيدەنت توقاەۆ.

11 قاراشا. پرەزيدەنت توقاەۆ كاتار ءامىرى شەيح تاميم بەن حاماد ءال تانيمەن تەلەفور ارقىلى سويلەستى.

كاتار مەملەكەتى Covid-19 ىندەتىمەن كۇرەس ءۇشىن قازاقستانعا قاجەتتى مەديتسينالىق قۇرال-جابدىقتار تۇرىندە گۋمانيتارلىق كومەك جىبەرگەن بولاتىن. قازاقستان پرەزيدەنتى وسى كورسەتىلگەن كومەك ءۇشىن كاتار امىرىنە العىس ايتىپ، «بۇل قادامدى شىنايى دوستىقتىڭ كورىنىسى»، دەپ باعالايتىنىن ايتقان.

ەكى تاراپ تا كوروناۆيرۋس پاندەمياسى مەن الەمدىك ەكونوميكالىق داعدارىستان بولعان كۇردەلى جاعدايعا قاراماستان ەكى ەل اراسىنداعى ەكونوميكالىق جانە ينۆەستيتسيالىق بايلانىستاردى ءارى قاراي دا جالعاستىرۋعا مۇددەلى ەكەندىكتەرىن جەتكىزدى. اتاپ ايتقاندا، بانك، قارجى، كولىك جانە لوگيستيكا، ەەنەرگەتيكا جانە اۋىل شارۋاشىلىعى، تۋريزم سالالارى بويىنشا اۋقىمدى جوبالاردى بىرلەسىپ اتقارۋ تۋرال ۋاعدالاستىققا كەلگەن.

11 قاراشا. قازاقستان پرەزيدەنتى رەسەي پرەزيدەنتىمەن تەلەفون ارقىلى سويلەستى. تاراپتار مەملەكەتارالىق قارىم-قاتىناستاردىڭ جاي-جاپسارىن تالقىلاپ، ينتەگراتسيالىق بىرلەستىكتەر اياسىندا ءوزارا ىقپالداستىق جانە ارىپتەستىك تۋرالى پىكىر الماستى. سونداي-اق، ەكى ەل پرەزيدەنتتەرى تاۋلى قاراباقتاعى سوعىس جاعدايىن دا ءسوز ەتتى.

12 قاراشا. پرەزيدەنت توقاەۆ وزبەكستان پرەزيدەنتى شاۆكات ميرزيەەۆپەن تەلەفون ارقىلى سويلەستى.

قازاق جانە وزبەك پرەزيدەنتتەرى ەكى ەل اراسىنداعى وسى ۋاقىتقا دەيىن قول جەتكىزىلگەن كەلىسىمدەر شەڭبەرىندە ەكىجاقتى قارىم-قاتىناستاردىڭ جالعاسا بەرەتىنىن ايتتى. اڭگىمە بارىسىندا جۋىق ارادا بىرلەسىپ اتقارىلاتىن شارۋالاردىڭ دا جاي-جاپسارى پىسىقتالدى.

قازاقستان جانە وزبەكستان پرەزيدەنتتەرى ورتالىق ازياداعى اۋمالى-توكپەلى احۋالداردى تالقىلاپ، وڭىردەگى تۇراقتىلىق پەن قاۋىپسىزدىكتى ساقتاۋ ءۇشىن الداعى ۋاقتا بىرلەسىپ جۇمىس ىستەۋگە ۋاعدالاسقان.

13 قاراشا. قازاقستان پرەزيدەنتى قاسىم-جومارت توقاەۆ قىرعىزستان پرەزيدەنتىنىڭ مىندەتىن اتقارۋشى سادىر جاپاروۆپەن تەلەفون ارقىلى سويلەسكەن.

سادىر جاپاروۆ قىرعىز رەسپۋبليكاسىنىڭ پرەزيدەنتى مىندەتىن اتقارۋشى ءھام قىرعىزستان پرەمەر-ءمينيسترى بولىپ جۋىردا تاڭدالعان. اڭگىمە بارىسىندا قازاقستان پرەزيدەنتى قازاقستان مەن قىرعىزستان اراسىنداعى ءوزارا قارىم-قاتىناستاردى كۇشەيتۋ ماقساتىندا اتقارىلاتىن شارۋالاردى كەلىسكەن. ءوز كەزەگىندە پرەزيدەنت توقاەۆ قىرعىزستاننىڭ ساياسي تۇراقتىلىعىن قولدايتىنىن ايتقان.

16 قاراشا. پرەزيدەنت توقاەۆ مولدوۆانىڭ جاڭا پرەزيدەنتى مايا ساندۋدى قۇتتىقتاپ، جەدەلحات جولداعان. وندا: «بۇل سايلاۋداعى ءسىزدىڭ ايقىن جەڭىسىڭىز دەموكراتيالىق تۇراۇقتى ءھام ەكونوميكالىق دامىعان مەملەكەت قۇرۋ جولىنداعى باستامالارىڭىزدىڭ حالىقتىق قولداۋ تاپقانىن كورسەتەدى. ءبىز كۇش بىرىكتىرە وتىرىپ، الداعى ۋاقتا دا قازاقستان-مولدوۆا قارىم-قاتىناستارىن نىعايتا تۇسەمىز دەپ سەنەمىن»، - دەپ جازىلعان.

20 قاراشا. پرەزيدەنت توقاەۆ رەسەيلىك اسكەرلىك دەلەگاتسيانى قابىلدادى. ەلورداداعى «استانا» حقو-دا رەسەي ۇكىمەت باسشىسىنىڭ ورىنباسارى الەكسەي وۆەرچۋك باستاپ كەلگەن ىسكەرلىك دەلەگاتسيانى قابىلداعان. بۇل جولىعۋ بارىسىندا ەكى تاراپ – قازاقستان مەن رەسەي تاراپى تسيفرلاندىرۋ سالاسىنداعى ىنتىماقتاستىق تۋرالى مەموراندۋمعا قول قويدى.

Abai.kz