تانىمال اۋىلشارۋاشىلىق سالاسىنىڭ ەكسپەرتى، «Shopan ata» قوي وسىرۋشىلەر قاۋىمداستىعىنىڭ توراعاسى الماسبەك سادىرباەۆ اقتوبە وبلىسىندا بولعان شوشقا داۋىنا قاتىستى پىكىر ءبىلدىرىپ، بىزگە ارنايى حات-حابار جولداعان ەكەن. ءبىز الماسبەك مىرزانىڭ ۇندەۋىن ءوز وقىرماندارىمىزدىڭ نازارىنا ۇسىنىپ وتىرمىز.

ارمىسىزدار، اعايىن!

مەن وتكەن اپتادا اقتوبە وبلىسى، العا اۋدانى، بەستاماق اۋىلىندا ورىن العان شوشقا داۋىنا قاتىستى مالىمدەمە جاساسام دەيمىن. 5 كۇننەن بەرى وسى تاقىرىپتى زەرتتەپ، زەردەلەي كەلە مىناداي توقتامعا كەلدىم:

بۇل شوشقا زاۋىتى قالاي دا جابىلۋى كەرەك! نەگە دەگەن سۇراققا مەن 3 ارگۋمەنت ايتقىم كەلىپ تۇر:

وسى جاعدايعا بايلانىستى ەل بولىپ 3 باستى تالاپ قويۋىمىز كەرەك:

1. ەكولوگيا ماسەلەسىنە ۇكىمەت نازار اۋدارۋى ءتيىس. ۇرپاقتى ۋلايتىن شوشقا زاۋىتى جابىلۋى كەرەك;

2. اۋىلشارۋاشىلىعى مينيسترلىگى جالپى شوشقاعا باعىتتالعان سۋبسيديانى توقتاتسىن جانە ول اقشا تۇيەگە، جىلقىعا، قوي شارۋاشىلىعىنا باعىتتالۋى ءتيىس;

3. سىرتتان كەلەتىن ينۆەستورلارعا شوشقا بيزنەسىنە ءبىرجولا تىيىم سالىنۋى كەرەك;

جاقىندا زاۋىتتىڭ ديرەكتورى ارمەنيادان بايلانىسقا شىقتى. شوشقا فەرماسىن جابا بەرەمىن، بىراق ءبىر شارتىم بار دەدى. ەشقانداي دا شارتتىڭ كەرەگى جوق. مەنىڭ ويىمشا، جەرگىلىكتى تۇرعىنداردىڭ قۇقى جىلدار بويى بۇزىلىپ كەلگەن. سوندىقتان بۇل جەردە حالىقتىڭ جانايقايى ورىندى. حالىقتىڭ شىرىلىن بيلىك ەسكەرۋى كەرەك.

قازىر تەكسەرىس بولادى، ون كۇننەن كەيىن شەشىم شىعادى دەگەن اڭگىمە ايتىلىپ جاتىر. ونىڭ بارلىعى بوس اڭگىمە!

بۇل اقتوبە ەسەت، ابات، يساتاي باتىرلاردىڭ كەسەنەلەرى بار قۇتتى مەكەن. ءتىپتى تۇيە اتاسى ويسىلقارا اۋليەنىڭ سۇيەگى وسى وڭىردە جاتقان جوق پا؟!

سوندىقتان قاسيەتتى مەكەندى قاسيەتسىز جانۋاردىڭ قالدىعىمەن بىلعاماۋىمىز كەرەك. ەلدىڭ تالاپ-ارىزىنا جەرگىلىكتى باسشىلىق نەمقۇرايلى قاراماسا ەكەن دەيمىز.

سىزدەرگە دەگەن قۇرمەتپەن،

الماسبەك سادىرباەۆ،

«شوپان اتا» قوي وسىرۋشىلەر قاۋىمداستىعىنىڭ توراعاسى

Abai.kz