قازاقستان عارىشتىق ەل دەپ بوركىمىزدى اسپانعا اتامىز. بىراق عارىشكەرىمىزدى ۇشىرۋ دا، عارىشتىق تەحنيكانى مەڭگەرۋ دە «روسكوسموس»-تىڭ قۇزىرىنداعى ءىس بولىپ تۇر. سوڭعى ءۇش-ءتورت جىل كولەمىندە «بايقوڭىردا» ءوزىمىزدىڭ راكەتالىق-عارىشتىق «بايتەرەك» كەشەنى سالىنادى دەپ جاھانعا جار سالدىق. ەندى اياق استىنان ماسەلە 180 گرادۋسقا بۇرىلىپ كەتىپتى.
«ءبىزدىڭ ەلىمىزدە مۇنداي كەلىسىمدى دايىنداعانداردىڭ راكەتالىق-تەحنيكالىق ماسەلەلەر جونىندەگى، جالپى «بايتەرەك» سياقتى ءىرى مەگاجوبانى قۇرۋ تۋرالى تۇسىنىگى از. سول كەزدە ۇلكەن قاتەلىكتەر جىبەرىلگەن، «بايتەرەك» تۋرالى كەلىسىمدە رەسەي فەدەراتسياسى جاعىنان ەشقانداي جاۋاپكەرشىلىك قاراستىرىلماعان... شىن مانىندە رەسەي بۇل كەشەندى قۇرۋدا ەشقانداي تاۋەكەلگە بارمايدى، قارجىلاندىرمايدى، كەپىلدىك بەرمەيدى», - دەپ تاياۋدا «قازعارىش»-تىڭ باسشىسى تالعات مۇساباەۆ رەسەي جاعىنا وكپەسى قارا قازانداي ەكەنىن ءبىلدىردى.
ماسساعان، بەزگەلدەك! 2004 جىلى ەكى ەل پرەزيدەنتتەرى كەلىسىمىنە سايكەس قولعا الىنعان ءىستىڭ مۇنداي شيكىلىگى بۇرىن نەگە ايتىلماعان؟ عارىش «قازانىنىڭ» باسىندا مۇساباەۆ مىرزانىڭ وتىرعانىنا از بولعان جوق. الدە، وسى ۋاقىتقا دەيىن ول مۇنى بىلمەگەن بە؟ كەلىسىمگە سايكەس بۇل ىسكە تەك قازاقستان جاعى عانا بيۋدجەتتىك نەسيەلەندىرۋ ەسەبىنەن قارجى ءبولۋى ءتيىس ەكەن. ال وسى جىلدار ىشىندە جوبانىڭ قۇنى 223 ميلليارد دوللاردان 640 ميلليارد دوللارعا دەيىن ءوسىپ كەتكەن.
بۇل مالىمدەمەڭىز ءسىزدىڭ دە جاۋاپكەرشىلىگىڭىزدىڭ جۇگىن جەڭىلدەتپەيدى-اۋ، تالعات امانگەلدىۇلى.

قازاقستان عارىشتىق ەل دەپ بوركىمىزدى اسپانعا اتامىز. بىراق عارىشكەرىمىزدى ۇشىرۋ دا، عارىشتىق تەحنيكانى مەڭگەرۋ دە «روسكوسموس»-تىڭ قۇزىرىنداعى ءىس بولىپ تۇر. سوڭعى ءۇش-ءتورت جىل كولەمىندە «بايقوڭىردا» ءوزىمىزدىڭ راكەتالىق-عارىشتىق «بايتەرەك» كەشەنى سالىنادى دەپ جاھانعا جار سالدىق. ەندى اياق استىنان ماسەلە 180 گرادۋسقا بۇرىلىپ كەتىپتى.
«ءبىزدىڭ ەلىمىزدە مۇنداي كەلىسىمدى دايىنداعانداردىڭ راكەتالىق-تەحنيكالىق ماسەلەلەر جونىندەگى، جالپى «بايتەرەك» سياقتى ءىرى مەگاجوبانى قۇرۋ تۋرالى تۇسىنىگى از. سول كەزدە ۇلكەن قاتەلىكتەر جىبەرىلگەن، «بايتەرەك» تۋرالى كەلىسىمدە رەسەي فەدەراتسياسى جاعىنان ەشقانداي جاۋاپكەرشىلىك قاراستىرىلماعان... شىن مانىندە رەسەي بۇل كەشەندى قۇرۋدا ەشقانداي تاۋەكەلگە بارمايدى، قارجىلاندىرمايدى، كەپىلدىك بەرمەيدى», - دەپ تاياۋدا «قازعارىش»-تىڭ باسشىسى تالعات مۇساباەۆ رەسەي جاعىنا وكپەسى قارا قازانداي ەكەنىن ءبىلدىردى.
ماسساعان، بەزگەلدەك! 2004 جىلى ەكى ەل پرەزيدەنتتەرى كەلىسىمىنە سايكەس قولعا الىنعان ءىستىڭ مۇنداي شيكىلىگى بۇرىن نەگە ايتىلماعان؟ عارىش «قازانىنىڭ» باسىندا مۇساباەۆ مىرزانىڭ وتىرعانىنا از بولعان جوق. الدە، وسى ۋاقىتقا دەيىن ول مۇنى بىلمەگەن بە؟ كەلىسىمگە سايكەس بۇل ىسكە تەك قازاقستان جاعى عانا بيۋدجەتتىك نەسيەلەندىرۋ ەسەبىنەن قارجى ءبولۋى ءتيىس ەكەن. ال وسى جىلدار ىشىندە جوبانىڭ قۇنى 223 ميلليارد دوللاردان 640 ميلليارد دوللارعا دەيىن ءوسىپ كەتكەن.
بۇل مالىمدەمەڭىز ءسىزدىڭ دە جاۋاپكەرشىلىگىڭىزدىڭ جۇگىن جەڭىلدەتپەيدى-اۋ، تالعات امانگەلدىۇلى.
تۇپنۇسقاداعى تاقىرىپ: «شيكى كەلىسىمنەن شي شىقتى»
«نۇر استانا» گازەتى