6 جەلتوقسان كءۇءنى بىشكەكتە "زاڭدىلىق ءۇءشىن" دەگەن اتاۋمەن كەزەكتى شەرۋ ءوءتتى. "باشتان باشتا" قوزعالىسىنىڭ باستاماشىلىعىمەن ءوتكەن اكتسيانىڭ قاتىسۋشىلارى ءادەتتەگىدەي تءۇسكى 12.00 ۋاقىتىندا جينالىپ ەركينديك داڭعىلىمەن قالا ورتالىعىنداعى "الا-توو" الاڭىنا جءۇءرىپ ءوءتتى.

اكتسيا قاتىسۋشىلارى كونستيتۋتسيانى وزگەرتۋگە، ەلدە اۆتوريتاريزم ورناتۋعا جانە بيلىك ۋزۋرپاتسياسىنا قارسى ماندەگى جازۋلارى بار پلاكاتتار ۇستاپ، ۇراندار ايتتى.

بىشكەكتەگى بۇل شەرۋ ءار جەكسەنبى سايىن وتەتىن ءداستۇرلى اكتسياعا اينالدى. اكتسيانىڭ باستالۋىنا ەلدىڭ كونستيتۋتسياسىن وزگەرتۋ بويىنشا رەفەرەندۋم وتكىزۋ باستاماسى تۇرتكى بولعان.

17 قاراشا كۇنى قىرعىزستاندا قوعامدىق تالقىعا جاڭا كونستيتۋتسيانى قابىلداۋ بويىنشا رەفەرەندۋم تاعايىنداۋ تۋرالى زاڭ جوباسى شىعارىلدى. زاڭ جوباسىمەن بىرگە جاڭا كونستيتۋتسيانىڭ جوباسى دا جاريالاندى. جوباعا سايكەس، پرەزيدەنت قۇزىرەتى كەڭەيىپ، حالىق قۇرىلتايى دەيتىن جاڭا ينستيتۋت قۇرىلماق.

زاڭ جوباسىنىڭ باستاماشىسى رەتىندە جوگوركۋ كەڭەشتىڭ 80 دەپۋتاتى كورسەتىلگەن. كەيىنىرەك كەي دەپۋتاتتار باستاماشىلار قاتارىندا بولۋدان باس تارتىپ، كونستيتۋتسيا جوباسىنا قاتىسىن جوققا شىعاردى، جوبا ءماتىنىن كورمەگەنىن ايتتى.

جوگوركۋ كەڭەشتە سونداي-اق 2021 جىلعى 10 قاڭتاردا پرەزيدەنت سايلاۋىمەن بىرگە ەلدى باسقارۋ فورماسى جونىندە رەفەرەندۋم وتكىزۋ دە ۇسىنىلدى. بىراق بۇل سۇراق بويىنشا شەشىم ءالى قابىلدانبادى.

Abai.kz