سەنات سپيكەرى ماۋلەن اشىمباەۆتىڭ توراعالىعىمەن پالاتا بيۋروسىنىڭ وتىرىسى ءوتتى. وندا دەپۋتاتتار سەناتتىڭ الداعى 10 جەلتوقساندا وتەتىن جالپى وتىرىسىنىڭ كۇن ءتارتىبىن تالقىلادى.

بۇعان دەيىن پرەزيدەنت توقاەۆ جاۋاپتى حاتشى ينستيتۋتىن قىسقارتىپ، سول ارقىلى مينيسترلەردىڭ جاۋاپكەرشىلىگىن ارتتىرۋدى تاپسىرعان ەدى. ول ءۇشىن ءتيىستى زاڭناماعا وزگەرىستەر ەنگىزۋ قاجەت. سوعان بايلانىستى الداعى سەنات وتىرىسىندا دەپۋتاتتار «قازاقستان رەسپۋبليكاسىنىڭ ۇكىمەتى تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر ەنگىزۋ تۋرالى» زاڭ جوباسىن قارايدى.⠀

سونىمەن قاتار سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەت باسشىسىنىڭ 2020 جىلعى 1 قىركۇيەكتەگى «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىنىڭ جەكەلەگەن ەرەجەلەرىن ىسكە اسىرۋ ماسەلەسى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلايدى.⠀

ودان بولەك، سەنات وتىرىسىنىڭ كۇن تارتىبىنە «قازاقستان رەسپۋبليكاسى مەن ازيا دامۋ بانكى اراسىنداعى قارىز تۋرالى كەلىسىمدى (جاي وپەراتسيالار) (COVID-19-عا قارسى كۇرەس جونىندەگى بەلسەندى شارالار مەن شىعىستاردى قولداۋ باعدارلاماسى) راتيفيكاتسيالاۋ تۋرالى» جانە «قازاقستان رەسپۋبليكاسى مەن ازيا ينفراقۇرىلىمدىق ينۆەستيتسيالار بانكى اراسىنداعى قارىز تۋرالى كەلىسىمدى (COVID-19-عا قارسى كۇرەس جونىندەگى بەلسەندى شارالار مەن شىعىستاردى قولداۋ باعدارلاماسى) راتيفيكاتسيالاۋ تۋرالى» زاڭ جوبالارى دا شىعارىلدى. ⠀

سونداي-اق، سەناتورلار الداعى پالاتا وتىرىسىندا ءماجىلىس ماقۇلداعان «1999 جىلعى 8 قازانداعى ەركىن ساۋدا ايماعىن قۇرۋ تۋرالى كەلىسىمگە قاتىسۋشى مەملەكەتتەردىڭ اراسىندا تاسىمالداناتىن تاۋارلاردى كەدەندىك رەسىمدەۋدىڭ جانە كەدەندىك باقىلاۋدىڭ ءتارتىبى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» جانە «قازاقستان رەسپۋبليكاسىنىڭ بيۋدجەت كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭ جوبالارىن قارايدى. ⠀

الەم بويىنشا كوشى-قوننىڭ وسۋىنە بايلانىستى ەسكەرتۋ شارالارىن جەتىلدىرۋ جانە شەتەلدىكتەردىڭ قازاقستان اۋماعىنداعى زاڭعا قايشى ارەكەتتەرىنىڭ ۋاقتىلى الدىن الۋ ماسەلەسىنىڭ ماڭىزى ارتا تۇسەدى. وسىعان وراي سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ادامداردى قازاقستان رەسپۋبليكاسىنىڭ شەگىنەن تىس جەرگە شىعارىپ جىبەرۋ كەزىندە ۇستاۋ مەرزىمدەرىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن دا تالقىلايدى.⠀

بۇدان باسقا، سەنات دەپۋتاتتارى ءماجىلىس ماقۇلداعان «استىق تۋرالى» قازاقستان رەسپۋبليكاسىنىڭ زاڭىنا تولىقتىرۋلار ەنگىزۋ تۋرالى» زاڭ جوباسىن قارايدى.⠀

بيۋرو وتىرىسىندا سەناتورلار ماجىلىستەن كەلىپ تۇسكەن زاڭ جوبالارىن تۇراقتى كوميتەتتەرگە ءبولىپ بەردى.

Abai.kz