قازاقستان پرەزيدەنتى قاسىم-جومارت توقاەۆ ۆاشينگتوندا نارازىلىق بىلدىرۋشىلەردىڭ كاپيتوليدى باسىپ الۋىنا قاتىستى پىكىرىن ءبىلدىردى. 

ونىڭ ايتۋىنشا، بايدەننىڭ تۇجىرىمىمەن كەلىسۋ كەرەك، ال كاپيتوليدى باسىپ الۋ - زاڭسىزدىق پەن ەكسترەميزم.

«قازاقستان دا بۇكىل الەم سياقتى امەريكا قۇراما شتاتتارىندا بولىپ جاتقان جاعدايدى مۇقيات باقىلاپ وتىر. اقش-تىڭ تاڭداۋلى پرەزيدەنتى دجو بايدەن جاساعان تۇجىرىممەن كەلىسۋ كەرەك دەپ سانايمىن، كاپيتوليدى باسىپ الۋ - امەريكالىق دەموكراتيانىڭ قامالى - بۇل ءسوزسىز زاڭسىزدىق، ەكسترەميزم جانە زاڭسىزدىق پەن ەكسترەميزمگە قاتىستى ءتيىستى شارالار قابىلدانۋى كەرەك», - دەدى توقاەۆ.

ايتا كەتەيىك، 6 قاڭتار كۇنى اقش كونگرەسى قاراشادا وتكەن پرەزيدەنت سايلاۋىنىڭ قورىتىندىسىن رەسمي تۇردە بەكىتەتىن ساتتە، پرەزيدەنت دونالد ترامپتىڭ جاقتاستارى كونگرەسس عيماراتىنا باسىپ كىردى.

بۇعان قاتىستى سايلاۋ ناتيجەسى بويىنشا جەڭىسكە جەتكەن دجو بايدەن:

«سايلانعان ۇكىمەتكە قاۋىپ ءتوندىرۋ - نارازىلىق ەمەس. بۇل بۇلىك. الەم نە بولىپ جاتقانىن باقىلاپ وتىر. باسقا كوپتەگەن امەريكاندىقتار سياقتى مەن دە ۇزاق ۋاقىتتان بەرى دەموكراتيانىڭ نۇرى مەن ءۇمىتى بولىپ كەلگەن ۇلتىمىزدىڭ وسىنداي سۇمدىق ساتكە تاپ بولعانىنا قاتتى تاڭداندىم جانە قايعىردىم»، - دەپ ۇندەي جاريالادى.

Abai.kz