جەكسەنبى, 7 ناۋرىز 2021
46 - ءسوز 1671 2 پىكىر 10 قاڭتار, 2021 ساعات 18:22

داۋىس ۇرلاۋ دا - ۇرلىق!

قۇرمەتتى ارىپتەستەر!

ءبىز ۇستازبىز! الدا ەلىمىزدىڭ بولاشاعى ءۇشىن ەڭ ءبىر ماڭىزدى ءىس - سايلاۋ!

ءبىز ۇرپاق تاربيەسىمەن اينالىسىپ جۇرگەندىكتەن، ۇستاز دەگەن اتىمىز ءۇشىن ار الدىندا انت بەرەمىز.

ارىمىز تازا بولعاندا عانا ارى تازا ۇرپاق تاربيەلەيمىز!

ءبىز بۇگىن زاڭ بۇزساق، ەرتەڭ الدىمىزداعى شاكىرتكە "ەلدىڭ زاڭىن سىيلا، ەلدىڭ بولاشاعىن ويلا، ادام بول، ارلى بول" دەگەن سوزدەرىمىزدىڭ قۇنى كوك تيىن.

سوندىقتان، بۇگىن سايلاۋ كەلە جاتقالى ۇستازدارعا تاڭىلىپ جاتقان سىنداردى وزدەرىڭىز ەستىپ، ءبىلىپ وتىرسىزدار.

ەلدىڭ بولاشاعىنا بەي-جاي قاراي المايتىن، ۇستازداردىڭ حاقى مەن قۇقىنىڭ بۇزىلعانىن قالامايتىن، ۇستاز بەتىنە كىر كەلەر شارۋانىڭ بولماعانىن قالايتىن ۇستاز رەتىندە بارشالارىڭىزعا "اردان اتتاماڭىزدار، زاڭ بۇزباڭىزدار" دەگەن ءسوزدى ايتقىم كەلەدى.

داۋىس ۇرلاۋ دا - ۇرلىق! ۇستازدىڭ ۇرى بولۋعا ەش حاقىسى جوق!

2-3 رەت داۋىس بەرۋ دە قىلمىس! ۇستازدىڭ قىلمىسكەر بولۋعا حاقىسى جوق!

سوندىقتان، بارشاڭىزدان سايلاۋ كەزىندە ءوز تاڭداۋلارىڭىزدى زاڭدى سايلاۋ ۋچاسكەسىندە بەلسەندى جاساپ، زاڭ بۇزباۋلارىڭىزدى ارىپتەستەرىڭىز رەتىندە سۇرايمىن.

قۇرمەتتى مەنىڭ مەكتەپ ديرەكتورلارى ارىپتەستەرىم!

سىزدەر مەكتەپتىڭ باس ۇستازىسىزدار، سىزدەردىڭ زاڭ بۇزۋعا تىپتەن حاقىلارىڭىز جوق، زاڭ بۇزعىزۋعا تىپتەن. سوندىقتان، ءوز ۇجىمىڭىزدىڭ شىنايى ادالدىعى كەرەك بولسا، ادال ۇرپاق، جارقىن بولاشاق كەرەك بولسا، وندا ءوز ۇجىمىڭىزعا زاڭ بۇزۋعا قىسىم جاساماڭىز!

ءبىز ۇستازبىز!

ءبىز زاڭدى تۇردە تاڭداۋىمىزدى جاسايمىز، بىراق، ءبىز زاڭدى بۇزبايمىز دەپ ويلايمىن.

10 قاڭتاردا جەلى زاڭ بۇزعان ۇستازداردىڭ سۋرەتى مەن ۆيدەوسىنا تولمايدى دەپ سەنەمىن. ءبىز ساباق الاتىنداي بولدىق قوي، ءبىر قۇمالاق ءبىر قارىن مايدى شىرىتپەسىن!

پەداگوگ مارتەبەسى تۋرالى زاڭنىڭ كوك تيىندىق قۇنى جوق، ەگەر ءسىز زاڭدى بۇزىپ تۇرساڭىز!

سىزدە مارتەبە بولمايدى، ەلدىڭ زاڭىن سىيلاماساڭىز!

ءومىر اعانىڭ سوزىمەن ايتقاندا ەرتەڭ سايلاۋدان سوڭ #قۇل_ماعان_ارىپتەس_ەمەس دەپ وتىرمايمىز دەپ سەنەمىن!

ءبىز ۇستازدىق ارىمىزدى ادال ساقتايمىز.

قۇرمەتپەن، ءوز ارىپتەستەرىڭىز اياتجان!

اياتجان احمەتجانۇلىنىڭ جازباسى

Abai.kz

2 پىكىر