كەشە ءماجىلىس جانە ءماسليحات دەپۋتاتتارىنىڭ سايلاۋى وتكەنىن بىلەسىزدەر. قازاقستاننىڭ ورتالىق سايلاۋ كوميسسياسى رەسمي قورىتىندىلاردى ءالى جاريالاعان جوق.

الايدا، ەكى بىردەي «Exit poll» سايلاۋدىڭ بولجامدى قورىتىندىلارىن جاريالادى. ول بويىنشا ماجىلىسكە ءۇش ساياسي پارتيا وتكەن. ولار: «نۇر وتان» پارتياسى، «اق جول» پارتياسى جانە بۇرىنعى كوممۋنيستىك پارتيا (قازاقستاننىڭ حالىق پارتياسى).

سايلاۋدىڭ بۇل قورىتىندىلارى كوپتىڭ كوڭىلىنەن شىققان جوق. ونى جەلىدەگى جۇرتتىڭ ءسوز اۋانىنان اڭعارۋعا بولادى. ءبىز الەۋمەتتىك جەلىدەگى حالىقتىڭ ءازىل-شىنى ارالاس اڭگىمەلەرىن ءبىر شولىپ شىقتىق. سونىمەن، جۇرت نە دەيدى؟

رينات رافحات:

«اۋىل مەن ADAL-عا قايعىرىپ كوڭىل ايتامىن. بەكەم بولىڭىزدار! بوگ دال، بوگ ۆزيال...».

نۇربەك ءتۇسىپحان:

«ساياسي وقيعاسى از، ساياسي بەلسەندىلىگى تومەن قازاقستاندا سايلاۋشىلاردىڭ 63 پايىزى داۋىس بەرىپتى. ورتالىق ازيادا ساياسي تالاس-تارتىسى كۇشتى، حالقىنىڭ كوبى ساياساتشى قىرعىزستاندا 38 پايىز بوپتى».

ەربول ازانبەك:

«شىمىلدىق. كورەرمەن ءۇنسىز تاراۋدا. ارتىستەر دە گريمدى ءسۇرتىپ، كيىم اۋىستىرۋعا اسىعىپ بارا جاتىر...».

الماس توقاباەۆ:

«ەڭ جامان نارسە - قىتايدا وپپوزيتسيا بولۋ. ۆرودە ساعان 5-6 ملن ادام داۋىس بەرەدى، بىراق جيناعانىڭ 1% تە بولمايدى...».

سەرىك جولداسباي:

«ادال پارتياسىن ارام قاتىرىپتى. نەگىزى ءتاپ ءتاۋىر داۋىس الىپ ەدى. شىركىن، كوممۋنيستەردى وتكىزبەي اق قويسا ەكەن دەپ ەم. امال قانشا».

مۇحتار تايجان:

«امەريكادا سايلاۋدىڭ ناتيجەسىن العاش كىم جاريالايدى؟ تسيك ەمەس، باقتار! نەگە؟ ويتكەنى ءار ۇلكەن تەلەارنا، گازەت، ءوز دەربەس exit poll قىزمەتىن ۇستايدى. ال بىزدە تاۋەلسىز exit poll-دارعا ، الەۋمەتتىك زەرتتەۋلەرگە تىيىم سالىنعان. سول سەبەپتەن تسيك-ءتىڭ رەسمي ناتيجەلەرى شىن با وتىرىك پە ەشكىم تەكسىرە المايدى».

ءومىرجان ابدىحالىقۇلى

«سوۆەتسكوگو سويۋزا نەت، نو سوۆەتسكي چەلوۆەك جيۆەت. كوممۋنيزم - ەتو بولەزن، ۆيرۋس ي ەتا بولەزن ۆوزۆراششاەتسيا سنوۆا ي سنوۆا. سۆەتلانا الەكسيەۆيچ.

توقتاپ قالعان ۋاقىتتىڭ ۋلى تسيفلارى. اۋادا اۋىر قارسىلىق بار. بەس جىلعا بىردەن قارتايدىڭىز، بەس جىلىڭىز ءبىر ساتتە ۇرلاندى».

جارقىن تۇسىپبەكۇلى:

«دەكوراتسيا وزگەرمەي تەاتردا مازمۇن بولمايدى».

قايرات جولدىبايۇلى:

«حالىق» دەپ اتاۋىن وزگەرتكەن كەشەگى كوممۋنيستىك پارتيانىڭ 9,03 % العانىنا كىم سەنەدى؟ «اۋىل» مەن «ادالدىڭ» وتپەي قالعانى دا كۇماندى. بۇلار ساياسي قويىلىمنىڭ ءوزىن دە تىگىسىن جاتقىزىپ، ەپتەي المايدى».

ساعىندىق بەكۇلان:

«سايلاۋداعى باستى جاڭالىق: ەرماحان مەن ADAL. ەكەۋىندە دە حالىققا قاراۋعا بەت جوق».

دۋمان بىقاي:

«ءماشھۇر ءجۇسىپ اتامىزدا جازىق جوق. نۇر وتاننىڭ الدىندا و كىسى دە قاۋقارسىز».

ەسكەرتۋ! بۇل سايلاۋدىڭ رەسمي قورىتىندىسى ەمەس. رەسمي ەسەپتى قر ورتالىق سايلاۋ كوميسسياسى جاريالايدى. ونىمەن كەلىسۋ يا كەلىسپەۋ اركىمنىڭ ءوز تاڭداۋى. ال شىندىعىنا كەلگەندە، وسك-نىڭ دا قورىتىندىسى وسى ەسەپتىڭ توڭىرەگىندە بولاتىنىن وزدەرىڭىزدە ءبىلىپ وتىرسىزدار...

Abai.kz