سارسەنبى, 20 قاڭتار 2021
1739 2 پىكىر 12 قاڭتار, 2021 ساعات 11:53

ءۇش پارتيا ماجىلىستە قانشا ماندات الدى؟

قر ورتالىق سايلاۋ كوميسسياسى 10 قاڭتار كۇنى وتكەن قر پارلامەنتى ءماجىلىسى دەپۋتاتتارىن سايلاۋدىڭ قورىتىندىسىن شىعارىپ، ول بويىنشا ءۇش ساياسي پارتيانىڭ يە بولعان دەپۋتاتتىق ماندات سانىن جاريالادى.

وسك جاريالاعان سايلاۋ قورىتىندىسى بويىنشا، ماجىلىستەگى دەپۋتاتتىق ماندانتتار بىلاي ءبولىندى: «Nur Otan» پارتياسى – 76 ماندات، قازاقستاننىڭ «اق جول» دەموكراتيالىق پارتياسى –12 ماندات، قازاقستان حالىق پارتياسىنا - 10 ماندات.

ايتا كەتەيىك، سايلاۋدا قازاقستان حالىق پارتياسى 9,10 پايىز،

«Nur Otan» پارتياسى – 71,09 پايىز،

«اۋىل» حالىقتىق-دەموكراتيالىق پاتريوتتىق پارتياسى 5,29 پايىز، قازاقستاننىڭ «اق جول» دەموكراتيالىق پارتياسى – 10,95 پايىز،

«ADAL» ساياسي پارتياسى 3,57 پايىز داۋىس جيناعان ەدى.

كەشە قر ورتالىق سايلاۋ كوميسسياسى 10 قاڭتار كۇنى وتكەن قر پارلامەنتى ءماجىلىسى دەپۋتاتتارىن سايلاۋدا ساياسي پارتيالار جيناعان داۋىستاردىڭ الدىن الا قورىتىندىسىن جاريا ەتكەن بولاتىن.

سونىمەن قاتار، ساياسي پارتيالارعا سايلاۋشىلار تاراپىنان قانشا داۋىس بەرىلگەنى انىقتالدى.

ورتالىق سايلاۋ كوميسسياسى توراعاسىنىڭ ورىنباسارى كونستانتين پەتروۆتىڭ ايتۋىنشا، سايلاۋ ۋچاسكەلەرىندەگى سايلاۋشىلار تىزىمدەرىنە 11 919 241 ازامات ەنگىزىلدى. بەرىلگەن بيۋللەتەندەر – 7 539 280.

بەلگىلى بولعانداي، ساياسي پارتيالارعا بەرىلگەن داۋىس سانى 7 241 562-گە جەتتى. سونىڭ ىشىندە:

قازاقستان حالىق پارتياسىنا - 659 019 (9,10 پايىز),

«Nur Otan» پارتياسى – 5 148 074 (71,09%),

«اۋىل» حالىقتىق-دەموكراتيالىق پاتريوتتىق پارتياسى 383 023 (5,29 پايىز),

قازاقستاننىڭ «اق جول» دەموكراتيالىق پارتياسى – 792 828 (10,95 پايىز),

«ADAL» ساياسي پارتياسى 258 618 (3,57 پايىز) داۋىس جينادى.

Abai.kz

2 پىكىر