قازاقستاننىڭ تابيعي بايلىعىنىڭ ارقاسىندا ميللياردەرلەر قاتارىنان تابىلعان پاتوح شوديەۆ جاپوندىق 104 كيمونونى 3 ملن. دوللارعا ساتىپ الىپ، ولاردى جاپوندارعا قايتا سىيعا تارتتى. باسقالارعا كەلگەندە جومارتتىق تانىتۋدان، مارتتiگiمەن تاڭعالدىرۋدان شارشامايتىن شوديەۆتiڭ قازاقستانداعى مۇقتاج جاندارعا قانداي جاقسىلىق جاساعانى ازiرگە بەلگiسiز.

ماسكەۋدەگى مگيمو-نىڭ حالىقارالىق قاتىناستار فاكۋلتەتىن بىتىرگەن پاتوح شوديەۆ ءبىر كەزدەرى كسرو-نىڭ توكيوداعى ساۋدا وكىلى بولعان ەكەن. ءسىرا، جاپون مادەنيەتىنە، سالت-داستۇرىنە دەگەن قىزىعۋشىلىعى مەن ءوزى ايتپاقشى «شەكسىز ماحابباتى» سول كەزدەرى ويانسا كەرەك. كيمونو تىگۋدىڭ حاس شەبەرى يتيكۋ كۋبوتانىڭ 104 كيمونو ساقتالعان مۇراجايى دا سول شەكسىز ماحابباتتىڭ ارقاسىندا امان قالدى. كاۆاگۋتي قالاسىندا كيمونولاردى ساقتاپ كەلگەن نىساننىڭ شىعىندارى كوپ بولعاندىقتان، قارجىلىق داعدارىسقا توتەپ بەرە الماپتى.

قازاقستاننىڭ تابيعي بايلىعىنىڭ ارقاسىندا ميللياردەرلەر قاتارىنان تابىلعان پاتوح شوديەۆ جاپوندىق 104 كيمونونى 3 ملن. دوللارعا ساتىپ الىپ، ولاردى جاپوندارعا قايتا سىيعا تارتتى. باسقالارعا كەلگەندە جومارتتىق تانىتۋدان، مارتتiگiمەن تاڭعالدىرۋدان شارشامايتىن شوديەۆتiڭ قازاقستانداعى مۇقتاج جاندارعا قانداي جاقسىلىق جاساعانى ازiرگە بەلگiسiز.

ماسكەۋدەگى مگيمو-نىڭ حالىقارالىق قاتىناستار فاكۋلتەتىن بىتىرگەن پاتوح شوديەۆ ءبىر كەزدەرى كسرو-نىڭ توكيوداعى ساۋدا وكىلى بولعان ەكەن. ءسىرا، جاپون مادەنيەتىنە، سالت-داستۇرىنە دەگەن قىزىعۋشىلىعى مەن ءوزى ايتپاقشى «شەكسىز ماحابباتى» سول كەزدەرى ويانسا كەرەك. كيمونو تىگۋدىڭ حاس شەبەرى يتيكۋ كۋبوتانىڭ 104 كيمونو ساقتالعان مۇراجايى دا سول شەكسىز ماحابباتتىڭ ارقاسىندا امان قالدى. كاۆاگۋتي قالاسىندا كيمونولاردى ساقتاپ كەلگەن نىساننىڭ شىعىندارى كوپ بولعاندىقتان، قارجىلىق داعدارىسقا توتەپ بەرە الماپتى.

«كيمونولاردى وسىدان 10 جىل بۇرىن كورگەنمىن. ءاردايىم قايتا ورالعىم كەلىپ تۇراتىن. كەنەت سول مۋزەيدىڭ بانكروتقا ۇشىراۋدىڭ الدىندا تۇرعانىن ءبىلدىم. ال باعا جەتپەس قۇندىلىق - كيمونولار اۋكتسيونعا شىعارىلىپ ساتىلماقشى ەكەن. ونىڭ ۇستىنە، ءبىر-بىرلەپ! بۇل ماعان قاتتى اسەر ەتتى. ءار كيمونو ءوز الدىنا تاڭعاجايىپ ونەر تۋىندىسى بولۋىمەن قاتار، جاپون تابيعاتىن بەينەلەيتىن ۇلكەن ءبىر كوركەم سۋرەتتىڭ اجىراماس بولشەگى عوي. كەيدە مۇنداي ءبىر سۋرەت 6 كيمونونى ءبىر توپقا توعىستىرادى. سۋرەتتى بولشەكتەپ ساتۋ ۇلى شەبەردىڭ وي-ارمانىن ولتىرۋمەن تەڭ» دەپ اعىنان جارىلعان پاتوح شوديەۆ مۋزەيدەگى 104 كيمونونى 270 ملن. يەنگە (3 ملن. دوللارعا) ساتىپ الدى. وسىلايشا كۋبوتا شەبەردىڭ تۋىندىلارىن جاپونيانىڭ وزىنە قايتا تارتۋ ەتتى. ال كيمونولاردى امەريكا، ەۋروپا، رەسەيدەن كەيىن قازاقستانعا اكەلمەك.

پاتوح (فاتتاح) شوديەۆ 1953 جىلى وزبەكستاندا دۇنيەگە كەلگەن. ۇلتى - وزبەك. العاشقى ەڭبەك جولىن «سىردارينسكايا پراۆدا» گازەتىندە كوررەكتورلىقتان باستاعان. قازاقستانداعى ەلەكتر قۋاتىن ءوندىرۋ، تابيعي رەسۋرستاردى ءوندىرۋ جانە وڭدەۋمەن اينالىساتىن Eurasian National Resources Corporation - ENRC كومپانياسىن قۇرۋشى جانە قۇرىلتايشىلارىنىڭ ءبىرى. سەرىكتەستەرى - الەكساندر ماشكەۆيچ پەن اليدجان يبراگيموۆ. ۇشەۋى دە امەريكالىق Forbes جۋرنالىنىڭ جىلدا جاسايتىن ميللياردەرلەر تىزىمىندە تۇر. شوديەۆتىڭ بايلىعى 3,7 ملرد. دوللارعا تەڭ. بۇگىندە رەسەي ازاماتى بولىپ تابىلادى، بىراق وتباسىمەن بىرگە لوندوندا تۇرىپ جاتىر. قازاقستاننىڭ تابيعي بايلىعىنىڭ ارقاسىندا بايلىققا كەنەلگەن شوديەۆ بەلگيانىڭ تۇراقتى تۇرعىنى. قر پرەمەر-ءمينيسترى كارىم ءماسىموۆتىڭ ارنايى كەڭەسشىسى. ءوز اتىنا اشقان ICF حالىقارالىق قورىنىڭ نەگىزىن سالۋشى. 2005 جىلى قازاقستان رەسپۋبليكاسىنىڭ قۇرمەت جانە بارىس وردەندەرىمەن ماراپاتتالعان. سول جىلى وعان اۆراام لينكولن اتىنداعى «دەموكراتيا مەن ەكونوميكالىق تاۋەلسىزدىكتى دامىتۋعا قوسقان ۇلەسى ءۇشىن» مەدالى تاپسىرىلادى. بيزنەسپەن اينالىسۋدى كسرو ىدىراعاننان كەيىن قازاقستاندا باستاعان. 2 قىزى مەن ۇلى بار. قاشان دا ەرەكشەلەنۋدى ۇناتاتىن شوديەۆ جالعىز ۇلىن ۇيلەندىرگەن كەزدە جاس كەلىنىنە سىي رەتىندە توي وتەتىن جەردى 250 مىڭ ەۋروعا ساتىپ العان 1 200 000 راۋشان گۇلىمەن كومكەرىپتى. بۇگىندە لوندوندا تۇراتىن ونىڭ ۇلى الەمدىك باق پەن بريتاندىق پوليتسيا نازارىنا بىرنەشە رەت ىلىكتى. اسىرەسە ىشىمدىك ءىشىپ، كولىك ايداعانى ءۇشىن.

پاتوح مىرزانىڭ قايىرىمدىلىعى كيمونولارمەن شەكتەلمەيدى. 2008 جىلى ءوزى 1976 جىلى بىتىرگەن رەسەيدەگى مگيمو ۋنيۆەرسيتەتىنە 125 ملن. رۋبل كولەمىندەگى ارنايى قوردى قۇرعان بولاتىن. وكىنىشتىسى سول، شوديەۆتىڭ قازاقستانداعى قايىرىمدىلىق شارالارى جوقتىڭ قاسى. ايتپەسە مەتسەناتتاردىڭ قايىرىمدىلىعىنا ءزارۋ جاندار كوپ بىزدە. بۇعاناسى قاتپاي جاتىپ، قۇنى تىم قىمبات مەديتسينالىق شارالارعا قاراجات تاپپاي قينالاتىن سابيلەر قانشاما قازاقستاندا. ءۇي-كۇيسىز شيەتتەي بالا-شاعاسىمەن كىسىنىڭ ەسىگىنەن سىعالاپ جۇرگەن كوپبالالى وتباسىلارعا دا شوديەۆتىڭ كومەكتەسكەنىن ەستىمەدىك. كوڭىلى تۇسكەن ساتتە قارجىنى ميلليونداپ «لاقتىرا سالاتىن» ءمارت كوڭىل پاتوح تۇرمىسى تومەن قاي وتباسىعا كومەك قولىن سوزعانىن دا بىلمەيمىز. البەتتە، ەلىمىزدەگى شەتەلدىك كاسىپورىنداردان مەملەكەت تاراپىنان تالاپ ەتىلەتىن الەۋمەتتىك كورپوراتيۆتىك جاۋاپكەرشىلىكتىڭ ءجونى بولەك. بىراق كەيدە جانارلارى جاسقا تولىپ، ادامداردان، قايىرىمدى جانداردان جاۋتاڭداپ جاردەم كۇتەتىندەرگە قازاقستان بايلىعىنىڭ قىزىعىن كورىپ جاتقان شوديەۆ سياقتى قالتالىلاردان قايىر بولسا دەيسىڭ.

«تۇركىستان» اپتالىعى، 01. 03. 2012 جىل