ىستامبۇل. 5 ناۋرىز. BAQ.KZ - تۇرىك ەلىندە وقىپ جاتقان قازاق جاستارى اراسىنان ەڭ ۇزدىك ەكى ستۋدەنتكە جاقىن كۇندەرى الاش ارداقتىلارى - ءاليحان بوكەيحان مەن مۇستافا شوقاي اتىنداعى شاكىرتاقى تاعايىندالاتىن بولادى. بۇل تۋرالى تۇركياداعى قازاق جاستارىنىڭ «سانا» ينتەللەكتۋالدىق كلۋبىنىڭ جەتەكشىسى ەرجان قالىمبايۇلى مالىمدەدى.

ىستامبۇل. 5 ناۋرىز. BAQ.KZ - تۇرىك ەلىندە وقىپ جاتقان قازاق جاستارى اراسىنان ەڭ ۇزدىك ەكى ستۋدەنتكە جاقىن كۇندەرى الاش ارداقتىلارى - ءاليحان بوكەيحان مەن مۇستافا شوقاي اتىنداعى شاكىرتاقى تاعايىندالاتىن بولادى. بۇل تۋرالى تۇركياداعى قازاق جاستارىنىڭ «سانا» ينتەللەكتۋالدىق كلۋبىنىڭ جەتەكشىسى ەرجان قالىمبايۇلى مالىمدەدى.

بۇدان بۇرىن حابارلاعانىمىزداي، جاقىندا ىستامبۇلدا قازاق جاستارىنىڭ ۇيىمداستىرۋىمەن "سانا" اتتى ينتەلاكتۋالدىق كلۋب قۇرىلعان بولاتىن. كلۋبتىڭ باستى ماقساتى ستۋدەنتتەر اراسىندا بايلانىستى كۇشەيتۋ، ساپالى ءبىلىم الۋلارىنا جاعداي جاساۋ بولىپ تابىلادى. كلۋب توراعالىعىنا قازىردە تۇركيادا ءبىلىم الىپ جاتقان قازاقستاندىق جۋرناليست ەرجان قالىمباي سايلانعان.

اتالعان كلۋب جاقىندا ءاليحان بوكەيحاننىڭ تۋعان كۇنى قارساڭىندا كەلەلى كەڭەس وتكىزىپ، سول جيىندا وتكەن عاسىردىڭ باسىندا قازاقتىڭ ەسىكتەگى باسىن تورگە سۇيرەگەن الاشتىڭ تەكتى ۇلدارى تۋرالى تەرەڭ ءھام تاعلىمدى اڭگىمە قوزعالدى.

كەشتى قورىتىندىلاعان تۇركياداعى قازاق جاستارىنىڭ «سانا» ينتەللەكتۋالدىق كلۋبىنىڭ جەتەكشىسى ەرجان قالىمبايۇلى «قازىر تۇرىك ەلىندە وقىپ جاتقان قازاق ستۋدەنتەرىنىڭ اراسىنان ەڭ ۇزدىك ەكەۋىن انىقتاپ، ولارعا ارنايى شاكىرتاقى تاعايىنداۋ جايىن قاراستىرىپ جاتىرمىز. ونىڭ ءبىرى - الاش ارداقتىسى ءاليحان بوكەيحان اتىنداعى، ەكىنشىسى-مۇستافا شوقاي اتىنداعى شاكىرتاقى بولادى» دەدى.