دۇيسەنبى, 1 ناۋرىز 2021
بيلىك 1808 12 پىكىر 19 قاڭتار, 2021 ساعات 10:52

قازاقستاندا 1 اقپاننان باستاپ ۆاكتسينا ەگىلە باستايدى

قازاقستاندا كوروناۆيرۋس ينفەكتسياسىنا قارسى ۆاكتسينانى 1 اقپاننان باستاپ ەگۋ جوسپارلانىپ وتىر. بۇل تۋرالى ۇكىمەت وتىرىسىندا دەنساۋلىق ساقتاۋ ءمينيسترى الەكسەي تسوي مالىمدەدى.

«كوروناۆيرۋس ينفەكتسياسىنا قارسى ۆاكتسينا ەگۋ شارۋاسىن جەدەلدەتۋ ماقساتىندا كەلەسى باعىتتا جۇمىس جۇرگىزىلۋدە: 2021 جىلعى 19 قاڭتاردا سپۋتنيك V ۆاكتسيناسىنىڭ 20 مىڭ دوزاسىن اكەلۋ جونىندە قاراعاندى فارمكەشەنى مەن رف تىكەلەي ينۆەستيتسيا قورى كەلىسىمگە كەلەدى. 20 قاڭتاردا بۇل ۆاكتسينالاردى «سق-فارماتسيا» كومپانياسىنا ارنايى ءتارتىپ بويىنشا ءبىر رەت اكەلۋگە رۇسقات بەرۋ كوزدەلگەن. وسىدان كەيىن حالىقتىڭ بۇعان دەيىن بەلگىلەنگەن توپتارىنا 1 اقپاننان باستاپ كوروناۆيرۋس ينفەكتسياسىنا قارسى ۆاكتسينا سالۋ جوسپارلانۋدا», - دەدى الەكسەي تسوي.

ءمينيستردىڭ ايتۋىنشا حالىققا ەكپە جۇمىستارى ۆاكتسينانىڭ جەتكىزىلۋ مولشەرىنە قاراي سالىنادى.

Abai.kz

12 پىكىر