باتىس ەلدەرى گرانتتىق قارجىلاندىرۋ جۇيەسىنىڭ كومەگىمەن قازاقستاندا وزدەرىنە ادال ۇكىمەتتىك ەمەس ۇيىمدار قۇراتىنى بارلىعىنا بەلگىلى.

وسىلايشا، وزدەرىنە ادال ۇيىمداردىڭ كومەگىمەن، قوعامدىق تالقىعا «باتىس» يدەولوگياسىن ەنگىزەدى، ول:

گوموسەكسۋالدار – بۇل قالىپتى جاعداي; بالالاردى جازالاۋعا بولمايدى; اتا-انالار – بالالارىن تۇسىنبەيدى; جەڭىل ەسىرتكى قولدانۋعا بولادى; جىنىس اۋىستىرۋعا بولادى. بولاشاقتا ولار ءبىر جىنىستى نەكە مەن ترانسگەندەرلىك نەكە ءۇشىن لوببي جاساپ، ارەكەت ەتۋى ابدەن ىقتيمال.

وسى ۇيىمداردىڭ ءبىرى - «نەمولچي.kz» قوزعالىسى. ول باتىس ەلدەرى يدەولوگياسىنىڭ قازاقستانداعى جارشىسى رەتىندە تانىمال.

وسىلايشا، وتباسىلىق-تۇرمىستىق زورلىق-زومبىلىقتىڭ الدىن-الۋ تۋرالى جاڭا زاڭ جوباسىندا «نەمولچي.kz» مىنالاردى ۇسىنادى:

- كىشىگىرىم تۇرمىستىق زورلىق-زومبىلىقتى قىلمىستىق جاۋاپكەرشىلىككە تارتۋ;

- بالالاردى وتباسىدان تارتىپ الۋ;

- ايەلى پوليتسياعا حاتتاما تولتىرىپ، كۇيەۋىن ۇيدەن قۋىپ جىبەرە الادى;

- كۇيەۋى ايەلىمەن ۇرىسىپ قالعان جاعدايدا، كۇيەۋى پسيحياتريالىق ەمدەلۋگە ءماجبۇر بولادى;

- بالالار اتا-انالارىنا قارسى ءوتىنىش جازا الادى.

ارينە، بۇل زاڭ جوباسىنا كوپشىلىك نارازى بولدى.

اسىرەسە – كوپبالالى انالار. ءبىر ۇيدە 7-8 بالانى بۇيرىق پەن ايقايسىز ءوسىرۋ مۇمكىن ەمەس ەكەنىن ولاردان ارتىق ەشكىم بىلمەيدى. سايكەسىنشە، جاڭا زاڭ جوباسىنىڭ ارقاسىندا، تاربيەلىك جۇمىس جۇرگىزگەن اناسى «پسيحولوگيالىق زورلىق-زومبىلىق» جاساعانى ءۇشىن بالالارىنان ايىرىلۋى مۇمكىن.

سونداي-اق، كوپتەگەن جاعدايدا كوپبالالى وتباسىلار تار پاتەرلەردە تۇراتىنى قۇپيا ەمەس. جاڭا زاڭ جوباسىنا سايكەس، ۇيدەگى ءار بالاعا ارنالعان شارشى مەتر سانى جەتكىلىكسىز بولسا، الەۋمەتتىك قىزمەتتەر بۇل وتباسىنى باقىلاۋعا الادى.

بىراق دينا تانساري كوپبالالى انا ەمەس، ول كوپبالالى وتباسىن تاربيەلەۋدىڭ بارلىق قيىندىقتارىن قايدان ءبىلسىن؟! سوندىقتان ول باتىس زاڭدارىن اينىتپاي كوشىرىپ، وتباسىدان باستالاتىن قازاق قوعامىنىڭ بولاشاعىنا بالتا شاپپاقشى.

سونىمەن، جاڭا زاڭ جوباسى وتە وعاش ءارى قيسىنسىز قۇجات بولىپ شىقتى. زاڭ جوباسى اتا-انالار مەن قوعام مۇشەلەرىنىڭ قاتىسۋىنسىز جازىلعانى انىق. مۇنداي زاڭ جوباسىن قابىلداۋ – ۇلتتىق قاۋىپسىزدىگىمىزگە قاۋىپ توندىرەدى، قازاقستاندىق وتباسىلارىمىزدى بۇزىپ، دەموگرافيالىق رەگرەسسكە الىپ كەلەدى.

Abai.kz