دۇيسەنبى, 1 ناۋرىز 2021
1536 2 پىكىر 21 قاڭتار, 2021 ساعات 11:44

جاپاروۆتى قانشا ادام قولدادى؟

قىرعىزستاننىڭ ورتالىق سايلاۋ كوميسسياسى 20 قاڭتاردا "قىرعىز رەسپۋبليكاسىنىڭ مەرزىمىنەن بۇرىن وتكەن پرەزيدەنت سايلاۋىنىڭ قورىتىندىسى جونىندە" قاۋلىنى بەكىتتى. بىلايشا ايتقاندا داۋىس بەرۋدىڭ رەسمي قورىتىندىسى جاريالاندى.

رەسمي ناتيجە بويىنشا، قىرعىزستاننىڭ پرەزيدەنتى بولىپ سادىر جاپاروۆ سايلاندى. جاپاروۆ 1 ملن 105 مىڭ 248 (79,20%) سايلاۋشىنىڭ داۋىسىن الىپ جەڭىسكە جەتكەن.

ەكىنشى ورىندا اداحان مادۋماروۆ 94 741 (6,79%) سايلاۋشىنىڭ داۋىسىن العان. ودان كەيىن بابىرجان تولباەۆ 32 979 (2,36%), ارستانبەك مىكتىبەك 23 583 (1,69%), ابديل سەگيزباەۆ 20 335 (1,46%), يماميدين تاشوۆ 16 383 (1,17%), كلارا سوورونكۋلوۆا 14 005 (1%), ايمەن كاسەنوۆ 12 684 (0,91%), ۋلۋكبەك كوچكوروۆ 9 397 (0,67%), كاناتبەك يساەۆ 8 038 (0,58%), باكتىبەك كالماماتوۆ 6 893 (0,49%), ەلدار اباكيروۆ 6 996 (0,50%), كۋرسان اسانوۆ 6 885 (0,49%), راۆشان جەەنبەكوۆ 2 652 (0,19%), كانىبەك يماناليەۆ 2 490 (0,18 %), جەنيشبەك بايگۋتتيەۆ 1 327 (0,10%), ارستانبەك ابدىلداەۆ 1 157 (0,08%) داۋىس العان. بارىنە قارسى 18 673 (1,34%) ادام داۋىس بەرگەن.

جالپى داۋىس بەرۋ ءۇشىن 3 ملن 563 مىڭ 574 ازامات تىركەلىپ، 10 قاڭتاردا 1 ملن 395 مىڭ 513 ادام سايلاۋعا قاتىسقان. بۇل سايلاۋشىلاردىڭ 39,16% قۇرايدى.

پرەزيدەنت بولىپ سايلانعان سادىر جاپاروۆتىڭ يناۋگۋراتسياسى 28 قاڭتاردا وتەتىنىن پرەزيدەنتتىڭ ءباسپاسوز حاتشىسى گالينا بايتەرەك مالىمدەدى.

(دەرەككوز: Centralasian.org)

Abai.kz

2 پىكىر