رەسەيدىڭ سىرتقى ىستەر مينيسترلىگى اقش-تىڭ 46-پرەزيدەنتى دجو بايدەن انت بەرىپ، قىزمەتىنە كىرىسەردەن بىرنەشە ءمينوت بۇرىن اق ۇيگە ستراتەگيالىق شابۋىلداۋشى قۇرالداردى ازايتۋ جونىندەگى (سنۆ-3) ەكىجاقتى كەلىسىمدى تاعى بەس جىلعا سوزۋدى ۇسىندى دەپ حابارلايدى ربك.

مينيسترلىك ماسكەۋ كەلىسىمدى بۇرىنعى شارتپەن ۇزارتۋدى قولدايتىنىن، ترامپ اكىمشىلىگى اسكەري-ستراتەگيالىق تارماقتا اقش-تىڭ مۇددەسىن عانا ەسەپكە العانىن جەتكىزگەن.

وسىعان دەيىن كرەملدىڭ ءباسپاسوز حاتشىسى دميتري پەسكوۆ ماسكەۋ ۆاشينگتوننىڭ سنۆ-3 كەلىسىمىن ساقتاپ قالۋ نيەتىن قولدايتىنىن ايتقان.

19 قاڭتاردا دجو بايدەن تارابىنان اقش-تىڭ مەملەكەتتىك حاتشىلىعىنا ۇسىنىلعان ەنتوني بلينكەن جاڭا پرەزيدەنت اكىمشىلىگى سنۆ-3 كەلىسىمىن ۇزارتۋعا ارەكەت جاسايتىنىن جانە ونىڭ مەرزىمى تالقىلانىپ جاتقانىن ايتقان.

رەسەي پرەزيدەنتى ۆلاديمير پۋتين بىلتىر ۆاشينگتوندى ەشقانداي شارتسىز كەلىسىمدى تاعى ءبىر جىلعا ۇزارتۋعا شاقىرعان.

ەكى ەل ورتاسىنداعى يادرولىق قارۋلانۋ بويىنشا 2010 جىلى قول قويىلعان ستراتەگيالىق شابۋىلداۋشى قۇرالداردى ازايتۋ جونىندەگى (سنۆ-3) كەلىسىمنىڭ مەرزىمى كەلەر جىلدىڭ اقپانىندا اياقتالادى.

(دەرەككوز: Centralasian.org)

Abai.kz