ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقاەۆ كوروناۆيرۋسقا قارسى قازاقستاندىق ۆاكتسينا تۋرالى پىكىر ءبىلدىردى. 

«ونى ساپالى وتكىزۋ ءۇشىن بارلىق جاعدايدى جاساۋ كەرەك. ۆاكتسينالاۋ بويىنشا ناۋقان ۇيىمداستىرىلعان تارتىپتە ءوتۋى كەرەك. ۇكىمەتكە اكىمدەرمەن بىرلەسە تولىققاندى دايىندىقتى قامتاماسىز ەتىپ، 1 اقپاننان جاپپاي ۆاكتسينالاۋعا كىرىسۋدى تاپسىرامىن»، - دەدى.

سونىمەن قاتار پرەزيدەنت وتاندىق ۆاكتسينانى تەستىلەۋدىڭ وڭتايلى ناتيجەسىنە سەنىم ارتاتىنىن اتاپ ءوتتى.

«وسى جاعدايدا ول جاقسى ناتيجەلەر كورسەتسە، مەن ءدال وسى قازاقستاندىق ۆاكتسينانى سالدىرامىن»، - دەدى پرەزيدەنت.

Abai.kz