ءوزبەكستاننىڭ قاشقاداريا وبلىسىنىڭ 35 جاستاعى تۇرعىنى ەليور تۋرسۋنوۆ زاڭسىز سوتتالىپ, تءۇرمەگە وتىرىپ شىققانى ءۇءشىن ماتەريالدىق جءانە مورالدىق شىعىن رەتىندە مەملەكەتتەن 91 208 182 سۋم (8 650 دوللار) كءولەمىندە ءوتەماقى الدى.

"جاسلىك" تۇرمەسىندە 6 جىل 11 اي وتىرىپ شىققان تۋرسۋنوۆ مەملەكەتتەن وتەماقى رەتىندە 20 مىڭ دوللار تولەپ بەرۋدى تالاپ ەتكەن.

2013 جىلدىڭ جەلتوقسانىندا قاشقاداريا وبلىستىق سوتى تۋرسۋنوۆتى 17 جىلعا ەركىنەن اجىراتقان. ول "كونستيتۋتسيا قۇرىلىمىنا قول سالدى", "تەرروريزم", "قوعامدىق قاۋىپسىزدىككە قاۋىپ توندىرەتىن ماتەريالداردى تاراتۋ" جانە "شەكارادان زاڭسىز ءوتۋ" باپتارى بويىنشا كىنالى دەپ تابىلعان.

2018 جىلى ناۋرىزدا ەليور تۋرسۋنوۆ اقتالىپ، بوستاندىققا شىققان. ول 2013 جىلدىڭ 4 جەلتوقسانىنان 2018 جىلدىڭ 18 ناۋرىزىنا دەيىن 6 جىل، 11 اي جانە 10 كۇن "جاسلىك" تۇرمەسىندە زاڭسىز وتىرعان.

2019 جىلدىڭ تامىزىندا پرەزيدەنت شاۆكات ميرزياەۆ "جاسلىك" تۇرمەسىن جابۋ تۋرالى جارلىققا قول قويعان.

ميرزياەۆ بيلىككە كەلگەننەن بەرى وزبەكستاندا 50-دەن استام بۇرىنعى لاۋازىمدى قىزمەتتە ىستەگەن ادامداردى ەركىندىككە شىعاردى. ولاردىڭ اراسىندا مارقۇم پرەزيدەنت يسلام كاريموۆ تۇسىندا سوتتالعان ساياسي وپپوزيتسيا بەلسەندىلەرى، جۋرناليستەر جانە قۇقىق قورعاۋشىلار بار.

Abai.kz