اينار تولەگەنقىزى ايبەرگەنوۆا: «اكەم ءوز اجالىنان ولگەن جوق… قاستاندىقپەن ءولتىرىلدى…
اينار تولەگەنقىزى ايبەرگەنوۆا: «اكەم ءوز اجالىنان ولگەن جوق... قاستاندىقپەن ءولتىرىلدى... انام وزىمەن بىرگە الىپ كەتكەن بۇل قۇپيانى 45 جىلدان سوڭ اشىپ وتىرمىن...»
- ساناۋلى كۇننەن سوڭ وتىز-اق جىل ءومiر ءسۇرiپ، سوڭىنا ولمەس ولەڭ، بiر ۇل مەن ءتورت قىز قالدىرىپ كەتكەن قازاقتىڭ بiرتۋار اقىنى تولەگەن ايبەرگەنوۆتiڭ تۋعانىنا جەتپiس بەس جىل تولادى... قانداي دا بiر شارالار قولعا الىنىپ جاتىر ما؟
- جەتپiس بەس جىلدىققا اcتانا قالاسىنداعى بارلىق الپىس جەتi مەكتەپ پەن دارىندى قىز بالالاردىڭ جانە ۇل بالالاردىڭ قازاق-تۇرiك ليتسەيi, «زەردە»، «دارىن» ورتالىقتارى، نازارباەۆ اتىنداعى بiلiم وشاقتارى ءبارiن قامتي وتىرىپ وقۋشىلار اراسىندا ەكi كونكۋرس ۇيىمداستىرعانبىز. ونىڭ بiرi - «تولەگەن ايبەرگەنوۆ ولەڭدەرiنە جازىلعان اندەردiڭ بايقاۋى»، 15 اقپان كۇنi ءوتتi. ەكiنشiسi - تولەگەن ايبەرگەنوۆ وقۋلارى. بۇل سايىس بويىنشا 18 اقپان كۇنi قالامىزداعى بارلىق مەكتەپتەردiڭ 5-11-سىنىپ ارالىعىنداعى وقۋشىلارى وزدەرiنiڭ اقىندىعىن سىنعا سالدى. ونىڭ iشiندە بiر ولەڭ تولەگەن ايبەرگەنوۆتiڭ شىعارماشىلىعىنان وقىلسا، بiر ولەڭ جاس جەتكiنشەكتەردiڭ اقىنعا ارناۋى، ودان كەيiن ەركiن تاقىرىپتاعى ولەڭ وقىلدى. بۇل شارالاردىڭ قورىتىندىسى قالامىزداعى №66 مەكتەپتە 2 ناۋرىز كۇنi شىعارىلاتىن بولادى.
- بiلiم باسقارماسى قولداۋ كورسەتiپ جاتقان بولار؟
اينار تولەگەنقىزى ايبەرگەنوۆا: «اكەم ءوز اجالىنان ولگەن جوق... قاستاندىقپەن ءولتىرىلدى... انام وزىمەن بىرگە الىپ كەتكەن بۇل قۇپيانى 45 جىلدان سوڭ اشىپ وتىرمىن...»
- ساناۋلى كۇننەن سوڭ وتىز-اق جىل ءومiر ءسۇرiپ، سوڭىنا ولمەس ولەڭ، بiر ۇل مەن ءتورت قىز قالدىرىپ كەتكەن قازاقتىڭ بiرتۋار اقىنى تولەگەن ايبەرگەنوۆتiڭ تۋعانىنا جەتپiس بەس جىل تولادى... قانداي دا بiر شارالار قولعا الىنىپ جاتىر ما؟
- جەتپiس بەس جىلدىققا اcتانا قالاسىنداعى بارلىق الپىس جەتi مەكتەپ پەن دارىندى قىز بالالاردىڭ جانە ۇل بالالاردىڭ قازاق-تۇرiك ليتسەيi, «زەردە»، «دارىن» ورتالىقتارى، نازارباەۆ اتىنداعى بiلiم وشاقتارى ءبارiن قامتي وتىرىپ وقۋشىلار اراسىندا ەكi كونكۋرس ۇيىمداستىرعانبىز. ونىڭ بiرi - «تولەگەن ايبەرگەنوۆ ولەڭدەرiنە جازىلعان اندەردiڭ بايقاۋى»، 15 اقپان كۇنi ءوتتi. ەكiنشiسi - تولەگەن ايبەرگەنوۆ وقۋلارى. بۇل سايىس بويىنشا 18 اقپان كۇنi قالامىزداعى بارلىق مەكتەپتەردiڭ 5-11-سىنىپ ارالىعىنداعى وقۋشىلارى وزدەرiنiڭ اقىندىعىن سىنعا سالدى. ونىڭ iشiندە بiر ولەڭ تولەگەن ايبەرگەنوۆتiڭ شىعارماشىلىعىنان وقىلسا، بiر ولەڭ جاس جەتكiنشەكتەردiڭ اقىنعا ارناۋى، ودان كەيiن ەركiن تاقىرىپتاعى ولەڭ وقىلدى. بۇل شارالاردىڭ قورىتىندىسى قالامىزداعى №66 مەكتەپتە 2 ناۋرىز كۇنi شىعارىلاتىن بولادى.
- بiلiم باسقارماسى قولداۋ كورسەتiپ جاتقان بولار؟
- ارينە، قالا اكiمدiگi, بiلiم باسقارماسىنىڭ قولداۋىمەن وتكەلi وتىر. ال تالاپتى بالالارىمىزدى ماراپاتتاۋ ماسەلەسiنە كەلسەك، جەكەلەگەن ازاماتتار قارجىلىق قول ۇشىن سوزۋدا. ولارعا اللا رازى بولسىن دەگiم كەلەدi.
- قالامىزدا ت.ايبەرگەنوۆ اتىنداعى مەكتەپ بار ەكەنiن بiلەمiز. Iس-شارانى سوندا وتكiزۋ اسەرلiرەك بولماس پا ەدi?
- بiلەسiز بە، 2000 جىلداردىڭ باسىندا بiز اكەمiزدiڭ اتى بiر مەكتەپكە بەرiلسە دەپ باستاما كوتەرگەنبiز. تiل باسقارماسىنىڭ قىزمەتكەرلەرi بiزدiڭ ۇسىنىسىمىز قابىلدانىپ وتىرعانىن ايتىپ، تەلەفون شالدى. ول كەزدە مەن شىمكەنتتە تۇراتىنمىن. بiراق اكەمنiڭ اتىنا بەرiلگەلi جاتقان مەكتەپتە ى.التىنسارينگە ارنالعان بۇرىش بار ەكەن. بۇنى ەستiگەن سوڭ، بiز قالاي تىنىش وتىرامىز؟! «التىنسارينگە ارنالعان بۇرىش بولسا، ول مەكتەپكە تيiسپەيiك. بiر تۇلعا ءۇشiن بiر تۇلعانى ىعىستىرىپ شىعارۋدىڭ قاجەتi جوق» دەپ، باس تارتتىق... سودان كەيiن 2002 جىلى قالامىزداعى №16 مەكتەپ بۇيىرىپتى. ءوزi ورىس مەكتەبi ەدi. امال نە؟ بiز دە قاراپ قالمادىق. شامامىزدىڭ كەلگەنiنشە سول مەكتەپتi اكەمiزگە قاتىستى قۇندىلىقتارمەن قامتاماسىز ەتۋگە اتسالىستىق. ايتا كەتەرلiگi, قازiر بۇل مەكتەپ ارالاس مەكتەپكە اينالعان. وتكەن جىلى قازاقشا بiر سىنىپ، بيىلعى وقۋ جىلىندا ەكi سىنىپ اشىلدى. اكەمiزدiڭ اتىمەن اتالاتىن مەكتەپتiڭ قابىرعاسىندا وسىلاي تiلiمiزدiڭ اۋقىمى كەڭەيiپ كەلە جاتىر. وعان دا ءتاۋبا! ال مىنا iس-شارانىڭ №66 مەكتەپتە ءوتۋi ول مەكتەپ عيماراتىنىڭ مۇمكiنشiلiگiنە بايلا-نىستى جاعداي. مۇندا 500 ورىندىق ۇلكەن زال بار. كوپ كiسiنiڭ باسىن قوسۋعا قولايلى.
- ...كوبiنەسە اقىن، جازۋشىلار ومiردەن وتكەندە ولاردى ناسيحاتتاۋ جولىندا قىزدارى جانكەشتiلiك تانىتىپ جاتادى. سiزدiڭشە، بۇل نەدەن؟
- بiز اكەمiزدەن ءتورت قىز، بiر ۇل قالعانبىز. بiراق، اكەمiزدiڭ شىعارماشىلىعىن ناسيحاتتاپ، ونىڭ ەل ەسiندە قالۋى ءۇشiن ءبارiمiز بiردەي جان سالىپ كەتكەن جوقپىز. بۇنداي شارالاردى الماتىدا ۇلكەن اپكەم سالتانات، ال استانادا ءوزiم جاۋاپكەرشiلiگiمە العانمىن. اعام مارقۇم، راسىندا دا، شىعارماشىلىعىن تالداپ، ولەڭi بiر جەردە قاتە جازىلىپ قالسا، ونى تۇزەتۋگە تىرىسىپ، جۇگiرمەيتiن. شىنىندا سالقىنقاندى قارايتىن. بiراق، قارجىلىق جاعىنان كومەك كەرەك بولعاندا، ايانىپ قالعان ەمەس. سوڭعى تيىنىنا دەيiن قاعىپ بەرەتiن.
- اعام مارقۇم دەيسiز؟..
- ءيا، اعام داۋرەن 2010 جىلى قايتىس بولعان. قازiر تولەگەن ايبەرگەنوۆتiڭ ءتورت قىزى - سالتانات، ماحاببات، مەنiڭ سىڭارىم حۇسني جانە مەن قالىپ وتىرمىز.
- ال نەمەرەلەرi...
- ۇلى داۋرەننەن بiر ۇل، بiر قىز بار. ودان كەيiن قىزدارىنان بالالار بار. جالپى قازiر ون نەمەرەسi بار.
- سiز ءوزiڭiز اكەڭiزدi كورگەن شىعارسىز؟
- كوردiم دەسەم دە بولادى، كورمەدiم دەسەم دە بولادى. ويتكەنi, اكەم قايتىس بولعاندا مەن نەبارi سەگiز-اق ايلىق بولاتىنمىن. مۇنداي جاسىنا تولماعان بالانىڭ ەسiندە نە قالۋى مۇمكiن؟ سوندىقتان، مەن اكەمدi بەت-الپەتi, ءتۇر تۇلعاسى بويىنشا تانىعان ەمەسپiن. انامنىڭ، تۋعان-تۋىس، كوز كورگەندەرiنiڭ ايتۋى بويىنشا، سوسىن ولەڭدەرi ارقىلى تانيمىن... بiراق، «جاقسى اكە جامان بالاعا قىرىق جىل ازىق» دەمەي مە؟ اكەمنiڭ اتىنىڭ ءوزi مەنi تاربيەلەپ ءوسiردi. جاس شاعىمدا، تiپتi قازiر دە نە iستەسەم دە، ەڭ الدىمەن، اكەمنiڭ اتىنا كiر كەلتiرمەۋدi ويلايمىن. تiپتi, سابىرىمدى تاۋىسار قيىن ساتتەردە دە «مەن تولەگەن ايبەرگەنوۆتiڭ قىزىمىن عوي» دەپ، ءوزiمدi ءوزiم اقىلعا جەڭدiرۋگە تىرىسامىن.
- تولەگەن ايبەرگەنوۆتiڭ تۋعان كۇنi 8 ناۋرىز ەكەنiن بiلەمiز. بiراق، قازiر كومپيۋتەر تۇيمەلەرiن باسساق بولدى «تۋعان كۇنi 3 ناۋرىز (كەي جەرلەردە 8 ناۋرىز دەپ جازىلعان)» دەپ شىعا كەلەدi.
- راسىندا دا، قايبiر جىلى پويىزدا كەتiپ بارا جاتىپ، جولدا وقيىنشى دەپ كiتاپ ساتىپ العانمىن. Iشiندە اكەم تۋرالى دا جازىلعان ەدi. قاراسام، «تۋعان كۇنi 3 ناۋرىز» دەپ تۇر. كiتاپتىڭ شىعارۋشىلارىن انىقتاپ الدىم دا، تەلەفون سوعىپ: «نەگە قاتە جازاسىزدار؟ حالىقتى نەگە شاتاستىراسىزدار؟» دەدiم. سويتسەم: «بiز دە ول مالiمەتتi كiتاپتان الىپ وتىرمىز. ەنتسيكلوپەديادا سولاي جازىلعان» دەيدi... سويتسەم، قاي جىلى شىققانىن بiلمەيمiن قازاق ەنتسيكلوپەدياسىندا سولاي قاتە جازىلىپ كەتكەن ەكەن. بۇل - مەنiڭ ۇعىمىمدا ۇلكەن قاتەلiك. قالاي دا ول تۇزەتiلۋگە تيiس! اكەمنiڭ تۋعان كۇنi 8 ناۋرىز ەكەنi انىق نارسە.
- «كەمەسiندە ارماننىڭ، جالاۋ ەتiپ ورلiكتi. ەسكەك ەتiپ ەرلiكتi, ەسiپ كەلە جاتىرمىن... ءوسiپ كەلە جاتىرمىن» دەپ ورگە ۇمتىلىپ، ولمەس ولەڭiمەن قالامگەرلەر قاۋىمىنىڭ بەل ورتاسىندا بەلسەندiلiك تانىتىپ جۇرگەن اقىن وتىزدان جاڭا اسقان شاعىندا دۇنيە سالدى. كوبiنە دەپرەسسياعا شالدىعۋ، اقىل ازابىن تارتىپ، پسيحولوگيالىق كۇيزەلiسكە ءتۇسۋ، وسى سەكiلدi باسقا دا جان ازابىن تارتۋ تالانتتى تۇلعالاردىڭ تاعدىرىنا ءتان نارسە. بiراق، ەسەيiپ كەلە جاتقان بiر ۇلى مەن ەكi قىزى، ودان كەيiن سەگiز ايلىق ەگiز بالاسى بار ادامنىڭ مۇنداي جان تراگەدياسىنا ۇشىراۋى مۇمكiن ەمەس سياقتى. ەشبiر ادام پەرiشتەدەي ءسابيiن قۇشىپ ءجۇرiپ جامان ويعا بەرiلە المايدى عوي... سۇرايىن دەگەنiم... اقىننىڭ اجالى نەدەن بولدى؟
- ...مەنiڭ اكەم، راسىندا دا، وتىزدان اسا بەرە دۇنيە سالدى... وسى سۇحبات بارىسىندا بiر قۇپيانى اشايىن. اكەم ءوز اجالىنان ولگەن جوق. ول قاستاندىقپەن ءولتiرiلدi... مۇنى نەگiزسiز ايتىپ وتىرعان جوقپىن. اكەم قايتىس بولعاننان كەيiن جەتi-سەگiز جىل وتكەندە بiزدiڭ ۇيگە قاراقالپاقستاننان ەكi-ءۇش ادام انامدى iزدەپ كەلگەن. ولار: «سiز كۇيەۋiڭiزدiڭ ولiمiنە قاتىستى iس قوزعاتىڭىز. بiز اقىندى كiم ولتiرگەنiن ايتىپ بەرەمiز. ولار كۇيەۋiڭiزدiڭ iشiپ وتىرعان شارابىنا ستەكلوۆاتا سالىپ بەرگەن. ءسويتiپ، اقىندى قاساقانا ولتiرگەن. بiز شىندىقتى بiلەمiز. قىلمىستىلاردى قازiر ۇستاماساق، كەيiن كەش بولادى. ولار قازاقستانعا كوشiپ كەتكەلi جاتىر»، - دەگەن. سوندا انام: «مەن قازiر بiرەۋدiڭ بالا-شاعاسىن اسىراپ، ءۇيiنiڭ كوزقۋانىشى بولىپ جۇرگەن ازاماتىن جەلكەلەپ، تەمiر توردىڭ ار جاعىنا جiبەرگەنiممەن تولەگەن قايتىپ تiرiلiپ كەلمەيدi. ونىڭ ۇستiنە ارادا بiرشاما ۋاقىت ءوتتi. ءبارiن بiر قۇدايعا تاپسىردىم. قاستاندىق iستەگەندەر دە جازاسىن بۇل دۇنيەدە تارتپاسا، و دۇنيەدە تارتار. سوندىقتان، ەكiنشi ماعان مۇنداي نارسەنi ايتىپ كەلمەڭiزدەر. باسقاعا دا بۇلاي دەپ ايتۋشى بولماڭىزدار!» - دەپ، قايتارىپ جiبەرگەن. بiز، ارينە، ول ۋاقىتتا بالامىز. الگi كiسiلەردiڭ انامدى iزدەپ كەلگەنiن، اكەمە قاستاندىق جاساعانداردى ۇستاپ بەرمەك بولعانىن، انامنىڭ ەسكi جارانىڭ اۋزىن تىرناعىسى كەلمەي، ولاردى قايتارىپ جiبەرگەنiن انامىزدىڭ اۋزىنان ەستiپ جۇردiك. ارينە، بiزگە ەمەس، ۇيدە ۇلكەن كiسiلەرمەن اڭگiمە ۇستiندە ايتىپ وتىراتىن. سوندا كەلگەن قوناقتارعا شاي دايىنداپ، داستارحان جيناپ ءجۇرiپ، قۇلاعىمىز شالىپ قالادى عوي. ارتىنان بويىمىزعا سىيماي: «نەگە سوڭىن اشپادىڭىز؟ نەگە ارەكەتسiز قالدىڭىز؟» دەپ سۇرايتىنبىز. بiراق، انامىز: «قوي!» دەپ، بiزدi تىيىپ تاستايتىن. «سەن نەگە ءسوز تىڭداپ ءجۇرسiڭ؟ بالا ەمەسسiڭ بە؟ ۇلكەندەردiڭ سوزiنە قۇلاق سالما جانە ارالاسۋشى بولما!» دەپ ۇرساتىن. بۇل تاقىرىپتا سويلەسكiسi دە كەلمەيتiن. ءسويتiپ، اقىرى انام وسى قۇپيانى وزiمەن بiرگە كورگە الىپ كەتتi....
بiراق، شىندىقتى، قۇپيانى ەشكiم دە بۇركەمەلەپ تۇرا المايدى عوي. انام كورگە الىپ كەتكەنiمەن، مiنە، قىرىق بەس جىلدان كەيiن مەن اشىعىن ايتىپ وتىرمىن. وعان سەبەپ بولعان جاعداي دا بار. اكەمنiڭ 70 جىلدىعىن وتكiزگەننەن كەيiن ۇيiمە بiر كiسi تەلەفون شالعان. مەنiڭ تولەگەن ايبەرگەنوۆتiڭ قىزى ەكەنiمدi سۇراپ، بiلiپ الدى دا، ءوزiن تانىستىردى. ءسويتiپ، بiر كiسi سالەم ايتىپ جiبەرگەنiن، ونىڭ ءوزi مەنi تابا الماعانىن جانە قازiر استاناعا كەلە المايتىنىن ايتتى. سوندا تۇسiنگەنiم، اتىراۋ جاقتا تۇراتىن بiر كارi اپا بiر كiسiگە تولەگەن ايبەرگەنوۆتiڭ ۇرپاقتارىنىڭ بiرiن تاۋىپ بەرشi دەپ ءوتiنiش ايتىپتى. بiزدiڭ تەلەفون ءنومiرiمiزدi iزدەيدi. ونداعىسى، بiزگە ايتقىسى كەلگەن بiر نارسە بار كورiنەدi. ايتەۋiر iشiندە جۇرگەن بiردەمەنi ايتىپ، جەڭiلدەپ كەتكiسi كەلگەن سەكiلدi... بiراق... حابار ماعان جەتكەندە ءبارi كەش بولىپ قالدى. الگi اپا قايتىس بولىپ كەتكەن ەكەن. سوندىقتان، وسىلاي بiزبەن، تولەگەننiڭ بالالارىنىڭ بiرەۋiمەن بولسا دا بiر اۋىز تiلدەسكiسi كەلiپ، بiردەمە ايتقىسى كەلiپ، اقىرى سول اپانىڭ دۇنيەدەن ءوتiپ كەتكەنiن جەتكiزدi الگi كiسi... بۇنىڭ ءبارi بiز ءۇشiن جۇمباق بولىپ قالدى. بiزدi iزدەگەن اپا كiم؟ ول نەگە iزدەدi? نە ايتقىسى كەلدi?.. قۇپيا اشىلماي قالا بەردi... سول كەزدە الگi اپا امانات ايتقان ادامدار بiزدi ەرتەرەك iزدەپ تاۋىپ العان بولسا، اپامەن بiز تiلدەسە العان بولساق، كiم بiلەدi, بiز بارلىق قۇپيانى اشقان بولار ەدiك. اكەمنiڭ ءولiمi تۋرالى شىندىقتى بiلiپ، كiم ولتiرگەنiن دە تابار ەدiك...
- تاپقاندا... سiز نە iستەر ەدiڭiز؟
- كiم بiلەدi... انام وزiمەن بiرگە جەر قويناۋىنا الىپ كەتكەن قۇپيانى، بالكiم، شىعارماس تا ەدiم... جوق! بiراق، شىندىق ايتىلۋى كەرەك قوي. مەن ءبارiبiر ايتار ەدiم. قىلمىستىنى قىرىق جىلدان سوڭ قۋدالاپ، سوڭىنا تۇسپەسەم دە، اكەمنiڭ قالاي قايتىس بولعانىن، كiم ولتiرگەنiن، نە ءۇشiن ولتiرگەنiن ءبارiبiر تاريحقا جازدىرىپ قويار ەدiم. نەگە دەسەڭiز، مۇنىڭ ءبارi تۇپتەپ كەلگەندە كورەالماۋشىلىقتان، قىزعانىشتان بولعان. ەشكiمگە قيانات جاساماعان، ەشكiمگە تiزەسiن باتىرماعان اكەمنiڭ باسقالاي جاۋى بولۋى مۇمكiن دە ەمەس. ونىڭ ۇستiنە، اكەم قىلشىلداعان جاس جiگiت، بار بولعانى وتىزدا عانا بولاتىن. ەشقانداي اۋرۋ-سىرقاۋى دا جوق ەدi دەيتiن انام. ال الگi ستەكلوۆاتا دەگەن نارسە، بەرتiندە انىقتامالىق كiتاپتاردان قاراپ كوردiم، وتە ۋلى زات ەكەن. كادiمگi ۋ! ونىڭ قاسيەتi iشكە تۇسكەن سوڭ، باۋىردى iرiتiپ جiبەرەدi. ال مەنiڭ اكەم قايتىس بولارىنىڭ الدىندا قان قۇسقان عوي!
- سوندا ءوزi تۋعان نۇكiس قالاسىندا قازا بولدى عوي؟
- جاعداي بىلاي بولعان. بۇكiل كەڭەس وكiمەتi بويىنشا بiر ماراپات بەلگiلەنiپ، مەنiڭ اكەم سونىڭ iشiندە باستى جۇلدەلەردiڭ بiرiن الاتىن بولعان ەكەن. ءسويتiپ، اكەمiزدiڭ جۇلدە العالى جاتقانىن ايتىپ، بiرەۋلەر iس-شارانى ۇيىمداستىرىپ، باسى-قاسىندا بولىڭىز دەپ، نۇكiسكە شاقىرتادى. قۋانىپ اكەمiز نۇكiسكە كەتەدi. ارتىنشا ەكi-ءۇش كۇن وتiسiمەن اكەمنiڭ قازا بولعانى تۋرالى حابار كەلەدi... سوندا جۇلدەسiنە قۋانىپ، كوپپەن بiرگە تويلاپ جۇرگەن عوي. بوي سەرگiتiپ، شاراپ iشكەن. مiنە، سول شاراپتا ۋ بولعان. ءسويتiپ، تاڭعى 5-تە اكەم كەنەتتەن قايتىس بولعان... ويلاپ قاراڭىز، سول كۇنi-اق انامىز بiردەن ۇشاقپەن نۇكiسكە تارتادى. اەروپورتقا كەلiپ تۇسسە، اكەمiزدi جەرلەۋگە اكەتiپ بارادى ەكەن... نەگە؟ مۇسىلمانشىلىقتا تىم بولماسا بiر كۇن، ەكi كۇن قويا تۇرىپ، قوشتاسۋعا مۇمكiندiك بەرەدi ەمەس پە؟.. بiراق، ونداعىلار ويتپەگەن. ويتكەنi, كۇنالارى اشىلىپ قالاتىنىن بiلگەن...
- وسى مۇحتار شاحانوۆ، ەسەنعالي راۋشانوۆ، مارقۇم جاراسقان ابدiراشەۆ، تىنىشباي راحىم، تاعى باسقا دا ايتۋلى اقىندارىمىزدى ايبەرگەنوۆتiڭ شاكiرتتەرi بولعان دەپ جازادى. ال اقىندار ايبەرگەنوۆتi «وزiمە ۇستاز بولعان» دەپ مويىنداي ما؟
- مۇحتار اعامىز بارلىق جەردە ايتىپ جۇرەدi. بiزدi دە ۇنەمi iزدەپ، قامقورلىق تانىتۋدان تانبايدى. ال باسقالارىن بiلمەيمiن.
- تولەگەن ايبەرگەنوۆتiڭ تۋىندىلارى شەت تiلدەرگە اۋدارىلدى ما؟
- ورىس تiلiندە شىققانى عانا بار. بiز قازiر اعىلشىن، فرانتسۋز، نەمiس تiلدەرiنە اۋدارىلسا ەكەن دەگەن ءوتiنiشiمiزدi ايتىپ ءجۇرمiز. بiراق، ونىڭ قاشان جۇزەگە اساتىنى بەلگiسiز.
- ال جاريالانباعان تۋىندىلارى بار ما؟
- اقىن بولعان سوڭ ەل ارالاپ، جەر ارالاپ ءوتتi عوي. سوندا ءار ايماققا بارعاندا، جازىپ قالدىرعان ولەڭدەرi بار كورiنەدi. بiز قازiر سول شىعارمالارىنىڭ ءبارiن تولىقتىرىپ، باستىرىپ جاتىرمىز. جاقىندا اكەمiزدiڭ اتىمەن عالامتوردان بلوگ اشتىق. سوعان اكەمە قاتىستى بارلىق دۇنيەلەردi جازىپ، ەنگiزiپ جاتىرمىز. ەندi سايت جاساۋ ۇستiندەمiز. كەيiنگi ۇرپاق ينتەرنەت ارقىلى تولەگەن ايبەرگەنوۆتiڭ بارلىق مۇراسىمەن كەز كەلگەن ۋاقىتتا تانىسا الاتىن بولادى.
اڭگiمەلەسكەن -
ءنازيرا بايىربەك،
«استانا اقشامى» گازەتى
