ليتۆا پرەمەر-ءمينيسترى ينگريدا سيمونيتە رەسەيلىك Sputnik V ۆاكتسيناسىن رەسەي بيلىگى الەمگە ىقپال ەتۋ ءۇشىن قولدانعان «گيبريدتىك قارۋ» دەپ اتادى.

«بارلىعى Sputnik V-ءدى جاقسى دەيدى، بىراق پۋتين ونى رەسەيلىكتەردى قورعاۋ ءۇشىن ەمەس، الەمگە ءوزىنىڭ ىقپالىن كەڭەيتۋ ءۇشىن گيبريدتى قارۋ رەتىندە ۇسىنادى»، - دەدى شيمونيتە.

ليتۆا پرەمەر-ءمينيسترىنىڭ بۇل مالىمدەمەسى رەسەيدە ۇلكەن رەاكتسيا تۋدىردى.رەسەيدىڭ ليتۆاداعى ەلشىلىگى Twitter-دە:

«ۆاكتسينانى جاساۋ مەن قولدانۋدىڭ بارلىق كەزەڭدەرىندە بۇرمالانعان اقپارات پەن وسىعان ۇقساس بىرجاقتى مالىمدەمەلەرگە قاراماستان، حالىقارالىق دەڭگەيدە تانىلعان Sputnik V ۆاكتسيناسى ءوزىن كورسەتە ءبىلدى. ەڭ باستىسى، بۇقارالىق ۆاكتسيناتسيا قازىردىڭ وزىندە رەسەيدە ءجۇرىپ جاتىر. ال ليتۆادا شە؟»،- دەپ جازدى.

Sputnik V ۆاكتسيناسى رەسەيدىڭ دەنساۋلىق ساقتاۋ مينيسترلىگىندە 2020 جىلدىڭ تامىزىندا تىركەلگەن. ونى گامالەيا ورتالىعى جاساعان.

Abai.kz