بەلگىلى اقىن ءشومىشباي ساريەۆ 75 جاسقا قاراعان شاعىندا ومىردەن ءوتتى.

ول 1946 جىلدىڭ 15 ساۋىرىندە قىزىلوردا وبلىسىندا دۇنيەگە كەلگەن.

قازاقستاننىڭ ەڭبەك سىڭىرگەن قايراتكەرى، فرانتس كافكا اتىنداعى حالىقارالىق سىيلىقتىڭ جانە «پلاتيندى تارلان» سىيلىعىنىڭ لاۋرەاتى. «پاراسات» وردەنىنىڭ يەگەرى.

1971 جىلى قازمۋ-ءدىڭ جۋرناليستيكا فاكۋلتەتىن بىتىرگەن.

1970-1974 جىلدارى «قازاقستان» باسپاسىندا رەداكتور، «جۇلدىز»  جۋرنالىندا ءبولىم مەڭگەرۋشىسى، قازاقستان رەسپۋبليكاسى ۇعا-نىڭ مۇحتار اۋەزوۆ اتىنداعى ادەبيەت جانە ونەر ينستيتۋتىندا عىلىمي قىزمەتكەر، اعا عىلىمي قىزمەتكەر بولعان.

1996 جىلى «قازىرگى قازاق ليريكاسىنىڭ ىزدەنىستەرى»  اتتى تاقىرىپتا عىلىم كانديداتى دارەجەسىن يەلەندى. «XX عاسىردىڭ جيىرماسىنشى جىلدارداعى پوەزياسى» اتتى مونوگرافيا جازعان.

سونىمەن قاتار، ەل اراسىندا بەلگىلى بىرقاتار اندەردىڭ ءسوزىن جازدى.

Abai.kz