سالىق كودەكسىندە جالپىعا بىردەي دەكلاراتسيالاۋدى ءتورت كەزەڭمەن جۇزەگە اسىرۋ قاراستىرىلعان.

ءبىرىنشى كەزەڭدە (2021 جىلعى 1 قاڭتاردان باستاپ) جاۋاپتى مەملەكەتتىك لاۋازىمدى اتقاراتىن ادامدار مەن ولاردىڭ جۇبايلارى (زايىپتارى); مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن جانە ولارعا تەڭەستىرىلگەن ادامدار، سونداي-اق ولاردىڭ جۇبايلارى (زايىپتارى); «قازاقستان رەسپۋبليكاسىنداعى سايلاۋ تۋرالىي قازاقستان رەسپۋبليكاسىنىڭ كونستيتۋتسيالىق زاڭىنا جانە «سىبايلاس جەمقورلىققا قارسى ءىس-قيمىل تۋرالى»، «قازاقستان رەسپۋبليكاسىنداعى بانكتەر جانە بانك قىزمەتى تۋرالى»، «ساقتاندىرۋ قىزمەتى تۋرالى»، «باعالى قاعازدار رىنوگى تۋرالى» قازاقستان رەسپۋبليكاسىنىڭ زاڭىنا سايكەس تابىس ەتۋ جونىندەگى مىندەت جۇكتەلگەن ادامدار دەكلاراتسيا تاپسىرۋعا مىندەتتى.

ەكىنشى كەزەڭدە (2023 جىلعى 1 قاڭتاردان باستاپ) مەملەكەتتىك مەكەمەلەردىڭ قىزمەتكەرلەرى مەن ولاردىڭ جۇبايلارى، سونداي-اق كۆازيمەملەكەتتىك سەكتور سۋبەكتىلەرىنىڭ جۇمىسكەرلەرى مەن ولاردىڭ جۇبايلارى.

ءۇشىنشى كەزەڭدە 2024 جىلدان باستاپ زاڭدى تۇلعالاردىڭ باسشىلارى، قۇرىلتايشىلارى (قاتىسۋشىلارى) جانە ولاردىڭ جۇبايلارى، دارا كاسىپكەرلەر جانە ولاردىڭ جۇبايلارى.

2025 جىلى قورىتىندى كەزەڭدە ازاماتتاردىڭ قالعان ساناتتارى، ياعني ەلدىڭ بارلىق ەرەسەك حالقى كىرەدى.

جەكە تۇلعالار جالپىعا بىردەي دەكلاراتسيالاۋ جۇيەسىنە كىرۋدىڭ ءبىرىنشى جىلىندا اكتيۆتەرى مەن مىندەتتەمەلەرى تۋرالى دەكلاراتسيانى (250.00-نىسان) ۇسىنۋعا مىندەتتى. كەيىنگى جىلدارى كىرىستەرى مەن مۇلكى تۋرالى دەكلاراتسيا (270.00-نىسان) ۇسىنىلادى.

اكتيۆتەر مەن مىندەتتەمەلەر تۋرالى دەكلاراتسيا (250.00-نىسان) جيناقتالعان اكتيۆتەر مەن مىندەتتەمەلەردى دەكلاراتسيالاۋ جۇيەسىنە كىرۋ كۇنىنە تىركەۋ ءۇشىن ۇسىنىلادى. بۇل رەتتە قازاقستان رەسپۋبليكاسىنىڭ ۋاكىلەتتى ورگاندارىندا تىركەلگەن جىلجىمايتىن مۇلىك جانە كولىك قۇرالدارى تۋرالى مالىمەتتەردى دەكلاراتسيادا كورسەتۋدىڭ قاجەتى جوق، ويتكەنى بۇل مالىمەتتەر مەملەكەتتىك كىرىس ورگاندارىندا بار.

قۇقىقتارى جانە (نەمەسە) مامىلەلەرى شەت مەملەكەتتىڭ زاڭناماسىنا سايكەس شەت مەملەكەتتىڭ قۇزىرەتتى ورگانىندا مەملەكەتتىك نەمەسە وزگە تىركەۋگە جاتاتىن مۇلىك كورسەتىلۋگە جاتادى. مۇلىكتىڭ وسى تىزبەسىنە: جىلجىمايتىن مۇلىك، جەر ۋچاسكەلەرى جانە (نەمەسە) جەر ۇلەستەرى، اۋە جانە تەڭىز كەمەلەرى، ىشكى سۋدا ءجۇزۋ كەمەلەرى، «وزەن-تەڭىز» سۋلارىندا ءجۇزۋ كەمەلەرى; كولىك قۇرالدارى، ارنايى تەحنيكا جانە (نەمەسە) تىركەمەلەر جاتادى; بارلىق بانك سالىمدارى بويىنشا رەسپۋبليكالىق بيۋدجەت تۋرالى زاڭدا بەلگىلەنگەن جانە ەسەپتى سالىق كەزەڭىنىڭ 31 جەلتوقسانىندا قولدانىلاتىن ەڭ تومەنگى ەسەپتىك كورسەتكىشتىڭ 1000 ەسەلەنگەن مولشەرىنەن اساتىن سوماداعى قازاقستان رەسپۋبليكاسىنان تىس جەرلەردەگى شەتەلدىك بانكتەردەگى بانك شوتتارىنداعى اقشا.

سونىمەن بىرگە، قازاقستان رەسپۋبليكاسىنداعى جانە (نەمەسە) ودان تىس جەرلەردەگى مۇلىك تۋرالى: تۇرعىن ءۇي قۇرىلىسىنا ۇلەستىك قاتىسۋ تۋرالى شارت بويىنشا تۇرعىن عيماراتتاعى ۇلەس; قازاقستان رەسپۋبليكاسىنىڭ شەگىنەن تىس جەردە قۇرىلعان زاڭدى تۇلعانىڭ جارعىلىق كاپيتالىنا قاتىسۋ ۇلەسى; باعالى قاعازدار، تۋىندى قارجى قۇرالدارى (بازالىق اكتيۆتى ساتىپ الۋ نەمەسە وتكىزۋ ارقىلى ورىندالاتىن تۋىندى قارجى قۇرالدارىن قوسپاعاندا); ينۆەستيتسيالىق التىن; زياتكەرلىك مەنشىك، اۆتورلىق قۇقىق وبەكتىلەرى سياقتى دەرەكتەردى كورسەتۋ قاجەت.

سونداي-اق، رەسپۋبليكالىق بيۋدجەت تۋرالى زاڭدا بەلگىلەنگەن جانە جەكە تۇلعانىڭ اكتيۆتەرى مەن مىندەتتەمەلەرى تۋرالى دەكلاراتسيا تابىس ەتىلگەن جىلدىڭ الدىنداعى جىلدىڭ 31 جەلتوقسانىندا قولدانىلاتىن ەڭ تومەن ەسەپتىك كورسەتكىشتىڭ 10000 ەسەلەنگەن مولشەرى شەگىنەن اسپايتىن سوماداعى قولما-قول اقشا كورسەتىلەدى; قازاقستان رەسپۋبليكاسىنداعى بانكتەر جانە بانك قىزمەتى جونىندەگى قازاقستان رەسپۋبليكاسىنىڭ زاڭدارىنا سايكەس قۇرىلعان بانكتەر مەن بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار الدىنداعى بەرەشەكتەردى قوسپاعاندا، مىندەتتەمە نەمەسە تالاپ تۋىنداۋىنا نەگىز بولاتىن، نوتاريالدى كۋالاندىرىلعان كەلىسىمشارت نەمەسە باسقا قۇجات بولعان كەزدە جەكە تۇلعالاردىڭ بىرەۋلەر الدىنداعى قارىزدارى (كرەديتورلىق بەرەشەك) جانە (نەمەسە) باسقا تۇلعالاردىڭ جەكە تۇلعا الدىنداعى قارىزدارى (دەبيتورلىق بەرەشەك) كورسەتىلەدى.

بۇدان باسقا، قىمبات تۇراتىن مۇلىك، مىسالى، ءبىر بىرلىگى ءۇشىن باعاسى (قۇنى) رەسپۋبليكالىق بيۋدجەت تۋرالى زاڭدا بەلگىلەنگەن جانە ەسەپتى سالىق كەزەڭىنىڭ 31 جەلتوقسانىندا قولدانىلاتىن ەڭ تومەنگى ەسەپتىك كورسەتكىشتىڭ 1000 ەسەلەنگەن مولشەرىنەن اساتىن ونەر تۋىندىلارى جانە سول سياقتىلار بولعان جاعدايدا، جەكە تۇلعا قالاۋى بويىنشا وسى مۇلىكتى باعالاۋ تۋرالى ەسەپتە ايقىندالعان قۇنى بولعان كەزدە دەكلاراتسيادا كورسەتۋگە قۇقىلى.

جالپىعا بىردەي دەكلاراتسيالاۋدىڭ ءبىرىنشى كەزەڭىنە كىرەتىن ادامدار ءۇشىن تۇرعىلىقتى جەرى (كەلۋ ورنى) بويىنشا دەكلاراتسيانى قاعاز نۇسقادا تاپسىرۋ مەرزىمى – 2021 جىلعى 15 شىلدەدەن كەشىكتىرمەي نەمەسە ەلەكتروندىق تۇردە – 2021 جىلعى 15 قىركۇيەگىنەن كەشىكتىرىلمەۋى ءتيىس.

اكتيۆتەر مەن مىندەتتەمەلەر تۋرالى دەكلاراتسيانى سالىق تولەۋشىنىڭ كابينەتى ارقىلى ەلەكتروندى تۇردە ۇسىنۋعا بولادى (cabinet.salyk.kz), «ەلەكتروندىق ۇكىمەت» پورتالى (egov.kz), سونداي-اق eSalyq Azamat mobile جانە eGov mobile ءموبيلدى قوسىمشالارى ارقىلى جۇزەگە اسىرىلادى.

1414 بىرىڭعاي رەسپۋبليكالىق ءنومىر پلاتفورماسىندا جالپىعا بىردەي دەكلاراتسيالاۋدى ءتۇسىندىرۋ ءۇشىن بايلانىس ورتالىعى ىسكە قوسىلدى.

تولىعىراق اقپارات قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ رەسمي سايتىنىڭ (kgd.gov.kz) «جالپىعا بىردەي دەكلاراتسيالاۋ» بولىمىندە جاريالانعان.

تالعات تۇرعاەۆ  

الماتى قالاسى بويىنشا مكب باسشى ورىنباسارى

Abai.kz