«ۆەچەرني الماتى» سايتىندا «جيتەل اۆسترالي ۆىۋچيل كازاحسكي يازىك زا دۆا مەسياتسا» نەمەسە قازاق تىلىنە اۋدارىلعاندا – «اۆستراليا تۇرعىنى ەكى اي ىشىندە قازاق ءتىلىن ۇيرەندى» دەگەن قىزىقتى ماقالا جاريالاندى. 

مەن قازاق تىلىنە اۋدارۋعا تىرىستىم جانە بۇل ماتەريال بارلىق قازاقستاندىقتار ءۇشىن قىزىقتى ءارى تاعىلىمدى بولادى دەپ ويلايمىن.

اۆستراليالىق ازامات قازاقستانعا كەلۋدى ارماندايدى. ۆيدەودا اۆستراليالىق قازاق ءتىلىن وقىپ ۇيرەنۋدەگى جەتىستىكتەرى تۋرالى ايتتى، دەپ حابارلادى Vecher.kz. بۇل ۆيدەونى ساياساتتانۋشى راسۋل جۇمالى ءوزىنىڭ Facebook پاراقشاسىندا جاريالادى. 

«مىناۋ يۋان سميت دەگەن اۆستراليانىڭ جىگىتى. ۇلىم الي وعان قازاق ءتىلىن ينتەرنەت ارقىلى ۇيرەتىپ ەكى-اق ايدىڭ ىشىندە كادىمگىدەي دەڭگەيگە كوتەرىلدى. بارەكەلدى! بىراق وسىعان قاراپ ءومىر-باقي قازاقستاندا تۇرىپ قازاقشا قاقپايتىندار قاتتى قىنجىلتادى» - دەپ جازدى ساياساتتانۋشى. 

اۆستراليالىق ازامات قازاق ءتىلىن نەگە باستاعانىن ءتۇسىندىردى: «سالەمەتسىز بە! مەنىڭ اتىم يۋان. مەن اۆستراليادان، قازىر سەۋلدە تۇرامىن. مەن قازاق ءتىلىن ۇيرەنۋدى ەكى سەبەپكە بايلانىستى باستادىم. 

بىرىنشىدەن، مەن شەت تىلدەرىن ۇيرەنۋدى جاقسى كورەمىن. ەكىنشىدەن، ءبىر كۇنى قازاقستانعا كەلگىم كەلەدى. قازاق ءتىلىن ۇيرەنۋ قيىن، ويتكەنى ونىڭ قۇرىلىمى مەنىڭ انا تىلىمنەن مۇلدەم وزگەشە جانە مەندە ونى ۇيرەنۋگە كوپ رەسۋرستار جوق. مەن قازاق ءتىلىن وقىعاندى ​​وتە جاقسى كورەمىن، ويتكەنى بۇل وتە قىزىقتى». 

يۋان جاڭادان باستاۋشىلارعا قازاق ءتىلىن ۇيرەنۋگە كەڭەس بەردى: «مەنىڭ ويىمشا، شەت ءتىلىن ۇيرەنۋ كوپ ۋاقىت پەن كۇش جۇمسايدى. ەگەر ادام شەت تىلىندە سويلەي الماسا، بۇل پروبلەما ەمەس. بىراق مەنىڭ ويىمشا، ادام باسقا ەلدە تۇرسا، سول ەلدىڭ ءتىلىن ۇيرەنۋگە تىرىسۋى كەرەك. جاقىندا قازاق ءتىلىن ۇيرەنۋدى باستاعاندارعا ايتار كەڭەسىم: ءسىزدى قىزىقتىراتىن تاقىرىپتى تاۋىپ، سودان باستاڭىز».

كەرىمسال جۇباتقانوۆ

Abai.kz