كەزىندە الاش ارىستارىنىڭ ءبىرازى تاتار مەن ورىستىڭ قىزدارىنا ۇيلەندى. لي كۋان يۋ رەفورما جاساعاندا ءبىلىمدى جاستاردى قولدادى. جوعارى ءبىلىمى جوقتاردىڭ پاتەر الۋى قيىنداۋ بولاتىن. ولاردىڭ بالا سانىن دا شەكتەۋدى ناسيحاتتادى. كەرىسىنشە جوعارى ءبىلىمدى جاستاردىڭ بىرگە قوسىلعانىن ناسيحاتتادى. ولارعا تانىستىق ءۇشىن بولەك كلۋب اشىپ، جوعارى ءبىلىمدى ازاماتتاردىڭ بالالارىنىڭ كوبەيگەنىن قۇپتادى. جالپى تەڭ تەڭىمەن دەگەن نارسەنى بىزدەگىدەي بايلىقپەن ەمەس بىلىممەن تەڭەستىردى.

تۇركيادا ءبىر كەزدەرى سايلاۋ بولاردا ءبىر ادامدار جوعارى ءبىلىمدى ادامداردىڭ داۋىسىن 10 ادام رەتىندە ساناۋدى ۇسىندى. بىزدە بۇل نارسە جۇرمەيدى. سەبەبى حالىقتىڭ 80%-ى جوعارى ءبىلىمدى. مەكتەپ بىتىرگەن بالا سول جىلى وقۋعا تۇسە الماسا ءوز وزدەرىنە قول جۇمساپ تا قويادى. سەبەبى قاتارلاستارىنىڭ 70-80%-ى ۋنيۆەرسيتەتكە تۇسەدى. وقۋىن بىتىرگەن سوڭ جوعارى ءبىلىمدى جۇمىسسىز بولادى. جوعارى ءبىلىمدى ادام دەگەن ءسوزدىڭ قادىرى قالمادى-اۋ بىزدە.