Freedom Life ءومىردى ساقتاندىرۋ كومپانياسىنىڭ ماماندارى جوعارى وقۋ ورىندارى جاريالاعان وقۋ اقىسىنىڭ تاريفتەرىن تالداپ، ولاردى حالىقتىڭ تابىس دەڭگەيىمەن سالىستىرىپ، وتباسى بيۋدجەتىنە ايتارلىقتاي سالماق سالماي وقۋ اقىسىن تولەۋ ءۇشىن قانداي تابىس قاجەت ەكەنىن ەسەپتەدى.

ۇلتتىق ستاتيستيكا بيۋروسىنىڭ مالىمەتىنشە، 2026 جىلدىڭ I توقسانىنىڭ قورىتىندىسى بويىنشا قازاقستانداعى مەديانالىق جالاقى 331,5 مىڭ تەڭگەنى، ال ورتاشا جالاقى 461,5 مىڭ تەڭگەنى قۇرادى. مەديانالىق جالاقى «ورتاشا» قىزمەتكەردىڭ تابىسىن دالىرەك كورسەتەدى، ويتكەنى جالدامالى قىزمەتكەرلەردىڭ جارتىسى وسى سومادان از، ال جارتىسى ودان كوپ جالاقى الادى.

ءبىر جىلدىق وقۋ قۇنى قانشا?

جاقىندا جاريالانعان تاريفتەرگە سايكەس، قاراستىرىلعان قازاقستاندىق جوعارى وقۋ ورىندارىنداعى وقۋ اقىسى 1,1 ملن تەڭگەدەن باستالادى. KIMEP ۋنيۆەرسيتەتىندە بۇل سوما 5,9 ملن تەڭگەگە، ال Nazarbayev University باكالاۆرياتىندا جىلىنا شامامەن 7,6 ملن تەڭگەگە دەيىن جەتەدى.

دەرەككوز: اشىق اقپارات كوزدەرى
ەسەپتەۋدى جۇرگىزگەن: Freedom Life وسك

ەسەپتەۋلەر 331,5 مىڭ تەڭگە كولەمىندەگى مەديانالىق جالاقى نەگىزىندە جاسالدى. وقۋ اقىسى ءبىلىم بەرۋ باعدارلاماسىنا، فاكۋلتەتكە، كۋرسقا جانە اكادەميالىق كرەديتتەر سانىنا بايلانىستى وزگەرۋى مۇمكىن.

وقۋ اقىسىن تءولەۋ ءۇءشىن وتباسىنىڭ تابىسى قانداي بولۋى كەرەك?

وتباسى بيۋدجەتىنە تۇسەتىن جۇكتەمەنى باعالاۋ ءۇشىن Freedom Life ماماندارى وقۋعا وتباسىنىڭ جىلدىق تابىسىنىڭ 15%-ىنان اسپايتىن قاراجات جۇمسالاتىن ەسەپتىك مودەلدى قولداندى. بۇل – رەسمي نورماتيۆ ەمەس، اعىمداعى شىعىنداردىڭ باسىم بولىگىن قىسقارتپاي وقۋ اقىسىن تولەۋگە مۇمكىندىك بەرەتىن شارتتى ستسەناري.

دەرەككوز: اشىق اقپارات كوزدەرى
ەسەپتەۋدى جۇرگىزگەن: Freedom Life وسك

وسىلايشا، جىلىنا 1,5 ملن تەڭگە تۇراتىن سالىستىرمالى تۇردە قولجەتىمدى وقۋ اقىسىن تولەۋ ءۇشىن وتباسىنىڭ جيىنتىق ايلىق تابىسى شامامەن 833 مىڭ تەڭگەنى قۇراۋى قاجەت. بۇل ءبىر قازاقستاندىق قىزمەتكەردىڭ مەديانالىق جالاقىسىنان 2,5 ەسە جوعارى جانە ورتاشا جالاقىدان 1,8 ەسە كوپ.

ەگەر وتباسىندا ەكى ادام جۇمىس ىستەپ، ارقايسىسى مەديانالىق جالاقى الاتىن بولسا، ولاردىڭ جيىنتىق تابىسى ايىنا شامامەن 663 مىڭ تەڭگەنى قۇرايدى. مۇنداي جاعدايدا دا 1,5 ملن تەڭگە كولەمىندەگى ءبىر جىلدىق وقۋ اقىسىن تولەۋ وتباسىنىڭ جىلدىق جيىنتىق تابىسىنىڭ شامامەن 19%-ىن تالاپ ەتەدى.

ارينە، بۇل اقىلى جوعارى وقۋ ورنىندا ءبىلىم الۋعا مۇمكىندىگى بار قازاقستاندىقتاردىڭ ناقتى ۇلەسىن كورسەتپەيدى. ءبىر قىزمەتكەردىڭ تابىسى وتباسىنىڭ جالپى بيۋدجەتىن، جيناقتارىنىڭ بار-جوعىن، بالالار سانىن جانە مىندەتتى شىعىندارىن تولىق سيپاتتاي المايدى. دەگەنمەن ەسەپتەۋلەر الدىن الا جيناقسىز وقۋ اقىسىن تولەۋ مۇمكىندىگى كوبىنە تابىسى ورتاشا دەڭگەيدەن ەداۋىر جوعارى وتباسىلارعا ءتان ەكەنىن كورسەتەدى.

وتباسى بيۋدجەتىنە تءۇسەتىن اۋىرتپالىقتى قالاي ازايتۋعا بولادى?

نەگىزگى قارجىلىق قيىندىق بىرنەشە ميلليون تەڭگەنى ءدال وقۋعا تۇسەر الدىندا تابۋ قاجەتتىلىگىنەن تۋىندايدى. ەگەر ءبىلىم الۋعا ارنالعان كاپيتالدى الدىن الا جيناقتاي باستاسا، ءىرى سومانى بىرنەشە جىلعا بولىنگەن شاعىن تۇراقتى جارنالارمەن الماستىرۋعا بولادى.

ۇزاق مەرزىمدى جيناقتاۋدىڭ ءتيىمدى قۇرالدارىنىڭ ءبىرى – مەملەكەتتىك ءبىلىم بەرۋ جيناقتاۋ جۇيەسى اياسىندا جۇمىس ىستەيتىن Freedom Keleshek ءومىردى جيناقتاۋشى ساقتاندىرۋ باعدارلاماسى.

«Freedom Keleshek باعدارلاماسى اعىمداعى جىلى 5 جاسقا تولاتىن بالالارعا مەملەكەتتەن 60 اەك كولەمىندە باستاپقى ءبىلىم بەرۋ كاپيتالىن، ال الەۋمەتتىك وسال ساناتتارعا جاتاتىن بالالار ءۇشىن 120 اەك كولەمىندە قاراجات قاراستىرادى. سونىمەن قاتار جيناق سوماسىنا جىل سايىن 5% نەمەسە 7% مولشەرىندە مەملەكەتتىك سىيلىقاقى ەسەپتەلەدى. مەملەكەتتىك سىيلىقاقىنىڭ ەڭ جوعارى مولشەرى – 100 اەك. بۇدان بولەك، باعدارلاما بويىنشا ساقتاندىرۋ كومپانياسى جىلدىق 14% ينۆەستيتسيالىق تابىس ەسەپتەيدى. شارتتى راسىمدەۋ جانە جيناقتى باسقارۋ تولىقتاي ونلاين قولجەتىمدى، ءارى كەلىسىمشارتتىڭ بۇكىل مەرزىمى بويى ساقتاندىرۋ قورعانىسى ساقتالادى»، – دەپ اتاپ ءوتتى Freedom Life وسك ماماندارى.

باعدارلامانىڭ رەسمي پاراقشاسىندا ساقتاندىرىلعان اتا-انامەن ساقتاندىرۋ جاعدايى ورىن العان كەزدە تولەم شارت اياقتالعانعا دەيىن جوسپارلانعان جيناق سوماسىنا سۇيەنە وتىرىپ جۇرگىزىلەتىنى، ياعني ەنگىزىلگەن جارنالاردىڭ سانىنا تاۋەلسىز جۇزەگە اسىرىلاتىنى كورسەتىلگەن.

مۇنداي ءتاسىل تابىسى ورتاشا دەڭگەيدەن ايتارلىقتاي جوعارى بولماسا دا، بالاسىنا جوعارى وقۋ ورنىن ەركىن تاڭداۋعا مۇمكىندىك جاساعىسى كەلەتىن اتا-انالارعا قولايلى بولۋى مۇمكىن. جيناق نەعۇرلىم ەرتەرەك باستالسا، قاجەتتى تۇراقتى جارنا سوعۇرلىم از بولىپ، وقۋعا ءتۇسۋ ساتىندەگى وتباسى بيۋدجەتىنە تۇسەتىن اۋىرتپالىق تا تومەندەيدى.

«قارجى قۇرالىنىڭ سەنىمدىلىگى دە ماڭىزدى ءرول اتقارادى. قازاقستانداعى ساقتاندىرۋ تولەمدەرىنە كەپىلدىك بەرۋ قورىنىڭ (ستكق) كەپىلدىك جۇيەسى ءومىردى جيناقتاۋشى ساقتاندىرۋدىڭ بارلىق تۇرىنە، سونىڭ ىشىندە ءبىلىم بەرۋ باعدارلامالارىنا دا قولدانىلادى»، – دەپ ءتۇسىندىردى ساراپشىلار.

Abai.kz