كاپيتاليستىك قوعامدا  مونوپوليستەر شەكسىز ۇستەمدىك قۇرادى ەكەن.   ولار ءوز مەملەكەتتەرىندە عانا ەمەس،  شەت ەلدەردى دە بيلەپ توستەي الادى (بۇل جايتتى كوزىمىزبەن كورىپ، جۇرەگىمىزبەن سەزىنىپ تە ءجۇرمىز).  .

مونوپوليستەر جەرگىلىكتى مەملەكەتتەردىڭ زاڭدارىنا باعىنا دا بەرمەيدى. مەملەكەتتىڭ «اتا زاڭىنا» ولاردىڭ تۇكىرگەنى بار: ويتكەنى ولار وزدەرىنە ىڭعايلى، وزدەرىنىڭ مۇددەلەرىن قورعايتىن زاڭ شىعارتىپ العان. ولاردىڭ «اق دەگەنى - العىس، قارا دەگەنى - قارعىس». ءبىزدىڭ ەلىمىزدەگى كوپتەگەن  زاڭداردىڭ «اتا زاڭىمىزعا»  قايشى كەلىپ جاتۋىنىڭ سىرى دا وسىندا. ءبىز كەيدە دۇرىس زاڭ قابىلدامادى دەپ دەپۋتاتتاردى جازعىرامىز، دۇرىس شەشىم شىعارمادى دەپ سوتتارعا كىنا تاعامىز. ولاردى جازعىرۋىمىز بەكەرشىلىك: دەپۋتاتتارىمىز بەن سوتتارىمىز سولاي ەتۋگە ءماجبۇر. ويتكەنى ءبىزدى مونوپولياعا يەك ارتقان ينۆەستورلار بيلەپ-توستەپ وتىر.

ءبىر عانا قىتاي ءمونوپوليستى  ماڭعىستاۋدا مىڭداعان ادامدى 7 اي بويى الاڭعا قاڭتارىپ، ن.سوكولوۆانى 6 جىلعا سوتتاتقىزدى. ن.سوكولوۆانى سوتتاعان سوتتا، پروكۋروردا ونىڭ ەش جازىقسىز ەكەنىن جاقسى بىلەدى، بىراق ولار دارمەنسىز.

كاپيتاليستىك قوعامدا  مونوپوليستەر شەكسىز ۇستەمدىك قۇرادى ەكەن.   ولار ءوز مەملەكەتتەرىندە عانا ەمەس،  شەت ەلدەردى دە بيلەپ توستەي الادى (بۇل جايتتى كوزىمىزبەن كورىپ، جۇرەگىمىزبەن سەزىنىپ تە ءجۇرمىز).  .

مونوپوليستەر جەرگىلىكتى مەملەكەتتەردىڭ زاڭدارىنا باعىنا دا بەرمەيدى. مەملەكەتتىڭ «اتا زاڭىنا» ولاردىڭ تۇكىرگەنى بار: ويتكەنى ولار وزدەرىنە ىڭعايلى، وزدەرىنىڭ مۇددەلەرىن قورعايتىن زاڭ شىعارتىپ العان. ولاردىڭ «اق دەگەنى - العىس، قارا دەگەنى - قارعىس». ءبىزدىڭ ەلىمىزدەگى كوپتەگەن  زاڭداردىڭ «اتا زاڭىمىزعا»  قايشى كەلىپ جاتۋىنىڭ سىرى دا وسىندا. ءبىز كەيدە دۇرىس زاڭ قابىلدامادى دەپ دەپۋتاتتاردى جازعىرامىز، دۇرىس شەشىم شىعارمادى دەپ سوتتارعا كىنا تاعامىز. ولاردى جازعىرۋىمىز بەكەرشىلىك: دەپۋتاتتارىمىز بەن سوتتارىمىز سولاي ەتۋگە ءماجبۇر. ويتكەنى ءبىزدى مونوپولياعا يەك ارتقان ينۆەستورلار بيلەپ-توستەپ وتىر.

ءبىر عانا قىتاي ءمونوپوليستى  ماڭعىستاۋدا مىڭداعان ادامدى 7 اي بويى الاڭعا قاڭتارىپ، ن.سوكولوۆانى 6 جىلعا سوتتاتقىزدى. ن.سوكولوۆانى سوتتاعان سوتتا، پروكۋروردا ونىڭ ەش جازىقسىز ەكەنىن جاقسى بىلەدى، بىراق ولار دارمەنسىز.

اقيقاتىندا «الەۋمەتتىك ارازدىقتى قوزدىرعان»  ن.سوكولوۆا ەمەس، سول قىتايدىڭ ءوزى بولاتىن. « توقپاعى مىقتى بولسا، كيىز قازىق جەرگە كىرەدى» دەگەن وسى. الاڭدا 7 اي تۇرعان جۇمىسشىلارعا  ۇكىمەت تە، دەپۋتاتتار دا ارا تۇسۋگە دارمەنسىزدىك تانىتتى، ەرەۋىلدىڭ ارتى قانتوگىسكە اپارىپ سوقتىردى. ال ءبىز كىنالىلەردى  باسقا جاقتان ىزدەپ جاتىرمىز.

كەيىنگى كەزدەگى مونوپوليانىڭ كەڭ تاراعان ءتۇرى - فينانس وليگارحياسى. الەمدە بولىپ جاتقان بارلىق  بۇلىكتەر وسىلاردىڭ ءىسى. «اراب كوكتەمىن» «كوكتەتكەن» دە وسىلار. دەموكراتيانى جەلەۋ ەتكەن بۇلاردىڭ ماقساتى بايلىق پەن ۇستەمدىك.

فينانس وليگارحياسى مەملەكەتتى وزدەرىنىڭ قارا نيەتتەرىنە پايدالانادى. قاراپايىم حالىقتىڭ تۇرمىس دارەجەسىن ارتتىرۋ جانە دەموكراتيا جولىنداعى كۇرەسىن السىرەتۋ  ءۇشىن مەملەكەتتى سولارعا قارسى زاڭ شىعارۋعا يتەرمەلەيدى. «تىركەۋدىڭ جاڭا ەرەجەلەرى» جانە ەڭبەك كودەكسىنە ەڭگىزىلگەن تۇزەتۋلەر  وسىنىڭ ايعاعى.
ولار حالىقتىڭ بىرلىگىن السىرەتۋ ءۇشىن، كوپتىڭ نازارىن باسقا جاققا اۋدارۋ ءۇشىن دە  نەشە ءتۇرلى قۇيتىرقى ىستەرگە  بارادى.  ەلىمىزگە اعىلىپ كەلىپ جاتقان مىسىق تىلەۋ ميسسيونەرلەر دە سولارىڭ جىمىسقى ارەكەتىن جالعاستىرۋشىلار.

قاراپايىم  حالىقتى قيىنشىلىققا  دۋشار ەتەتىن داعدارىس، ينفلياتسيا، جۇمىسسىزدىق سياقتى كەلەڭسىزدىكتىڭ ءبارى كاپيتاليستىك قوعامنىڭ اينىماس سەرىگى. كاپيتاليستىك قوعام تەك جەكە ادامداردى عانا باقتىتتى ەتەدى،  جالپى قاراپايىم حالىققا باقىت سىيلامايدى

قازاق ەلىنىڭ بولاشاعى الەۋمەتتىك تەڭدىك جۇيەسىندە. بىزگە بيلىكتى ەمەس، جۇيەنى وزگەرۋ قاجەت. ۇلتتىق ەرەكشىلىكتەرىمىزدى ەسكەرە وتىرىپ، جاڭا جۇيە ورناتۋىمىز كەرەك.

«اباي-اقپارات»