قر ۇلتتىق ەكونوميكا مينيسترلىگى مەملەكەت باسشىسى قاسىم-جومارت توقاەۆتىڭ جارلىعىنا سايكەس ەلىمىزدىڭ 2025 جىلعا دەيىنگى دامۋىنىڭ ۇلتتىق جوسپارى بەكىتىلگەنىن مالىمدەدى. 

اتالعان قۇجات قر پرەزيدەنتى قاسىم-جومارت توقاەۆتىڭ تاپسىرماسى بويىنشا ۇلتتىق ەكونوميكا مينيسترلىگى ستراتەگيالىق جوسپارلاۋ جانە رەفورمالار اگەنتتىگىمەن بىرلەسىپ ازىرلەنگەن.

جوسپار حالىقتىڭ ءومىر ءسۇرۋ ساپاسى مەن ءال-اۋقاتىن ارتتىرۋعا باعىتتالعان تۇبەگەيلى ينستيتۋتسيونالدىق جانە سالالىق رەفورمالار ءۇشىن نەگىز قالايدى.

ناقتى ستراتەگيالىق كورسەتكىشتەردىڭ ەگجەي-تەگجەيلى كارتاسى ۇلتتىق جوسپاردىڭ اجىراماس بولىگى بولىپ تابىلادى، وعان قول جەتكىزۋ ءۇشىن ەكونوميكانىڭ وزىندىك جەتكىلىكتىلىگىن ارتتىرۋ، ءارتاراپتاندىرۋ، ينۆەستيتسيالاردى تارگەتتەلگەن تارتۋ، ەكسپورتتى بەلسەندى ىلگەرىلەتۋ، جەكە كاسىپكەرلىكتى قولداۋ جانە كەشەندى دامىتۋ ارقىلى ونىڭ جاڭا قۇرىلىمىن قالىپتاستىرۋ بويىنشا ناقتى شارالار قابىلدانادى.

دەنساۋلىق ساقتاۋ مەن ءبىلىم بەرۋ قىزمەتتەرىن جاقسارتۋعا، ينفراقۇرىلىمدى دامىتۋعا، ناتيجەلى جۇمىسپەن قامتۋعا جانە حالىقتىڭ الەۋمەتتىك ءال-اۋقاتىن ارتتىرۋعا ەرەكشە نازار اۋدارىلاتىن بولادى.

سونداي-اق، مەملەكەت باسشىسى مەملەكەتتىك جوسپارلاۋ جۇيەسىنىڭ جاڭا قۇرالى بولىپ تابىلاتىن «قازاقستان رەسپۋبليكاسىنىڭ 2025 جىلعا دەيىنگى جالپىۇلتتىق باسىمدىقتارى تۋرالى» جارلىققا قول قويدى.

جالپىۇلتتىق باسىمدىقتار (جۇب) ءۇش ءتۇيىندى باعىت بويىنشا 10 ناقتى مىندەتتى بىلدىرەدى: ازاماتتاردىڭ ءال-اۋقاتى، ينستيتۋتتاردىڭ ساپاسى جانە كۇشتى ەكونوميكا قۇرۋ.

اڭگىمە جاقىن كەلەشەكتە رەفورمالار جۇزەگە اسىرىلاتىن ون باعىت تۋرالى بولىپ وتىر: ءادىل الەۋمەتتىك ساياسات، دەنساۋلىق ساقتاۋدىڭ قولجەتىمدى جانە ءتيىمدى جۇيەسى، ساپالى ءبىلىم بەرۋ، ازاماتتاردىڭ مۇددەلەرىن قورعاۋعا ارنالعان ءادىل جانە ءتيىمدى مەملەكەت، مەملەكەتتىك باسقارۋدىڭ جاڭا مودەلى، پاتريوتيزم قۇندىلىقتارىن دارىپتەۋ، ۇلتتىق قاۋىپسىزدىكتى نىعايتۋ، ارتاراپتاندىرىلعان يننوۆاتسيالىق ەكونوميكا قۇرۋ، ەكونوميكالىق جانە ساۋدا ديپلوماتياسىن بەلسەندى دامىتۋ جانە تەڭگەرىمدى اۋماقتىق دامۋ.

ۇلتتىق دامۋ جوسپارىنىڭ جانە جالپىۇلتتىق باسىمدىقتاردىڭ بارلىق ينديكاتورلارى بۇكىل مەملەكەتتىك اپپارات جۇمىسىنىڭ وزەكتى باعىتتارىن ايقىندايدى. كورسەتىلگەن ستراتەگيالىق قۇجاتتاردى ىسكە اسىرۋ قازىرگى كەزەڭنىڭ سىن-قاتەرلەرىن ەڭسەرۋگە باعىتتالعان جانە ورتامەرزىمدىك پەرسپەكتيۆادا ەلدىڭ حالىقتىڭ ءومىر ءسۇرۋ ساپاسى مەن تابىسىنىڭ ناقتى وسۋىمەن قاتار جۇرەتىن ورنىقتى جانە ساپالى ەكونوميكالىق ءوسۋ تراەكتورياسىنا شىعۋىن قامتاماسىز ەتۋگە ارنالعان.

Abai.kz