پرەزيدەنت قاسىم-جومارت توقاەۆ ۇجىمدىق قاۋىپسىزدىك شارت ۇيىمىنىڭ باس حاتشىسى ستانيسلاۆ ءزاستى قابىلدادى.

ۇجىمدىق قاۋىپسىزدىك شارت ۇيىمىنىڭ باس حاتشىسى مەملەكەت باسشىسىن ۇيىمنىڭ قازىرگى جاعدايى مەن دامۋ بولاشاعى تۋرالى حاباردار ەتتى. كەزدەسۋ بارىسىندا حالىقارالىق ۇيىم قىزمەتىنىڭ نەگىزگى باعىتتارى بويىنشا اۋقىمدى ماسەلەلەر قارالدى.

ستانيسلاۆ زاس ۇقشۇ باس حاتشىسىنىڭ بىتىمگەرشىلىك ماسەلەلەرى جونىندەگى ارنايى وكىلى ينستيتۋتىن قۇرۋ، قازاقستان پرەزيدەنتىنىڭ باستاماسىن ىسكە اسىرۋ بويىنشا ۇيىم حاتشىلىعى جۇرگىزىپ جاتقان جۇمىس تۋرالى باياندادى.

قاسىم-جومارت توقاەۆ ۇيىمنىڭ الداعى دامۋىنا بايلانىستى بىرقاتار ۇسىنىستار ايتىپ، قازاقستان تاراپىنىڭ ۇقشۇ شەڭبەرىندە ساياسي ىنتىماقتاستىقتى ودان ءارى نىعايتۋعا جانە ونىڭ الەۋەتىن ارتتىرۋعا دايىن ەكەنىن اتاپ ءوتتى.

Abai.kz