«اۋىل ءار قازاقتىڭ التىن بەسىگى» دەپ بەكەرگە ايتىلماسا كەرەك-ءتى، سول قازاقتىڭ ءبىر عانا اۋىلىن ءسوز ەتىپ كورەلىك، ول اۋىل - الماتى وبلىسى، الاكول اۋدانىنداعى «ءانۋار» اۋىلى. بۇل اۋىلدان كورنەكتى مەملەكەت ءارى قوعام قايراتكەرى ءانۋار ءالىمجانوۆ، قازاقستانعا ەڭبەك سىڭىرگەن ءارتىس كاماسي ومىرزاقوۆ، اتاقتى اكۋشەر-گينەكولوگ دارىگەر جومارت نۇرقاسىمۇلى، كسرو سپورت شەبەرى شايماردان تىلەۋمبەتوۆ، اكادەميك-عالىم، جازۋشى توقتار بەيىسقۇلوۆ، دارىندى جاس عالىم باۋىرجان نۇراحمەتوۆ، جەزتاڭداي كۇمىس كومەي ءانشى ارايلىم راحىمقىزى سىندى ساڭلاقتار تۇلەگەن ەدى. بۇرىنعى اتى «قارلىعاش». ال سول اۋىلدىڭ قازىرگى كەيپىنە قاراپ وسى ءبىر قۇتتى مەكەندە

«اۋىل ءار قازاقتىڭ التىن بەسىگى» دەپ بەكەرگە ايتىلماسا كەرەك-ءتى، سول قازاقتىڭ ءبىر عانا اۋىلىن ءسوز ەتىپ كورەلىك، ول اۋىل - الماتى وبلىسى، الاكول اۋدانىنداعى «ءانۋار» اۋىلى. بۇل اۋىلدان كورنەكتى مەملەكەت ءارى قوعام قايراتكەرى ءانۋار ءالىمجانوۆ، قازاقستانعا ەڭبەك سىڭىرگەن ءارتىس كاماسي ومىرزاقوۆ، اتاقتى اكۋشەر-گينەكولوگ دارىگەر جومارت نۇرقاسىمۇلى، كسرو سپورت شەبەرى شايماردان تىلەۋمبەتوۆ، اكادەميك-عالىم، جازۋشى توقتار بەيىسقۇلوۆ، دارىندى جاس عالىم باۋىرجان نۇراحمەتوۆ، جەزتاڭداي كۇمىس كومەي ءانشى ارايلىم راحىمقىزى سىندى ساڭلاقتار تۇلەگەن ەدى. بۇرىنعى اتى «قارلىعاش». ال سول اۋىلدىڭ قازىرگى كەيپىنە قاراپ وسى ءبىر قۇتتى مەكەندە

«ءالىمجانوۆتار تۇلەگەن» دەپ ايتۋعا مۇلدەم اۋزىڭ بارمايدى.
ەس بىلگەلى ەلدىڭ ورتاسىندا ءجۇرمىن. تۋعان جەرگە بارعان سايىن كوڭىلىم قۇلازىپ قايتامىن، سەبەبى اۋىلداعى 9 جىلدىق مەكتەپتىڭ سالىنعانىنا قىرىق جىلدان استام ۋاقىت بولدى. سودان بەرى بىردە-ءبىر رەت كۇردەلى جوندەۋ كورگەن ەمەس. ءار سىنىپ بولمەسىندە ءبىر-ءبىر جال پەشتەن سالىنعان، قۇددى ءبىر 20-عاسىردىڭ باسى سەكىلدى. شۇرىق-تەسىك شاتىردان جاڭبىر تامشىلاپ، مەكتەپ اكىمشىلىگى قولدارىنداعى شەلەكتى ۇرپاققا ميراس ەتكەندەي ءبىر-بىرىنە بەرىپ، قادىرلەپ-قاستەرلەپ كەلەدى. وتكەن جىلى الماتى وبلىستىق ءبىلىم باسقارماسىنىڭ ءتورايىمى امانوۆا عاليا مۇتانقىزىنا جولىعىپ مەكتەپتىڭ تىنىس-تىرشىلىگىن ءسوز ەتكەن بولاتىنمىن. ول كىسى ارنايى ساپارمەن ءالىمجانوۆ تۇلەگەن ەلدى-مەكەنگە باراتىنىن ايتقاندا توبەم كوككە جەتكەندەي قۋانىپ، ريزا بولعان ەدىم، وتكەندە تىكەلەي قوڭىراۋ شالىپ، «قارلىعاشتىڭ» قالىڭ جۇرتىن قۋانتاتىنداي جايدارلى جاڭالىق ەستيمىن بە دەسەم، تاتەم: «ءسىزدىڭ «قارلىعاشىڭىزعا» جاڭا مەكتەپ سالۋ ازىرگە ءبىزدىڭ جوسپارىمىزعا ەنگەن جوق»،- دەيدى. ايتارعا ءسوز تابا الماي ابدىراپ قالدىمدا: «امانوۆا امان بولىڭىز» دەپ تۇتقانى تاستاي سالدىم.  

بۇرىنعى «قارلىعاش» قازىرگى «ءانۋار» اۋىلىنداعى تاعى ءبىر قيىن حالدە تۇرعان مەكەمە -  «مەدپۋنكت». ءتورت كەرگەگە ءتوندىرىپ شاتىر جابا سالعان بۇل مەكەمەگە ەم الماق تۇگىلى ەمدەلۋگە بارعان ادامنىڭ ءوزى اۋرۋ بولىپ قايتادى. قىستىڭ قاقاعان ايازىندا ىشكى جىلىۋى سىرتپەن تەڭ بولىپ تۇراتىن بۇل عيماراتتىڭ ءىرىپ-ءشىرىپ ىرگەسىنىڭ سوگىلگەنى قاشان -  اۋىلدىڭ دارىگەرى قىسى جازى يىعىنا قارا سومكەسىن اسىپ الىپ ەلدى ۇيىنە بارىپ ەمدەيدى. ءبىر قايىر بولار دەپ وبلىستىق دەنساۋلىق ساقتاۋ باسقارماسىنىڭ باستىعى مەيىربەكوۆ مىرزاعا سوقتىم، «ءبارىن قاتىرامىز» دەگەن ماكەڭ سوڭىندا ۇستاتپاي «اندامىن-مىندامىن» دەپ جاسىرىنباق ويناۋمەن ءجۇر. جارار، ەگەر شىن جىگىت بولسا، ەل ءۇشىن ەڭبەك ەتىپ جۇرسە، بويىنداعى ادامي قاسيەتىن قاستەرلەي السا، ازاماتتىڭ ارىنا قالىڭ جۇرتتىڭ اماناتىن تاپسىرعان بولاتىنمىن.

«ءانۋار» اۋىلىنداعى مادەني وشاق «كلۋبتىڭ»  اۋزىندا قۇلىپ تۇرعانىمەن بۇل عيمارات جۇرتتىڭ ەمەس، يت-مىسىقتىڭ  مەكەنى بولىپ كەتكەن. ونى دا ايعايلاپ، ويبايلاپ قالپىنا كەلتىرگەن بولىپ ەدىك، قازىر توبەسى تەسىلىپ، ومىرىلىپ ورتاسىنا تۇسكەلى تۇر.

مىنە، ءدال وسىلايشا سيقى قاشىپ قۇلدىراۋ شەگىندە تۇرعان اۋىلدا كەشەگى قوعام قايراتكەرى ءانۋار تۇرلىبەكۇلى تۋعان دەگەنگە ادام بالاسى سەنبەيدى. بار كۇشىن، قاجىر-قايراتىن، ءبىلىمى مەن بىلىگىن ەلىنە ارناعان ەسىل ەردىڭ  تىم قۇرىعاندا 80 جىلدىق تورقالى تويىن دا جوعارى دەڭگەيدە اتاپ وتە الماعانىمىز وكىنىشتى. ەگەر قازاق بارىمەن جوعىن تۇگەندەۋگە شىنداپ كىرىسسە، الدىمەن اۋىزىنا ءالىمجانوۆتى الار ەدى. امال نە، بۇل كۇندەرى  ىشتەن تىنۋدان وزگەگە جاراماي تۇرمىز.

اقشولاقتىڭ ەربولى
الماتى وبلىسى،
الاكول اۋدانى،
ءانۋار اۋىلى.

«اباي-اقپارات»