قازاقستان رەسپۋبليكاسى ۇكىمەتىنىڭ 2012 جىلعى 30 ناۋرىزداعى № 385  قاۋلىسىمەن بالا اسىراپ الۋ جونىندەگى اگەنتتىكتەردى اككرەديتتەۋ قاعيدالارى بەكىتىلدى.

***

قازاقستان رەسپۋبليكاسى ۇكىمەتىنىڭ № 385 قاۋلىسى

بالا اسىراپ الۋ جونىندەگى اگەنتتىكتەردى اككرەديتتەۋ قاعيدالارىن بەكىتۋ تۋرالى

«نەكە (ەرلى-زايىپتىلىق) جانە وتباسى تۋرالى» قازاقستان رەسپۋبليكاسىنىڭ 2011 جىلعى 26 جەلتوقسانداعى كودەكسىنىڭ 111-بابىنىڭ 4-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان بالا اسىراپ الۋ جونىندەگى اگەنتتىكتەردى اككرەديتتەۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.

قازاقستان رەسپۋبليكاسى ۇكىمەتىنىڭ 2012 جىلعى 30 ناۋرىزداعى №385 قاۋلىسىمەن بەكىتىلگەن

بالا اسىراپ الۋ جونiندەگi اگەنتتiكتەردi اككرەديتتەۋ قاعيدالارى

قازاقستان رەسپۋبليكاسى ۇكىمەتىنىڭ 2012 جىلعى 30 ناۋرىزداعى № 385  قاۋلىسىمەن بالا اسىراپ الۋ جونىندەگى اگەنتتىكتەردى اككرەديتتەۋ قاعيدالارى بەكىتىلدى.

***

قازاقستان رەسپۋبليكاسى ۇكىمەتىنىڭ № 385 قاۋلىسى

بالا اسىراپ الۋ جونىندەگى اگەنتتىكتەردى اككرەديتتەۋ قاعيدالارىن بەكىتۋ تۋرالى

«نەكە (ەرلى-زايىپتىلىق) جانە وتباسى تۋرالى» قازاقستان رەسپۋبليكاسىنىڭ 2011 جىلعى 26 جەلتوقسانداعى كودەكسىنىڭ 111-بابىنىڭ 4-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان بالا اسىراپ الۋ جونىندەگى اگەنتتىكتەردى اككرەديتتەۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.

قازاقستان رەسپۋبليكاسى ۇكىمەتىنىڭ 2012 جىلعى 30 ناۋرىزداعى №385 قاۋلىسىمەن بەكىتىلگەن

بالا اسىراپ الۋ جونiندەگi اگەنتتiكتەردi اككرەديتتەۋ قاعيدالارى

1. جالپى ەرەجەلەر
1. وسى بالا اسىراپ الۋ جونiندەگi اگەنتتiكتتەردi اككرەديتتەۋ قاعيدالارى «نەكە (ەرلى-زايىپتىلىق) جانە وتباسى تۋرالى» قازاقستان رەسپۋبليكاسىنىڭ 2011 جىلعى 26 جەلتوقسانداعى كودەكسىنىڭ (بۇدان ءارى - كودەكس) 111-بابىنىڭ 4-تارماعىنا سايكەس ازىرلەنگەن جانە قازاقستان رەسپۋبليكاسىنىڭ اۋماعىندا بالا اسىراپ الۋ جونىندەگى قىزمەتتى فيليالدار جانە (نەمەسە) وكىلدىكتەر قۇرۋ جولىمەن جۇزەگە اسىراتىن اگەنتتىكتەردى اككرەديتتەۋ ءتارتىبىن ايقىندايدى.
2. وسى قاعيدالاردا مىناداي ۇعىمدار پايدالانىلادى:
1) اككرەديتتەۋ - قازاقستان رەسپۋبليكاسىنىڭ بالالاردىڭ قۇقىقتارىن قورعاۋ سالاسىنداعى ۋاكىلەتتى ورگانىنىڭ (بۇدان ءارى - ۋاكىلەتتى ورگان) بالا اسىراپ الۋ جونىندەگى اگەنتتىكتەردىڭ ءوز قىزمەتىن جۇزەگە اسىرۋ قۇقىعىن رەسمي تانۋى;
2) بالا اسىراپ الۋ جونiندەگi اگەنتتiكتەر - ءوز مەملەكەتىنىڭ اۋماعىندا بالالاردى اسىراپ الۋ جونىندەگى قىزمەتتى جۇزەگە اسىراتىن جانە كودەكستە بەلگىلەنگەن تارتىپپەن قازاقستان رەسپۋبليكاسىنىڭ اۋماعىندا وسىنداي قىزمەتتى جۇزەگە اسىرۋ ءۇشىن اككرەديتتەلگەن كوممەرتسيالىق ەمەس شەتەلدىك ۇيىمدار.
3. اككرەديتتەۋ تۋرالى ءوتىنىش بەرگەن ساتتە ءوز مەملەكەتىنىڭ اۋماعىندا اتالعان سالادا ءوز قىزمەتىن كەمىندە ون جىل جۇزەگە اسىراتىن بالا اسىراپ الۋ جونىندەگى اگەنتتىكتەر (بۇدان ءارى - اگەنتتىكتەر) اككرەديتتەۋگە جاتادى.
4. اككرەديتتەۋ فيليال جانە (نەمەسە) وكىلدىك ەسەپتىك تىركەلگەنگە دەيىن جۇرگىزىلەدى. اگەنتتىك ءوز فيليالىن جانە (نەمەسە) وكىلدىگىن قازاقستان رەسپۋبليكاسىنىڭ اكىمشىلىك-اۋماقتىق ءبولىنىسىنىڭ بىرىندە قۇرادى.
5. فيليالداردى جانە (نەمەسە) وكىلدىكتەردى ەسەپتىك تىركەۋ قازاقستان رەسپۋبليكاسىنىڭ قولدانىستاعى زاڭناماسىنا سايكەس جۇزەگە اسىرىلادى.
6. ۋاكىلەتتى ورگاننىڭ، جەرگىلىكتى اتقارۋشى ورگانداردىڭ، جەتىم بالالار مەن اتا-انالارىنىڭ قامقورلىعىنسىز قالعان بالالارعا ارنالعان ۇيىمداردىڭ قىزمەتكەرلەرى، ولاردىڭ جۇبايلارىن جانە جاقىن تۋىستارىن قوسا العاندا، فيليالدىڭ جانە (نەمەسە) وكىلدىكتىڭ قىزمەتكەرلەرى بولا المايدى.

2. بالا اسىراپ الۋ جونiندەگi اگەنتتiكتەردi اككرەديتتەۋ ءتارتiبi
7. اگەنتتىكتەردى اككرەديتتەۋ، ونىڭ ىشىندە اككرەديتتەۋدەن باس تارتۋ تۋرالى ماسەلەنى ۋاكىلەتتى ورگان قارايدى.
8. اگەنتتىكتىڭ سەنىم بىلدىرگەن ادامى بالالاردى اسىراپ الۋ جونىندەگى جۇمىستى جۇزەگە اسىرۋ ءۇشىن ۋاكىلەتتى ورگانعا مىناداي قۇجاتتاردى:
1) قۇرىلتاي قۇجاتتارىنىڭ نوتارياتتا كۋالاندىرىلعان كوشىرمەلەرىن;
2) ونىڭ ءتيىستى سالادا قىزمەتتى جۇزەگە اسىرۋعا وكىلەتتىگىن راستايتىن، اگەنتتىك ورنالاسقان مەملەكەتتىڭ قۇزىرەتتى ورگانى بەرگەن قۇجاتتىڭ كوشىرمەسىن;
3) اگەنتتىكتىڭ وكىلەتتىگىن راستايتىن قۇجاتتى بەرگەن نەمەسە اگەنتتىكتىڭ قازاقستان رەسپۋبليكاسىنىڭ اۋماعىندا ءتيىستى قىزمەتتى جۇزەگە اسىرۋ مۇمكىندىگى تۋرالى قىزمەتىنە باقىلاۋدى جۇزەگە اسىراتىن مەملەكەتتىڭ قۇزىرەتتى ورگانىنىڭ ۇسىنىم حاتىن;
4) بالا اسىراپ الۋعا ۇمىتكەرلەرگە اگەنتتىك ۇسىناتىن، قۇنى كورسەتىلەتىن قىزمەتتەردىڭ تىزبەسىن;
5) اسىراپ الىنعان بالالاردىڭ تۇرمىس جاعدايلارى مەن تاربيەسىنە باقىلاۋدى جۇزەگە اسىرۋ جانە بەلگىلەنگەن تارتىپپەن ءتيىستى ەسەپتەر جانە اقپارات بەرۋ جونىندەگى مىندەتتەمەنى;
6) بالا اسىراپ الۋشىلاردىڭ وزدەرى تۇراتىن مەملەكەتكە كەلگەن سوڭ اسىراپ الىنعان بالانىڭ قازاقستان رەسپۋبليكاسىنىڭ كونسۋلدىق مەكەمەسىندە ەسەپكە قويىلۋىن باقىلاۋدى جۇزەگە اسىرۋ جونىندەگى مىندەتتەمەسىن;
7) اگەنتتىكتىڭ سەنىم بىلدىرگەن ادامعا بەرگەن نوتارياتتا كۋالاندىرىلعان سەنىمحاتتى قوسا تىركەي وتىرىپ، ءوتىنىش بەرەدى.
وسى تارماقتىڭ 1), 2), 3), 4) تارماقشالارىندا سانامالانعان قۇجاتتار ولار بەرىلگەن كۇننەن باس­تاپ التى اي بويى جارامدى بولادى.
9. بارلىق ۇسىنىلعان قۇجاتتار قازاقستان رەسپۋبليكاسىنىڭ زاڭناماسىندا جانە قازاقستان رەس­پۋبليكاسى قاتىسۋشىسى بولىپ تابىلاتىن حالىقارالىق شارتتاردا كوزدەلگەن تارتىپپەن زاڭداس­تى­رىلۋعا ءتيىس.
قازاقستان رەسپۋبليكاسىنان تىس جەردە بەرىلگەن قۇجاتتار ءتيىستى شەت مەملەكەتتىڭ مەملەكەتتىك تىلىندە ۇسىنىلادى، سونداي-اق قازاق جانە ورىس تىلدەرىنە اۋدارىلۋعا جاتادى.
10. سەنىم بىلدىرىلگەن ادامنىڭ اككرەديتتەۋ تۋرالى ءوتىنىشىن ۋاكىلەتتى ورگان وسى قاعيدالاردىڭ 8-تارماعىندا كورسەتىلگەن قۇجاتتار ۇسىنىلعان ساتتەن باستاپ كۇنتىزبەلىك وتىز كۇن ىشىندە قارايدى.
11. اگەنتتىكتى اككرەديتتەۋ تۋرالى شەشىمدى ۋاكىلەتتى ورگان ءوز قۇزىرەتى شەگىندە اككرەديتتەۋ مۇمكىندىگى تۋرالى ءتيىستى قورىتىندىلار بەرەتىن سىرتقى ىستەر، ىشكى ىستەر، ادىلەت مينيسترلىكتەرىمەن، دەنساۋلىق ساقتاۋ، حالىقتى الەۋمەتتىك قورعاۋ سالاسىنداعى ۋاكىلەتتى ورگاندارمەن (بۇدان ءارى - مەملەكەتتىك ورگاندار) كەلىسىم بويىنشا قابىلدايدى.
ۋاكىلەتتى ورگان جەتى جۇمىس كۇنى ىشىندە وسى قاعيدالاردىڭ 8-تارماعىندا كورسەتىلگەن قۇجاتتاردى ۋاكىلەتتى ورگاننان قۇجاتتار مەن سۇراۋ سالۋ تۇسكەن ساتتەن باستاپ كۇنتىزبەلىك ون بەس جۇمىس كۇنى ىشىندە اگەنتتىكتىڭ قازاقستان رەسپۋبليكاسىنىڭ اۋماعىندا قىزمەتىن جۇزەگە اسىرۋ مۇمكىندىگى تۋرالى قورىتىندى ۇسىناتىن مەملەكەتتiك ورگاندارعا كەلىسۋ ءۇشىن جولدايدى،
12. اگەنتتىكتى اككرەديتتەۋ تۋرالى شەشىمدى نەمەسە اككرەديتتەۋدەن باس تارتۋدى ۋاكىلەتتى ورگان ول قابىلدانعان كۇننەن باستاپ ون جۇمىس كۇنى ىشىندە بەرەدى، باس تارتىلعان جاعدايدا ونى نەگىزدەيدى.
13. اگەنتتىكتى اككرەديتتەۋ تۋرالى شەشىم جوعالعان كەزدە، وكىل ءتيىستى ءوتىنىش بەرىلگەن كۇننەن باستاپ ون جۇمىس كۇنى ىشىندە ۋاكىلەتتى ورگاندا ونىڭ تەلنۇسقاسىن الادى.
بۇل رەتتە، اگەنتتىكتى اككرەديتتەۋ تۋرالى شەشىم تۇپنۇسقاسىنىڭ كۇشى جويىلدى دەپ تانىلادى.
14. اگەنتتىكتەر ءبىر جىل مەرزىمگە اككرەديتتەلەدى. اگەنتتىكتى اككرەديتتەۋ تۋرالى شەشىم يەلىكتەن شىعارىلمايدى جانە باسقا ادامدارعا بەرۋگە جاتپايدى.
15. اگەنتتىكتى اككرەديتتەۋدەن، ونىڭ قىزمەت مەرزىمىن ۇزارتۋدان جانە (نەمەسە) ونىڭ قىزمەتىن مەرزىمىنەن بۇرىن توقتاتۋدان باس تارتۋ نەگىزدەرى:
1) ۇسىنىلعان قۇجاتتاردىڭ قازاقستان رەسپۋبليكاسىنىڭ زاڭناماسىندا بەلگىلەنگەن تالاپتارعا سايكەس بولماۋى;
2) ءوز قىزمەتى تۋرالى دايەكسىز مالىمەتتەر ۇسىنۋى;
3) اگەنتتىكتىڭ نەمەسە ونىڭ فيليالدارىنىڭ جانە (نەمەسە) وكىلدىكتەرىنىڭ قىزمەتى تۋرالى شەت مەملەكەتتىڭ قۇزىرەتتى ورگاندارىنان، سونداي-اق وسى قاعيدالاردىڭ 11-تارماعىندا كورسەتىلگەن قازاقستان رەسپۋبليكاسىنىڭ مەملەكەتتىك ورگاندارىنان كەلىپ تۇسكەن كەلەڭسىز اقپاراتتىڭ بولۋى;
4) اگەنتتىك ورنالاسقان مەملەكەتتەگى قولايسىز الەۋمەتتىك-ەكونوميكالىق، ساياسي، ەكولوگيالىق احۋال، اسكەري ءىس-قيمىلداردىڭ جۇزەگە اسىرىلۋى;
5) اگەنتتىكتىڭ فيليالى جانە (نەمەسە) وكىلدىگى قىزمەتكەرلەرىنىڭ قازاقستان رەسپۋبليكاسىنىڭ زاڭناماسىن بۇزۋى;
6) اگەنتتىكتىڭ اسىراپ الىنعان بالالاردىڭ تۇرمىس جاعدايلارى مەن تاربيەسىن باقىلاۋ جانە زاڭنامادا بەلگىلەنگەن تارتىپپەن ءتيىستى ەسەپتەر جانە اقپارات بەرۋ جونىندەگى ءوز مىندەتتەمەلەرىن بۇزۋى;
7) اگەنتتىكتىڭ اسىراپ الىنعان بالانىڭ زاڭنامادا بەلگىلەنگەن تارتىپپەن قازاقستان رەسپۋبليكاسىنىڭ كونسۋلدىق مەكەمەسىندە ەسەپكە قويىلۋىن باقىلاۋدى جۇزەگە اسىرۋ جونىندەگى ءوز مىندەتتەمەلەرىن بۇزۋى;
8) اگەنتتىكتىڭ ءوز مەملەكەتى اۋماعىندا قىزمەتىنىڭ توقتاتىلۋى بولىپ تابىلادى.
16. ءوز قىزمەتىن اككرەديتتەۋدەن باس تارتۋ تۋرالى شەشىمدى العان اگەنتتىك ۋاكىلەتتى ورگانعا التى اي وتكەن سوڭ قايتادان جۇگىنەدى.

3. فيليالداردىڭ جانە (نەمەسە) وكىلدىكتەردىڭ قىزمەتىن ۇزارتۋ،
توقتاتا تۇرۋ جانە (نەمەسە) مەرزىمىنەن بۇرىن توقتاتۋ
17. اگەنتتىكتى اككرەديتتەۋ مەرزىمىن ۇزارتۋ ءۇشىن ول اككرەديتتەۋ مەرزىمى وتكەنگە دەيىن كۇنتىزبەلىك وتىز كۇننەن كەشىكتىرمەي ۋاكىلەتتى ورگانعا مەرزىمدى ۇزارتۋ تۋرالى ءوتىنىش بەرەدى.
اگەنتتىكتى اككرەديتتەۋ مەرزىمىن ۇزارتۋ تۋرالى ءوتىنىشتى ۋاكىلەتتى ورگان ءوتىنىشتى قابىلداعان كۇننەن باستاپ ون جۇمىس كۇنى ىشىندە قارايدى. اگەنتتىكتى اككرەديتتەۋ مەرزىمىن ۇزارتۋ نە ۇزارتۋدان باس تارتۋ تۋرالى دالەلدى شەشىمدى ۋاكىلەتتى ورگان قابىلداپ، اگەنتتىكتىڭ فيليالىنا جانە (نەمەسە) وكىلدىگىنە شەشىم قابىلدانعان كۇننەن باستاپ بەس جۇمىس كۇنى ىشىندە جىبەرەدى.
18. ەگەر ولار اگەنتتىكتى العاشقى اككرەديتتەۋدەن كەيىن ءبىر جىل ىشىندە قازاقستان رەسپۋبليكاسىنىڭ زاڭناماسىندا بەلگىلەنگەن بارلىق تالاپتاردى ساقتاعان بولسا، وسى قاعيدالاردىڭ 14-تارماعىندا كوزدەلگەن مەرزىم وتكەن سوڭ اككرەديتتەۋ مەرزىمى وزدىگىنەن ۇزارتىلادى.
19. ۋاكىلەتتى ورگان:
1) كودەكستىڭ جانە وسى قاعيدالاردىڭ نورمالارى ساقتالماعان;
2) ۋاكىلەتتى ورگانعا جانە (نەمەسە) وزگە دە مەملەكەتتىك ورگاندارعا فيليالدىڭ جانە (نەمەسە) وكىلدىكتىڭ قىزمەتىنە نەگىزدەلىپ شاعىمدار جاسالعان جاعدايدا، اگەنتتىكتى اككرەديتتەۋ تۋرالى شەشىمنىڭ قولدانىلۋىن توقتاتا تۇرادى.
20. اگەنتتىكتى اككرەديتتەۋ تۋرالى شەشىمنىڭ قولدانىلۋىن توقتاتا تۇرۋعا اكەپ سوققان بۇزۋشىلىقتار ءبىر اي ىشىندە جويىلعان كەزدە ۋاكىلەتتى ورگان ونى قايتادان قولدانىسقا ەنگىزەدى.
ەگەر اگەنتتىك قىزمەتىن توقتاتا تۇرۋعا اكەپ سوققان بۇزۋشىلىقتار ء(مان-جايلار) بەلگىلەنگەن مەرزىمدە جويىلماسا، ۋاكىلەتتى ورگان اگەنتتىك قىزمەتىن توقتاتۋ تۋرالى شەشىم قابىلدايدى.
21. فيليالدىڭ جانە (نەمەسە) وكىلدىكتىڭ قىزمەتىن مەرزىمىنەن بۇرىن توقتاتۋ، ونىڭ قىزمەتىن ۇزارتۋ تۋرالى شەشىمدى ۋاكىلەتتى ورگان نەگىزدەلىپ قابىلدانعان كۇننەن باستاپ ون جۇمىس كۇنى ىشىندە قابىلدايدى.
22. فيليالدىڭ جانە (نەمەسە) وكىلدىكتىڭ قىزمەتى مىناداي جاعدايلاردا:
1) بالالاردى اسىراپ الۋ جونىندەگى قىزمەتىن اگەنتتىكتىڭ قۇرىلتاي قۇجاتتارىنا سايكەس جۇزەگە اسىرماسا;
2) اگەنتتىكتى اككرەديتتەۋ تۋرالى شەشىمنىڭ قولدانىلۋىن توقتاتا تۇرۋعا اكەپ سوققان بۇزۋشىلىقتاردى ءبىر اي ىشىندە جويماسا;
3) فيليال جانە (نەمەسە) وكىلدىك قىزمەتىن توقتاتۋ تۋرالى ءوتىنىش بەرسە;
4) اگەنتتىكتى اككرەديتتەۋ تۋرالى شەشىمنىڭ قولدانىلۋ مەرزىمى وتسە جانە اككرەديتتەۋ مەرزىمىن جاڭا مەرزىمگە ۇزارتۋ مۇمكىن بولماسا توقتاتىلادى.
23. اگەنتتىك فيليالىنىڭ جانە (نەمەسە) وكىلدىگىنىڭ قىزمەتىن توقتاتۋ ماسەلەلەرىن ۋاكىلەتتى ورگان وسى قاعيدالاردىڭ 22-تارماعىندا كورسەتiلگەن ءمان-جايلار انىقتالعان (تۋىنداعان) كۇننەن باستاپ ون جۇمىس كۇنى ىشىندە قارايدى.
24. قىزمەتىن توقتاتا تۇرۋ نەمەسە توقتاتۋ تۋرالى دالەلدى شەشىم قابىلدانعاننان كەيىن ۋاكىلەتتى ورگان فيليالدى جانە (نەمەسە) وكىلدىكتى بەس جۇمىس كۇنى ىشىندە حاباردار ەتەدى.
25. فيليالدىڭ جانە (نەمەسە) وكىلدىكتىڭ قىزمەتىن توقتاتا تۇرۋ نەمەسە مەرزىمىنەن بۇرىن توقتاتۋ تۋرالى دالەلدى شەشىم ونى بۇقارالىق اقپارات قۇرالدارىندا ورنالاستىرۋ ارقىلى ءتيىستى اكىمشىلىك-اۋماقتىق ءبولىنىستىڭ اۋماعىندا تاراتىلادى.
26. اگەنتتىك باسشىسىنىڭ تەگى، اتى، اكەسىنىڭ اتى جانە (نەمەسە) زاڭدى تۇلعانىڭ اتاۋى، ۇيىمدىق-قۇقىقتىق نىسانى وزگەرگەن جاعدايدا اككرەديتتەلگەن اگەنتتiكتەر اككرەديتتەۋ تۋرالى شەشىمدى قايتا رەسىمدەۋ تۋرالى ۋاكىلەتتى ورگانعا كورسەتىلگەن مالىمەتتەردى راستايتىن قۇجاتتاردى جانە وسى قاعيدالاردىڭ 8-تارماعىندا كورسەتىلگەن قۇجاتتاردى قوسا وتىرىپ ءوتىنىش بەرەدى.
27. ۋاكىلەتتى ورگان ءتيىستى جازباشا ءوتىنىش تۇسكەن كۇننەن باستاپ بەس جۇمىس كۇنى ىشىندە اگەنتتiكتەردى اككرەديتتەۋ تۋرالى شەشىمدى قايتا رەسىمدەيدى.
بۇل رەتتە، اگەنتتiكتەردى اككرەديتتەۋ تۋرالى بۇرىن بەرىلگەن شەشىمنىڭ كۇشى جويىلدى دەپ تانىلادى جانە ۋاكىلەتتى ورگانعا اككرەديتتەلگەن اگەنتتiكتەردىڭ دەرەكتەر بانكىسىنە ءتيىستى اقپارات ەنگىزىلە وتىرىپ قايتارىلادى.

قازاقپارات