"قازاقستان حالىق پارتياسىنىڭ" دەپۋتاتتارى مۇمكىندىگى شەكتەۋلى قازاقستاندىقتارعا زەينەت جاسىن تومەندەتۋ بويىنشا ۇسىنىس جاسادى. ولار ءوز ۇسىنىستارىن پرەمەر-ءمينيستردىڭ ورىنباسارى ەرالى تۇعجانوۆقا جولداعان.

دەپۋتات ەرلان سمايىلوۆتىڭ سوزىنشە ەلىمىزدە 600 مىڭ مۇمكىندىگى شەكتەۋلى جان بار. ولاردىڭ 85,5 مىڭى جۇمىس ىستەيدى. جۇمىس ىستەيتىندەردىڭ ىشىندە 3 توپتاعى جاندار سانى 62 مىڭ، 2 توپتاعى جاندار سانى 18 مىڭ، ال 1 توپتاعىلار سانى 2300 ادامدى قۇرايدى.

دەپۋتاتتار مۇمكىندىگى شەكتەۋلى جاندار ءۇشىن 63 جاسقا دەيىن جۇمىس ىستەۋ قيىن ەكەنىن ايقان.

"ارينە زەينەت جاسىن تومەندەتۋ ءار ادام بويىنشا جەكە قارالۋى كەرەك. دياگنوزى، دەنساۋلىق جاعدايى، توپ سانىن ەسكەرگەن ءجون. الايدا مۇمكىندىگى شەكتەۋلى جاندار ءۇشىن زەينەت جاسى ورتا ەسەپپەن 55 جاس بولۋى كەرەك دەپ ويلايمىن", - دەيدى دەپۋتات.

Abai.kz