الماتى قالاسىنىڭ بيۋدجەتىنە «سەرگەك» كامەرالارىنان 2020 جىلدىڭ قاڭتارىنان باستاپ جەتى ملرد تەڭگە ءتۇستى. بۇل تۋرالى قالالىق موبيلدىلىك باسقارماسىنىڭ باستىعى ەرنۇر ابجاحان قالالىق ءماسليحاتتىڭ كەزەكتەن تىس IV سەسسياسىندا ايتتى.

 ەرنۇر ءابجاحاننىڭ ايتۋىنشا، بۇگىنگى كۇنى قالادا 2284 «سەرگەك» بەينە-باقىلاۋ كامەراسى جۇمىس ىستەپ تۇر.

- 2020 جىلدىڭ قورتىندىسى بويىنشا، جولداعى ءولىم-ءجىتىم 48%، جول-كولىك وقيعالارى 29%، جاراقات العان ادامدارمەن بولعان جول-كولىك وقيعالارى 30% تومەندەدى. 16 ايدا قالا بيۋدجەتىنە 7 ميلليارد تەڭگە ءتۇستى, - دەدى سپيكەر.

ونىڭ ايتۋىنشا، «سەرگەك» جۇيەسى جول ەرەجەلەرىن بۇزۋشىلاردى انىقتاۋعا مۇمكىندىك بەردى. ماس كۇيىندە كولىك قۇرالىن باسقارعانى ءۇشىن 25 بۇزۋشى، جالعان مەملەكەتتىك تىركەۋ بەلگىلەرى بار 9 بۇزۋشى، جول ەرەجەسىن تۇراقتى بۇزۋشىلار انىقتالدى. جالپى، 144,6 ملن تەڭگە سوماسىنا 11 مىڭعا جۋىق ۇيعارىم شىعارىلدى.

«سونداي-اق، ادىلەت جانە مەملەكەتتىك كىرىستەر دەپارتامەنتىمەن بىرگە سالىق بەرەشەگى بار جانە 1,2 ملرد تەڭگەگە اليمەنت تولەۋدەن جالتاراتىن تۇلعالار انىقتالدى. مۇنداي بورىشكەرلەردىڭ 23 كولىگى قارىزدى تولەۋگە دەيىن مامانداندىرىلعان ايىپپۇل تۇراقتارىنا ورنالاستىرىلدى»,-دەيدى سپيكەر.

Abai.kz