رەسەي پرەزيدەنتى ۆلاديمير پۋتين مەن ونىڭ قىرعىزستاندىق ارىپتەسى سادىر جاپاروۆ 24 مامىردا سوچيدە كەلىسسوزدەر وتكىزەدى. 

تالقىلاۋعا ارنالعان نەگىزگى تاقىرىپتاردىڭ ىشىندە ەكىجاقتى كۇن تارتىبىندەگى ماسەلەلەر جانە قىرعىزستان مەن تاجىكستان شەكاراسىنداعى جاعدايدىڭ ۋشىعۋى بولماق.

بۇل ەكى ەل باسشىلارىنىڭ ەكىنشى كەزدەسۋى. سوڭعى رەت ولار ءۇش اي بۇرىن، 24 اقپاندا ماسكەۋدە كەزدەسكەن ەدى.

كرەملدىڭ ءباسپاسوز قىزمەتى وسى كەلىسسوزدەر بارىسىندا مەملەكەت باسشىلارىنىڭ ستراتەگيالىق سەرىكتەستىك پەن وداقتاستىقتىڭ، سونداي-اق ەۋرازيالىق كەڭىستىكتەگى ينتەگراتسيالىق بىرلەستىكتەر شەڭبەرىندەگى ءوزارا ءىس-قيمىلدىڭ ءارى قارايعى دامۋىن قاراستىرۋدى جوسپارلاپ وتىرعانى تۋرالى حابارلادى.

Abai.kz