بۇگىندە تەلەارنالارىمىزدان قازاق مۋلتفيلمدەرىن تابا المايمىز. ءبارى شەت ەلدىكى. «نەگە ولاي؟» دەگەن سۇراق تۋىندايدى. اتالارىمىز: «ەل بولام دەسەڭ - بەسىگىڭدى تۇزە»، - دەپتى. سوندا وسى ءسوزدىڭ توركىنىنە ءالى بارا الماعانىمىز با؟..

ەلىمىز تاۋەلسىزدىگىن الىپ، اياعىنان نىق تۇرىپ، العا قاراي قارىمدى قادام باسۋدا. تاۋەلسىزدىگىمىزدىڭ العاشقى جىلدارىن قازىرگىمەن سالىستىرساق،  جەر مەن كوكتەي. تاۋبە.

ەندى ءال-اۋقاتىمىز دۇرىستالعان كەزدە رۋحاني سالاعا باسىمدىق بەرەتىن كەز كەلدى ەمەس پە؟ ول جاعىنان دا اتقارىلىپ جاتقان ىستەر بارشىلىق. بىراق ءبىزدىڭ ەلدەگى اقپارات كوزدەرىنە ۇڭىلسەڭ، سونىڭ ءبارى جەلگە ۇشىپ جاتقان جوق پا دەپ سەكەم الاسىڭ. ءبىز ەرەسەكتەر تاڭداپ، تالعاپ كورەتىندەي مۇمكىندىگىمىز بار. ال جاستار مەن جاسوسپىرىمدەر شە؟ ولارعا نە كورسەتىلەدى - سونى كورەدى. نە تىڭدايدى، سونى بويىنا سىڭىرەدى.

وتكەندە ءبىر گازەتتەن وقىدىم. وندا رەسەيدىڭ ىشكى ىستەر ءمينيسترى «قىلمىستى ازايتۋ ءۇشىن ونىڭ ءتۇپ تامىرىنا ءۇڭىلۋ قاجەت. بالالارعا باياعى تاربيەلىك مۋلتفيلمدەرىمىزدى كوپتەپ كورسەتۋ كەرەك»، - دەپتى.

مىنە، ىشكى ىستەردىڭ وكىلى ايتىپ وتىر! ال ءبىزدىڭ بالالارعا قازىر نە كورسەتىپ جاتىرمىز؟ سودان كەيىن ءبىز قالايشا ولاردان ەلجاندىلىقتى، مەيىرىمدىلىكتى، ۇلتتىق رۋحىمىزدى تالاپ ەتەمىز.

بۇگىندە تەلەارنالارىمىزدان قازاق مۋلتفيلمدەرىن تابا المايمىز. ءبارى شەت ەلدىكى. «نەگە ولاي؟» دەگەن سۇراق تۋىندايدى. اتالارىمىز: «ەل بولام دەسەڭ - بەسىگىڭدى تۇزە»، - دەپتى. سوندا وسى ءسوزدىڭ توركىنىنە ءالى بارا الماعانىمىز با؟..

ەلىمىز تاۋەلسىزدىگىن الىپ، اياعىنان نىق تۇرىپ، العا قاراي قارىمدى قادام باسۋدا. تاۋەلسىزدىگىمىزدىڭ العاشقى جىلدارىن قازىرگىمەن سالىستىرساق،  جەر مەن كوكتەي. تاۋبە.

ەندى ءال-اۋقاتىمىز دۇرىستالعان كەزدە رۋحاني سالاعا باسىمدىق بەرەتىن كەز كەلدى ەمەس پە؟ ول جاعىنان دا اتقارىلىپ جاتقان ىستەر بارشىلىق. بىراق ءبىزدىڭ ەلدەگى اقپارات كوزدەرىنە ۇڭىلسەڭ، سونىڭ ءبارى جەلگە ۇشىپ جاتقان جوق پا دەپ سەكەم الاسىڭ. ءبىز ەرەسەكتەر تاڭداپ، تالعاپ كورەتىندەي مۇمكىندىگىمىز بار. ال جاستار مەن جاسوسپىرىمدەر شە؟ ولارعا نە كورسەتىلەدى - سونى كورەدى. نە تىڭدايدى، سونى بويىنا سىڭىرەدى.

وتكەندە ءبىر گازەتتەن وقىدىم. وندا رەسەيدىڭ ىشكى ىستەر ءمينيسترى «قىلمىستى ازايتۋ ءۇشىن ونىڭ ءتۇپ تامىرىنا ءۇڭىلۋ قاجەت. بالالارعا باياعى تاربيەلىك مۋلتفيلمدەرىمىزدى كوپتەپ كورسەتۋ كەرەك»، - دەپتى.

مىنە، ىشكى ىستەردىڭ وكىلى ايتىپ وتىر! ال ءبىزدىڭ بالالارعا قازىر نە كورسەتىپ جاتىرمىز؟ سودان كەيىن ءبىز قالايشا ولاردان ەلجاندىلىقتى، مەيىرىمدىلىكتى، ۇلتتىق رۋحىمىزدى تالاپ ەتەمىز.

كەيدە كۇيكى تىرلىكتەن شارشاپ، جانىڭا پانا ىزدەپ شاڭىراعىڭا كەلسەڭ، الدىڭان بالالارىڭ جۇگىرىپ شىعىپ، «اكە، مەن - چەلوۆەك-پاۋك»، «مەن - بەتمەن» دەپ ءتىپتى سول كەيىپكەرلەردىڭ وزگە تىلدە ايتىلعان سوزدەرىن قايتالاپ، قارسى العاندا كوڭىلىڭ ونان بەتەر قۇلازيدى. ەرىكسىز ويعا كەتەسىڭ... ءبىز بالالارىمىزدى كىمگە اينالدىرىپ جاتىرمىز؟ نەگە بولاشاعىمىزعا كوپە-كورىنەۋ وسىنداي قيانات جاسايمىز؟ ءبىز ءوز ەركىمىز وزىمىزدە، بولاشاعىمىزدى ءوزىمىز جوسپارلايتىن ەل ەمەسپىز بە؟

بۇگىن باسقا رۋحتىڭ، باسقا قۇندىلىقتاردىڭ جەتەگىندە ءجۇرىپ قالىپتاسقان بالانى ەرتەڭ وزگەرتۋ كەش. ءوزىمىزدىڭ ۇلتتىق تاربيەمىزدى، ءتىلىمىزدى، بولمىسىمىزدى سىڭىرەتىن قازاق مۋلتفيلمدەرىن كوپتەپ شىعاراتىن كەز الدەقاشان ءوتتى. ەشتەن كەش جاقسى. ەندى ىسكە كىرىسەتىن كەز كەلدى عوي.

جوعارىداعى ازاماتتار وسىعان بايلانىستى تەز ارادا قيمىل جاساماسا، بۇگىنگى جوعالتقان ءاربىر جىلىمىز كەلەشەكتە عاسىرلارعا تەڭ بولارى انىق. كول تامشىدان تۇرادى دەگەندەي بۇگىننەن باستاپ مۋلتفيلمدەرىمىزدى كوپتەپ جاساي بەرسەك، ءبىراز جىلدا تەك ءوز ونىمدەرىمىزدى كورسەتەتىن دارەجەگە جەتەمىز. بۇل ماسەلەگە ەندى جۇرت بولىپ كىرىسىپ، ەل باسقارىپ وتىرعان ازاماتتاردان تەز ارادا قولعا الۋدى سۇراۋىمىز قاجەت.

تاسبولات  جەتپىس،

ۇستاز

"حالىق ءسوزى" گازەتى