الەم جۇرتشىلىعى 1932 جىلعى اشارشىلىقتى قازاق ۇلتىنا قاساقانا جاسالعان گەنوتسيد دەپ مويىنداماي ء(وزىمىز مويىنداتپاي), قازاقتى تەسپەي سورىپ وتىرعان ماشكەۆيچتى ءۇش ميلليون الاشتىڭ تۇبىنە جەتكەن گولوششەكيننىڭ نەمەرەسى دەپ تانىپ، ەلىمىزدىڭ جەر استى، جەر ءۇستى بايلىعىن اياۋسىز توناۋدان الاستاتپاي ءبارى بەكەر، قازاعىم.

ەگەر ءبىز قازاقستاندى وتىز جىل بويى جىرتقىشتىقپەن توناعان ماشكەۆيچتى سوتقا تارتىپ، اتاسى گولوششەكين قازاقتىڭ داۋلەتتىلەرىن قالاي كامپەسكەلەسە، سول بايلاردىڭ امان قالعان تۇقىمدارى ماشكەۆيچتى تۋرا سولاي كامپەسكەلەپ كەك الماي، جىل سايىن قۋعىن-سۇرگىن قۇرباندارىن قۇر وسىلاي ەسكە الۋمەن ءومىرىمىز وكسىمەك

مۇنداي قاندىقول قاراقشى جەندەتتىڭ جيەنىن جەتپىس جىلدان سوڭ، قايتا تورگە شىعارىپ مەملەكەت بايلىعىن ەسەپسىز توناتىپ قويۋ – ەشبىر ەلدىڭ تاريحىندا بولماعان شەتىن جاعداي.

وسىنىڭ ءوزى – قازاقتىڭ ءالى ۇلتتىق ساناعا كوتەرىلە الماعانىن، كوتەرىلسە دە كەيىنگى وتىز جىلدا قايتا كەرى كەتكەن، رۋلىق-تايپالىق سانادا قالىپ قويعان قور ۇلت ەكەنىن ايگىلەيدى.

"قاس جاماننىڭ بەلگىسى اكەسىن ولتىرگەنمەن دوس بولار" دەيدى قازاق. وسى ءبىر اۋىز سوزگە قازاقتىڭ سوڭعى ءبىر عاسىر بويى تارتقان ازابى مەن مازاعى قاتار سىيىپ كەتىپ تۇرعان جوق پا؟!

قۇي مويىندايىق، قۇي مويىندامايىق، ءبىز – نامىسى ولگەن ۇلتپىز ايتپەسە، قاندىقول جەندەتتىڭ تۋعان جيەنىن وتىز جىل بوي توبەمىزگە تايراڭداتىپ قويماس ەدىك قوي؟!

ەرلان تولەۋتاي

Abai.kz