"سك-فارماتسيا" ءوز قىزمەتكەرلەرىنە بيىل 179 ميلليون تەڭگەگە سىياقى بەرەدى. كومپانيانىڭ باسقارما توراعاسى ەرحات ەسقاليەۆتىڭ ايتۋىنشا، ولاردى ۇيىمنىڭ قىزمەتكەرلەرى عانا الادى. ديرەكتورلار كەڭەسىنىڭ مۇشەلەرى ءۇشىن سىياقى جۇيەسى قاراستىرىلماعان.

سوندايا-اق، وتكەن جىلى كومپانيا شىعىنداردى وڭتايلاندىرۋدى باستاپ، ناتيجەسىندە 239 ميلليون تەڭگەنى ۇنەمدەۋگە قول جەتكىزگەن.

"بايلانىس قىزمەتتەرىنە شىعىندار ازايتىلدى. ءبىز  جوندەۋ جۇمىستارىنا، سوت ىسىنە جانە انىقتامالىق قىزمەتتەرگە كەتكەن شىعىنداردى تولىعىمەن الىپ تاستادىق. ءۇي-جايدى جالعا الۋ ءۇشىن ءبىز ونىڭ قۇنىن 7000-نان 5990 تەڭگەگە دەيىن تومەندەتتىك - بۇل، نەگىزىنەن نارىقتىق باعا", - دەپ تولىقتىردى كومپانيا باسشىسى.

كومپانيا باسشىسى اي سايىن قولىنا الاتىن ايلىعىنىڭ مولشەرى ميلليون تەڭگەگە جەتپەيتىنىن دە اتاپ ءوتتى.

Abai.kz