قر تاۋەلسىزدىگىنىڭ 30 جىلدىعىنا وراي قاراعاندى وبلىسى اكىمدىگى مادەنيەت، ارحيۆتەر جانە قۇجاتتاما باسقارماسىنىڭ قولداۋىمەن «مادەنيەت پورتالى» اقپاراتتىق اگەنتتىگىندە تۇڭعىش رەت وتكىزىپ جاتقان «تاۋەلسىزدىك: ءسوز بەن سۋرەت» اتتى اقىندار مەن سۋرەتشىلەر اراسىنداعى رەسپۋبليكالىق ونلاين-بايقاۋىنىڭ ءى كەزەڭىندەگى جەڭىمپازدار انىقتالدى. 

ەكى ايعا سوزىلعان دوداعا 101 سۋرەتشى، 300  استام كارتينا كەلىپ ءتۇستى. سولاردىڭ ىشىندە 8 سۋرەتشى ۇزدىكتەر قاتارىنان تابىلدى. ولار:

ارشىن قابىلبەك (شاحتەر)

ومىرزاق رىستان (ۇرپاق قورعانى)

تولقىن تالاپبەك (كوسەم)

داۋرەنبەك بەكنازار (كوكەيكەستى)

راحات ساپارالينوۆا (تاس تىنىسى)

امانات نازارقۇل (ۇلى دالا كارديوگرامماسى)

سەرىكجان ىسقاقبەك (قوياندى جارمەڭكەسى)

قۇمار ومارحان «اقسەلەۋ سەيدىمبەك»

ايتا كەتەيىك، جەڭىمپاز 8 سۋرەت بويىنشا بايقاۋدىڭ ءىى كەزەڭى جالعاسادى. ول كەزەڭدە اقىندار جەڭىمپاز اتانعان سۋرەتشىلەر سالعان ۇزدىك 8 سۋرەتتىڭ بىرەۋىن تاڭداپ، سول سۋرەت تۋرالى 1 پوەزيالىق شىعارماسىن (ولەڭىن) جولداۋ ارقىلى قاتىسا الادى.

بايقاۋدىڭ اقىندارعا ارنالعان 2-كەزەڭى 26.06.2021 – 26.07.2021 ارالىعىندا وتەدى.

2-كەزەڭ بويىنشا قازىلار القاسىنىڭ قورىتىندى شىعارۋ مەرزىمى 26.07.2021 - 01.08.2021. قازىلار القاسىنىڭ باعالاۋ كەزەڭى «مادەنيەت پورتالىندا» ونلاين تۇردە بولادى.

جەڭىمپاز اقىن مەن سۋرەتشى شىعارمالارىنان ارنايى ءۇش تىلدە (قازاق، ورىس جانە اعالشىن) البوم دايىندالادى. البوم ساپالى، ءتۇرلى-ءتۇستى سۋرەتتەرمەن بەزەندىرىلىپ، ارنايى تۇسىرىلگەن بەينە روليكتەرگە سىلتەمە بەرىلگەن QR-كودتارمەن جارىق كورەدى.

نەگىزگى شارت بويىنشا پوەزيا مەن سۋرەتتە ۇندەسكەن دۋەت-ۇمىتكەرلەر «تاۋەلسىزدىك: ءسوز بەن سۋرەت» قورىتىندى مادەني كەشىنە الدىن الا شاقىرتىلادى.

Abai.kz