تاجىكستان پرەزيدەنتى ەمومالي راحمون رەسەي پرەزيدەنتى ۆلاديمير پۋتينمەن تەلەفون ارقىلى سويلەستى. بۇل تۋرالى تاجىكستان پرەزيدەنتىنىڭ سايتى حابارلادى.

اڭگىمە بارىسىندا ەكى مەملەكەت باسشىلارى حالىقارالىق جانە ايماقتىق كۇن تارتىبىندەگى وزەكتى ماسەلەلەردى تالقىلادى.

اۋعانستانداعى اسكەري-ساياسي جاعدايدىڭ كۇرت شيەلەنىسۋىنە ەرەكشە نازار اۋدارىلدى.پرەزيدەنتتەر اۋعانستاننىڭ سولتۇستىك جانە سولتۇستىك-شىعىس پروۆينتسيالارىنداعى، تاجىكستانمەن جانە باسقا ورتالىق ازيا ەلدەرىمەن شەكارالاس قازىرگى جاعدايدى تالقىلادى.

«مەملەكەت باسشىلارى تاجىك-اۋعان شەكاراسىنىڭ ۇجىمدىق قاۋىپسىزدىك تۋرالى شارت ۇيىمى مەن تاۋەلسىز مەملەكەتتەر دوستاستىعىنىڭ وڭتۇستىك شەكارالارىنىڭ قاۋىپسىزدىگى ءۇشىن ستراتەگيالىق ماڭىزى بار ەكەنىن اتاپ ءوتتى»، - دەلىنگەن حابارلامادا.

ەلدەردىڭ باسشىلارى تاجىك-اۋعان شەكاراسىن قورعاۋدى كۇشەيتۋ، سونداي-اق وسىعان بايلانىستى تاجىكستان شەكاراشىلارىنا ماتەريالدىق-تەحنيكالىق  كومەك كورسەتۋ ماسەلەلەرىن تالقىلادى.

Abai.kz