اۋعانستاننان كەلگەن مىڭنان استام بوسقىن تاجىكستاننىڭ تاۋلى-باداحشان اۆتونوميالىق اۋدانىندا ورنالاستىرىلدى دەپ حابارلادى 7 شىلدەدە وبلىستىق اكىمشىلىكتىڭ ءباسپاسوز قىزمەتى. قاۋىپسىزدىك ماقساتىندا بوسقىنداردىڭ قايدا ەكەندىگى ايتىلمادى.

ايماق باسشىسى ەدگور فايزوۆتىڭ تاجىكستانداعى بۇۇ-نىڭ بوسقىندار ءىسى جونىندەگى جوعارعى كوميسسارىنىڭ، بۇۇ قاۋىپسىزدىك بيۋروسىنىڭ، تاجىكستانداعى بۇۇ تۇراقتى ۇيلەستىرۋشىسى كەڭسەسىنىڭ جانە اگا حان قىزمەتىنىڭ وكىلدەرىمەن كەزدەسۋىندە وبلىستىق اكىمشىلىككە ريزاشىلىق ءبىلدىرىلدى.

كەزدەسۋ بارىسىندا حالىقارالىق ۇيىمداردىڭ وكىلدەرى تاجىكستاندى وسى يگى ىستە قولدايتىندىقتارىن مالىمدەدى.

قاۋىپسىزدىك ماقساتىندا تاۋلى-باداحشان بيلىگى بوسقىنداردىڭ ناقتى سانىن ءالى ايتقان جوق. بۇل ازاماتتىق بوسقىندار تۋرالى ءبىرىنشى حابارلاما. بۇعان دەيىن تەك تاجىكستان شەكاراسىنان وتكەن اسكەريلەر تۋرالى حابارلانعان ەدى.

Abai.kz