ەۋروپالىق وداق ۇلىبريتانيا قاۋىمداستىقتان شىعۋ ءۇشىن شامامەن 47,5 ميلليارد ەۋرو تولەۋى كەرەك دەپ ەسەپتەيدى.

بۇل تۋرالى بەيسەنبى كۇنى يرلانديالىق RTE تەلەارناسى ەو-نىڭ 2020 جىلعا ارنالعان شوعىرلاندىرىلعان بيۋدجەتى تۋرالى الدىن-الا ەسەپكە سىلتەمە جاساي وتىرىپ حابارلادى.

ءBrexitتىڭ ناتيجەسىندە ەۋروپالىق وداققا بەلگىلى ءبىر سومانى تولەۋ بويىنشا ۇلىبريتانيانىڭ مىندەتتەمەلەرى سوڭعى كەلىسىمنىڭ بىرقاتار باپتارىندا قامتىلعان. تولەۋگە جاتاتىن سومانى ەسەپتەۋ مەحانيزمى بويىنشا ىمىراعا 2017 جىلدىڭ جەلتوقسانىندا قول جەتكىزىلدى. بريتانيا بيلىگى بۇل سومانى 35-39 ميلليارد فۋنت ستەرلينگكە باعالادى (سول كەزدەگى 50 ميلليارد دوللاردان ءسال از).

تەلەارنا 6,8 ميلليارد ەۋرو كولەمىندەگى العاشقى ترانشتى لوندون كەلەسى جىلى ەو-عا جىبەرەدى دەپ مالىمدەدى. بارلىق تولەمدەر بىرنەشە ونجىلدىقتارعا بولىنەدى. ۇلىبريتانيا ەۋروپالىق وداقتان رەسمي تۇردە 2021 جىلدىڭ 1 قاڭتارىندا شىققان ەدى.

Abai.kz