اۋعانستاننىڭ تۇركىمەنستانمەن شەكارالاساتىن گەرات جانە بادگيس ايماعىندا تالىپتەر مەن اۋعان جاساقتارى اراسىندا كەسكىلەسكەن ۇرىس ءجۇرىپ جاتىر. بۇل تۋرالى تۇركىمەن باق-تارى حابارلادى. 

ۇرىس 7 شىلدەدە باستالدى جانە بادگيس پروۆينتسياسىنىڭ اكىمشىلىك ورتالىعى كالاي-ناۋ قالاسىنىڭ بىرقاتار اۋداندارىندا ءالى كۇنگە دەيىن جالعاسۋدا. پوليتسيا ورتالىعى، اسكەري بازا جانە ۇلتتىق قاۋىپسىزدىك ديرەكتسياسى شتابى جانىندا قاقتىعىستار بولىپ جاتىر. اۋعانستان اسكەري كۇشتەرى بادگيسكە ارنايى جاساقتاردى كىرگىزگەن.

سوڭعى مالىمەتتەر بويىنشا كالاي-ناۋدا 69 ءتالىپ ءولتىرىلىپ، 23-ءى جارالانعان. اۋعانستاننىڭ باسقا پروۆينتسيالارىندا سوڭعى تاۋلىكتە 107 تاليبان لاڭكەستەرى ءولتىرىلىپ، 58-ءى جارالاندى دەپ حابارلادى اۋعانستان قورعانىس مينيسترلىگى.

Abai.kz