بۇگىن مەملەكەت باسشىسىنىڭ جارلىعىمەن اۋىلشارۋاشىلىعى ءمينيسترى ساپارحان وماروۆ قىزمەتىنەن الىندى. ال، وماروۆتىڭ ورنىن ۋاقىتشا ەربول قاراشوكەەۆ اتقاراتىن بولادى.

«قر ۇكىمەتىنىڭ قاۋلىسىمەن ەربول شىراقپايۇلى قاراشوكەەۆ  قر اۋىل شارۋاشىلىعى ۆيتسە-ءمينيسترى – ءمينيسترىنىڭ مىندەتىن اتقارۋشى لاۋازىمىنا تاعايىندالدى»,- دەلىنگەن ۇكىمەت قاۋلىسىندا.

ە. قاراشوكەەۆ «قازاگرو» حولدينگىنىڭ باسقارما توراعاسى لاۋازىمىندا، سونداي-اق پرەزيدەنت اكىمشىلىگىندە، قارجى جانە اۋىل شارۋاشىلىعى مينيسترلىكتەرىندە ءتۇرلى قىزمەتتەردى اتقاردى.

بۇگىن قر پرەمەر-ءمينيسترى اسقار مامين ونى اۋىل شارۋاشىلىعى مينيسترلىگىنىڭ ۇجىمىنا تانىستىردى.

Abai.kz