جەكسەنبى, 24 قازان 2021
46 - ءسوز 1802 7 پىكىر 12 شىلدە, 2021 ساعات 15:13

قىتاي نارىعىنىڭ جاقىن بولۋى بىزگە ءتيىمدى

2020 جىلعى الەمدىك پاندەمياعا قاراماستان قىتاي ەكونوميكاسى 2,5%-كە وسكەن. 2021 جىلى «ستاندارت ەند پۋرس» اگەنتتىگى قىتاي ەكونوميكاسى 8,3%-كە وسەدى دەپ بولجام جاساپتى.

اقش-تىڭ ساۋدا سوعىسى، ءتۇرلى ەكونوميكالىق قىسىمدارىنا قاراماستان قىتاي ەكونوميكاسى ءوسۋ ۇستىندە. 1,5 ملرد تۇتىنۋشى نارىعى بار ەلدى ەندى توقتاتۋ مۇمكىن ەمەس.

قىتاي عىلىمى مارستى يگەرە باستادى. ءوزىنىڭ جەكە عارىش ستانتسياسىن سالۋعا كوشتى. قازىرگى تاڭدا الەمدەگى ءبىلىم، عىلىم ورتالىقتارىنىڭ ءبىرى قىتاي.
وسى ءبىز مۇحيتقا شىعا المايمىز دەيمىز. بىراق 1,5 ملرد نارىققا شەكاراڭ ءتيىپ تۇرسا مۇحيتىڭ قاسىڭدا تۇرعانداي عوي. سول مۇحيتتىڭ ماقساتى دا تاۋاردى نارىققا شىعارۋ مەن ساتۋ ەمەس پە؟.. ەۆروپا تاۋارى قىتايعا، قىتاي تاۋارى ەۆروپاعا سۋەتس كانالى ارقىلى 25-30 كۇندە جەتەدى. ۇلى جىبەك جولىنىڭ ءبىر باعىتى قازاقستان تەرريتورياسى ارقىلى وتەدى.

قىتاي نارىعىنىڭ جاقىن بولۋى ءبىزدىڭ ۇلكەن ستراتەگيالىق باسىمدىعىمىز دەپ ويلايمىن. مۇنى پايدالانۋ قاجەت.

باۋىرجان سەرىكباەۆ

Abai.kz

7 پىكىر