كۇزگە دەيىن كارتوپ باعاسى ايتارلىق ارزانداۋى مۇمكىن. بۇل تۋرالى ساۋدا جانە ينتەگراتسيا ءمينيسترى باقىت سۇلتانوۆ مالىمدەدى.

سۇلتانوۆتىڭ ايتۋىنشا، ءسابىز بەن كارتوپتىڭ قىمباتتاۋىنا رەسەيدىڭ يمپورتتى كوبەيتىپ جىبەرۋى سەبەپ بولعان.

"بىزدەگىدەي ءسابىزدىڭ قىمباتتاۋى كورشى وزبەكستاندا دا قايتالاندى. ويتكەنى قازاقستان جانە رەسەي فەدەراتسياسى دا وزبەكستاننان يمپورتتى كوبەيتىپ جىبەردى. سوندىقتان سۇرانىس كوپ بولعان سوڭ، ولاردا دا باعا قىمباتتادى. ال بۇگىنگى تاڭدا كارتوپ باعاسى تومەندەپ جاتقانىن بايقاپ وتىرمىز. ەندى كۇزدە بۇدان دا ايتارلىقتاي ارزانداعانىن كۇتەمىز. ءسابىز باعاسى دا سولاي", - دەدى باقىت سۇلتانوۆ.

بۇعان دەيىن مينيستر كارتوپ پەن ءسابىزدىڭ قىمباتتاۋىنا بايلانىستى ورتالىق ازيا ەلدەرىنە بارىپ كەلگەن بولاتىن.

ء"بىز ءوزارا قامتاماسىز ەتۋ ءۇشىن فورفورۆاردتىق كەلىسىمدەر جاسايمىز. مىسالى كارتوپ، ءسابىز، پياز، ورامجاپىراقتى بىزگە جەتكىزەدى، ال جەمىس-جيدەك پىسكە ۋاقىتتا ءبىز ولارعا جەتكىزەمىز. بۇل ەلدەرگە ەكسپورتتىق باعانىڭ كولەمىن دە بولجاپ وتىرمىز",- دەگەن بولاتىن سۇلتانوۆ.

Abai.kz