استانادا قاربىز الدە داربىزدىڭ 1 كيلوگرامى 250-260 تەڭگە. ورتاشا بىرەۋىن الساڭ 2000 تەڭگە، ۇلكەنىرەك الساڭ 3000 تەڭگە شىعادى. تۇراقتى جۇمىسى بار مەن سياقتى ادامعا دا ءسال اۋىرلىق تۋدىرادى. شىمكەنتتە ءبىر تانىسىم تۇرادى. وتكەندە زۆونداپ جاعدايىن ءبىلدىم.

قۇرىلىستا ءجۇرمىن كۇنىنە 2500 تولەيدى دەيدى. سوندا انا جىگىتتىڭ كۇندىك تابىسى 1 اربۋزعا دا جەتپەي قالادى. ەلىمىزدە ەڭ از ايلىق 42 500 بولعانىمەن سالىقتاردى ۇستاپ قالعاندا قولعا تيەتىنى 37 400 بولادى. ءبىزدىڭ ەلدە كەيبىر سۇتقورەكتىلەر 37 400-بەن ءبىر ادام جانۇياسىن باعا الادى دەپ ەسەپتەسە كەرەك. ايتپەسە ەڭ تومەڭگى ايلىق كەمىندە 100 000 تەڭگە دەۋلەرى كەرەك ەدى. سوعىس بولىپ جاتقان ۋكراينانىڭ وزىندە سوڭعى 5 جىلدا ەڭ تومەڭگى ايلىق 4 ەسە ءوسىپ قازىر 100 000 تەڭگەدەن اسادى.

وتكەندە پرەزيدەنتىمىز ازىق تۇلىكتىڭ الەمدىك باعاسى 40%-عا وسكەنىن ايتتى. بىزدە نەشەگە وسكەنىن ايتپادى. ينفلياتسيا 7.9% دەدى. الەمدە قانشالىقتى وسسە بىزدە ودان كوپ وسپەسە از وسپەدى دەپ ويلايمىن. وعان قارسى نە ىستەپ جاتىرمىز؟ ازىق تۇلىكتىڭ باعاسىن وسىرمەڭدەر دەگەن نە تاپسىرما دەيمىن دا. الەمدىك باعا وسسە بىزدە دە باعا وسەدى. ماسەلە ءبىزدىڭ تابىسىمىزدىڭ ازدىعىندا عوي. تاپقان تايانعانىمىز تاماقتان ارتىلمايدى. ەتتىڭ باعاسى دەگەن كۇندە ءوسىپ جاتىر. ويلاۋدىڭ ءوزى قورقىنىشتى. بىزگە انانى ويلاپ تابۋ، مىنانى ەڭگىزۋ قاجەت ەمەس. بىزگە زاڭ كەرەك. زاڭنىڭ بارىنە بىردەي ورىندالعانى كەرەك. ەڭ بولماعاندا پارامەن ۇستالعان جەمقورلاردى ەل قاتارلى سوتتاپ، تۇرمەدەگى كۋرورتنىي ومىرلەرىن توقتاتۋ كەرەك. ايتپەسە مۇندان دا جەپ، انا جاققا بارىپ 1-2 جىل وتىرىپ قايتۋدان ەشكىم قورقىپ جاتقان جوق.

ءسابيت رىسباەۆ

Abai.kz