– 17 شىلدەگە جوسپارلانعان ميتينگ تۋرالى حابارلامانى بولىسكەنىم ءۇشىن اكىمشىلىك كودەكستىڭ 488-بابى، 7-تارماعى (بەيبىت جيىندى ۇيىمداستىرۋ جانە وتكىزۋ ءتارتىبىن بۇزۋ) بويىنشا ايىپتالدىم. بۇل – ءبىر ايدىڭ ىشىندە ماعان سالىنعان ەكىنشى ايىپپۇل، – دەيدى ايناگۇل توبەتوۆا.

بەلسەندى 6 شىلدە كۇنى دە ءدال وسى ايىپپەن ءدال وسى سوماعا ايىپپۇل العانىن ايتادى. ايتۋىنشا، ونى ءالى تولەمەگەن.

– تولەمەيمىن دە. ادام قۇقىعىمەن ساناسپايتىن مەملەكەتتىڭ قالتاسىن تولتىرعىم كەلمەيدى، – دەيدى ول.

توبەتوۆانىڭ سوزىنشە، ونى 17 شىلدە كۇنى ۇيىنەن شىعا بەرگەندە ۇستاعان. ازاتتىققا حابارلاسقان تاعى ءبىر بەلسەندى احمەت سارسەنعاليەۆتى پوليتسيا وبلىس ورتالىعىنان 50 شاقىرىم جەردەگى قالداياقوۆ اۋىلىنىڭ تۇسىندا تاكسيدە كەتىپ بارا جاتقان جەرىنەن ۇستاپ اكەتكەن.

– پوليتسيا ۇستاعان كەزدە جانىمدا بەلسەندى اقتاماق كوپتىلەۋوۆا بولدى. ءبىز قوسەستەك اۋىلىنان شىعىپ، اقتوبەگە ميتينگىگە بارا جاتقان ەدىك. ەكەۋمىزدى ەكى كولىككە سالىپ اكەتتى. ونلاين سوت كەشكى ساعات 8-دە بولدى. الەۋمەتتىك جەلىلەردەگى جازبالارىم ءۇشىن "قازاقستان رەسپۋبليكاسىنىڭ بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى زاڭناماسىن بۇزدى" دەپ ايىپتاپ، ماعان 50 ايلىق ەسەپتىك كورسەتكىشكە تەڭ ء(بىر اەك 2917 تەڭگەگە تەڭ) ايىپپۇل سالدى. سوت "سوڭعى ءسوزىڭىزدى ايتىڭىز" دەدى. ءىرىپ-ءشىري باستاعان جۇيەدەن سوڭعى ءسوز سۇراپ نەم بار؟ ودان ەشتەڭە وزگەرمەس تە ەدى. سوندىقتان سوڭعى ءسوز سۇرامادىم، پوليتسيا تولتىرعان قۇجاتتاردىڭ بىردە-بىرىنە قول قويمادىم، – دەيدى بەلسەندى احمەت سارسەنعاليەۆ.

بەلسەندى اقتاماق كوپتىلەۋوۆانى قارعالى اۋدانىنىڭ ورتالىعى باتامشا اۋىلىنداعى پوليتسيا بولىمىندە ءتورت ساعات ۇستاپ، ارتىنان بوساتقان.

ازاتتىق بەلسەندىلەردىڭ ۇستالۋىنا بايلانىستى اقتوبە پوليتسياسى مەن سوتىنا حابارلاسقان ەدى، "دۇيسەنبىدە حابارلاسىڭىز" دەگەن جاۋاپ الدى.

Abai.kz