جۇما, 29 ناۋرىز 2024
4688 0 پىكىر 22 شىلدە, 2021 ساعات 13:34

"سولتۇستىك اعىن - 2": اقش پەن گەرمانيا كەلىسىمگە كەلدى

قۇراما شتاتتار مەن گەرمانيا "سولتۇستىك اعىن-2" جوباسىن اقش سانكتسياسىز اياقتاۋ جونىندە كەلىسىمگە كەلدى. بۇل جونىندە اقش مەملەكەتتىك حاتشىسىنىڭ ورىنباسارى ۆيكتوريا نۋلاند مالىمدەدى.

ونىڭ سوزىنشە، ۆاشينگتون مەن بەرلين رەسەي گازىن ۋكراينا ارقىلى تاسىمالداۋ جوباسى 10 جىلعا سوزىلادى. قازىرگى قولدانىستاعى كەلىسىم مەرزىمى 2024 جىلعا دەيىن بولعان.

نۋلاند اقش مەن گەرمانيا ۋكراينانىڭ رەسەي گازىنا تاۋەلدىلىگىن بارىنشا ازايتۋعا تىرىسامىز دەپ اتاپ ءوتتى. بۇدان بولەك ەگەر ماسكەۋ كورشى ەلدەرگە ەنەرگيا رەسۋرستارى ارقىلى قىسىم جاسايتىن بولسا، گەرمانيا سانكتسيا سالاتىنىن ايتتى.

ۋكراينا ەنەرگيا رەسۋرسى قامتاماسىز ەتۋ ءۇشىن بەرلين مەن ۆاشينگتوننان قارجىلاي كومەك الادى.

رەسەي پرەزيدەنتى ۆلاديمير پۋتين مەن گەرمانيا كانتسلەرى انگەلا مەركەل تەلەفون ارقىلى سويلەسكەن كەزدە، "سولتۇستىك اعىن-2" جوباسى قۇرىلىسىنىڭ اياقتالۋعا جاقىن ەكەنىن، قۇرىلىس جۇمىسىنا كوڭىلى تولاتىنىن جەتكىزگەن. بۇل جونىندە كرەملدىڭ ءباسپاسوز قىزمەتى حابارلادى.

"سولتۇستىك اعىن – 2" جوباسىنىڭ قۇرىلىسى 2016 جىلى باستالعان. قۇرىلىس 2019 جىلى اياقتالۋى ءتيىس بولعان، بىراق اقش سانكتسياسى قاۋپىنەن توقتاپ قالعان.

2021 جىلدىڭ باسىندا قۇرىلىس جۇمىسى قايتا جالعاستى.

اقش اكىمشىلىگى گاز قۇبىرىن قارۋمەن كۇزەتۋگە قارسى شىقتى. بۇل ەۋروپالىق وداق پەن ۋكراينانىڭ قاۋىپسىزدىگىنە قاۋىپ تونەدى دەپ، ونىڭ ورنىنا ۆاشينگتون ءوزىنىڭ ەنەرگيا رەسۋرستارىن ەۋروپاعا ۇسىنعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594