اتالعان ۇيىمدار تەلەفونى تىڭدالادى دەگەن بارلىق قازاقستاندىقتىڭ ءتىزىمىن جاريالاۋدى تالاپ ەتتى. سەبەبى، ولار "كونستيتۋتسيالىق قۇقىقتارىن قورعاۋعا" حاقى بار دەدى.

ء"سوز ەركىندىگىن قورعايتىن ء"ادىل ءسوز" قورى مەن قازاقستان جۋرناليستەر وداعى مەدياسفەرا وكىلدەرىنىڭ جەكە ومىرىنە قول سۇعىپ، ولاردىڭ تەلەفونىن تىڭداۋعا جول بەرىلمەۋى كەرەك دەپ ەسەپتەيدى. بۇل قازاقستان كونستيتۋتسياسىنىڭ 18-بابىن بۇزۋ عانا ەمەس، ازاماتتىق جانە ساياسي قۇقىقتار جونىندەگى حالىقارالىق پاكتىنىڭ 17-بابىن بۇزۋ بولىپ سانالادى", - دەلىنگەن مالىمدەمەدە.

20 شىلدەدە جەمقورلىق پەن ۇيىمداسقان قىلمىستى زەرتتەۋ ورتالىعى (OCCRP) يزرايل كومپانياسىنىڭ Pegasus دەيتىن ۆيرۋس باعدارلاماسىن قازاقستان پرەزيدەنتى قاسىم-جومارت توقاەۆقا دا قارسى قولدانعان بولۋى مۇمكىن دەپ مالىمدەگەن.

زەرتتەۋشىلەر قولىنا تۇسكەن "پەگاس تىزىمىندە" بارلىعى 50 مىڭ ءنومىر بولسا، سونىڭ 2 مىڭىنىڭ قازاقستانعا قاتىسى بار. OCCRP ولاردىڭ اتى-ءجونىن بىرتىندەپ جاريالاي باستادى. قازىرگە دەيىن اتى اتالعاندار قاتارىندا ەل پرەزيدەنتى قاسىم-جومارت توقاەۆ، ۇكىمەت باسشىسى اسقار مامين جانە الماتى اكىمى باقىتجان ساعىنتاەۆ بار.

OCCRP زەرتتەۋشىلەرىنىڭ سوزىنشە، كيبەرشابۋىل نىساناسىنا كوپتەگەن ەلدىڭ جوعارى لاۋازىمدى تۇلعالارى كىرگەن، بىراق كوبىندە اڭدۋعا تاپسىرىستى كورشى مەملەكەتتەر بەرسە، قازاقستان ازاماتتارىن ء"وز ۇكىمەتى" اڭدىعان. زەرتتەۋ اۆتورلارىنىڭ جازۋىنشا، توقاەۆ NSO Group كومپانياسىنىڭ (Pegasus باعدارلاماسىن ازىرلەۋشى) تىزىمىنە 2017-2018 جىلدارى، ءالى سەنات سپيكەرى بولىپ تۇرعاندا كىرگەن.

Abai.kz