قازاقستاننىڭ قىرعىزستانعا گۋمانيتارلىق كءومەك رەتىندە بەرىلگەن QazVac ۆاكتسيناسىنىڭ 25 مىڭ داناسى 28 شىلدەدە بىشكەككە جەتتى.

دەنساۋلىق ساقتاۋ جانە الەۋمەتتىك قورعاۋ مينيسترلىگىنىڭ مالىمەتىنە قاراعاندا، قازاقستاننىڭ بيولوگيالىق قاۋىپسىزدىك ماسەلەلەرى بويىنشا عىلىمي-زەرتتەۋ ينستيتۋتى ويلاپ تاپقان بۇل ۆاكتسينا 18 جاستان جوعارى ازاماتتارعا كوروناۆيرۋستان قورعانۋ ءۇشىن سالىنادى. ءبىرىنشى دانا مەن ەكىنشىسىنىڭ ورتاسىنداعى ارالىق 21 كۇن بولۋى كەرەك.

QazVac ۆاكتسيناسى ستاندارت تەحنولوگيا بويىنشا ازىرلەنگەنى، كوروناۆيرۋستان قورعاۋ دەڭگەيى 90% جوعارى ەكەنى، قازاقستاننىڭ وزىندە بۇگىنگى كۇنگە دەيىن 300 مىڭ ادام العانى، دەنساۋلىققا زيان كەلتىرگەن جاعدايلار تىركەلمەگەنى گۋمانيتارلىق جاردەمدى قابىلداپ الۋ شاراسىندا ايتىلدى.

قازاق ۇكىمەتى COVID-19 ۆيرۋسىنا قارسى كۇرەسۋ ءۇشىن قىرعىزستانعا وسىعان دەيىن گۋمانيتارلىق كومەك رەتىندە 78 ميلليون سومعا 400 يۆل اپپارات، 2 ملن ماسكا بەرىلگەن.

قىرعىزستاندا قازىر Sputnik V, Sinopharm جانە AstraZeneca ۆاكتسينالارىن الىپ جاتىر. ۆاكتسينا سالدىرعانداردىڭ جالپى سانى 500 مىڭنان اشتى.

جالپى ولكەدە كوروناۆيرۋس جۇقتىرعانداردىڭ رەسمي سانى 160 مىڭعا جەتىپ، 2288 ناۋقاس قازا بولدى.

قىرعىزستان پرەزيدەنتى سادىر جاپاروۆ 28 شىلدەدە ەكىنشى رەت ۇندەۋ جاريالاپ، حالىقتى ۆاكتسينا الۋعا شاقىرعان.

Abai.kz