پرەزيدەنت قاسىم-جومارت توقاەۆ جامبىل وبلىسىنىڭ اكىمى بەردىبەك ساپارباەۆقا سوگىس جاريالادى. 

بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي الەۋمەتتىك جەلىدە مالىمدەدى.

«مەملەكەت باسشىسى قاسىم-جومارت توقاەۆ جامبىل وبلىسىنىڭ اكىمى بەردىبەك ساپارباەۆقا 2019 جىلى جۇمىسىندا ەداۋىر ولقىلىقتارعا جول بەرىپ، قىزمەتىنەن بوساتىلعان ق.دوساەۆتى اكىمدىكتىڭ باسقارما باسشىسى ەتىپ تاعايىنداعانى ءۇشىن سوگىس جاريالادى. اكىمگە ءبىر تاۋلىك ىشىندە كادرلىق قاتەلىگىن تۇزەتۋگە تاپسىرما بەرىلدى»،- دەپ جازدى ول.

ايتا كەتەيىك، ول 2019 جىلدىڭ قاراشا ايىندا قالا مەكتەپتەرىنىڭ بىرىندە 12 جاستاعى قىزدى زورلاۋ وقيعاسىنا بايلانىستى تاراز قالاسىنىڭ اكىمى قايرات دوساەۆ قىزمەتىنەن بوساتىلعان.

ودان سوڭ، ەكس-اكىم تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى بولىپ تاعايىندالعانى ايتىلعان.

Abai.kz