تاجىكستاننىڭ ساۋدا جانە ەكونوميكالىق دامۋ ءمينيسترى زاۆكي زاۆكيزودا 2 تامىزداعى ءباسپاسوز كونفەرەنتسياسىندا دۋشانبەنىڭ ەاەو-عا كىرۋى تۋرالى ەشقانداي الدىن الا كەلىسىم جوق دەپ مالىمدەدى.

"ەاەو – جاس بىرلەستىك. قانداي دا ءبىر وقاققا كىرگىسى كەلەتىن كەز كەلگەن ەل پايدالى-پايداسىز جاقتارىن زەرتتەپ الادى. قازىر ءبىز كورشى ەلدەردىڭ تاجىريبەسىن ەسكەرە وتىرىپ، ساراپتاما جاساپ ءجۇرمىز. ەاەو-عا كىرۋ تۋرالى شەشىم ءالى قابىلدانعان جوق", - دەدى مينيستر.

جۋرناليستەردىڭ تاجىكستان وداققا شامامەن قاي ۋاقىتتا كىرۋ مۇمكىن دەگەن ساۋالىنا زاۆكي زاۆكيزودا ۇكىمەتتىڭ قاشان جانە قانداي شەشىم قابىلدارى ازىرگە بەلگىسىز دەپ جاۋاپ بەردى.

رەسەي تاجىكستاننىڭ ەكونوميكالىق وداققا كىرگەنىن قالايتىنىن بىرنەشە مارتە مالىمدەگەن.

ەۋرازيالىق ەكونوميكالىق وداق (ەاەو) – رەسەي، بەلارۋس، ارمەنيا، قازاقستان جانە قىرعىزستان كىرەتىن حالىقارالىق ۇيىم.

Abai.kz